Guðbrandi Þorlákssyni var gert hátt undir höfði í messunni.  Upprunalega útáfa biblíunnar var tekin fram. Víglsubiskup söng messu úr Graduale Guðbrands ásamt þátttakendum í Ríkíniþinginu.  Forsöngvari var Smári Ólason sem færði hann í auðlæsan búning sérstaklega fyrir þessa messu.  Hluti þingfulltrúa sést hér að neðan, Örn Magnússon og Marta Guðrún Halldórsdóttir fremst í flokki.                                                                                                                                                                                                                                                                                                                                

Á tónleikunum síðdegis voru flutt kvæði fjögurra helgra meyja.     Kór söng útsetningu Smára Ólasonar á Veróníkukvæði sem einnig stjórnaði kórnum.  Árni Heimir Ingólfsson sagði lítillega frá sankti Dórótheu.  Hann hafði einnig gert útsetningu fyrir Örn og Mörtu - sópran og orgel, sem þau fluttu.  Næst var heilög Margrét.  Hennar sögu flutti Ingibjörg Eyþórsdóttir og Örn lék undir á symfón og að síðust var Barbörukvæði flutt af nær öllum hópnum, en það hafði Bára Grímsdóttir útsett fyrir margar raddir og hin ýmsu hljóðfæri, m.a. greiður!

Margrét Sigtryggsdóttir, 28/8 2011 kl. 16.54