Hóladómkirkja

Það var föngulegur hópur sem stillti sér upp fyrir ljósmyndara kirkjunnar í gær að lokinni vígslu sr. Solveigar Láru.

Eins of oftast áður lék veðrið við hátíðargesti sem kom sér afar vel því aðeins hluti kirkjugesta komst fyrir innandyra. Aðrir fylgdust með athöfninni utandyra og í Hólaskóla í gegnum fjarmiðlunarbúnað.

Þeir sem vilja sjá fleiri myndir er bent á www.kirkjan.is þaðan sem þessi mynd er fengin.

Dagskrá Hólahátíðar hélt áfram í morgun.  Gestir flykktust heim að staðnum til að taka þátt í pílagrímagöngum og öðru sem boðið var uppá.  Félagið Sturlungaslóð hafði dagskrá um Guðmund góða í kirkjunni síðdegis.  Mikill fjöldi kom í bænastundina kl. 18 þangað sem menn komu rykugir og göngumóðir úr Svarfaðardal.

Hér má sjá þá sem gengu í Gvendarskál með vígslubiskupi.

Mikið sjónarspil náttúrunnar mætti gestum á setningu Hólahátíðar að lokinni fyrstu samkomunni.

Kvöldsólin, rétt við að setjast í dalsmynninu, logagyllti kirkjuturninn sem bar við nær svartan himin. Tvöfaldur regnbogi kórónaði staðinn. Þetta sjónarspil stóð aðeins örfáar mínútur.

Ragnheiður Björk Þórsdóttir fyrirlestur um kljásteinsvefstað og vefnað til forna, en hann er nú að ryðja sér rúms víða.  Auðunarstofa var fullsetin og mikill áhugi gesta var augljós.  Ragnheiður mun standa við staðinn í dag – laugardag og sýna handverkið.

Dagskráin heldur áfram í dag.

Fleiri myndir. Lesa áfram …

Óvanalega mikið verður um dýrðir þetta árið. Frú Agnes M. Sigurðardóttir vígir séra Solveigu Láru Guðmundsdóttur til embættis vígslubiskups í Hólastifti. Vígslan verður í lok hátíðarinnar, kl 14 á sunnudaginn. Aðrir liðir verða sem hér segir.
Dagskrá.

Hér eru frekari upplýsingar um pílagrímagöngurnar sem verða á laugardaginn:

Heljardalsheiði. Gengin verður gömul þjóðleið úr Svarfaðardal yfir Heljardalsheiði. Lagt verður upp frá Atlastöðum í Svarfaðardal kl. 9.30 laugardaginn 11. ágúst en sætaferð verður þangað frá Hólum kl. 7 fyrir þau sem það kjósa. Reiknað er með átta stunda rólegri göngu. Farartálmar eru ekki á leiðinni en fólk verður aðstoðað yfir Kolbeinsdalsá og til Hóla. Nauðsynlegt er þó að vera vel útbúinn og vel skóaður og með vaðskó. Farar­stjóri yfir Heljardalsheiði verður sr. Guðrún Eggertsdóttir.

Felustaður frúarinnar. Pílagrímaganga frá Flugumýrarkirkju að „felustað frúarinnar á Hólum“, Helgu Sigurðardóttur, fylgikonu Jóns biskups Arasonar. Mæting er við Flugumýrarkirkju kl. 9.

Áætluð tilhögun:

Þátttakendur safnast saman í Flugumýrarkirkju. Kirkjan skoðuð og síðan er fjallað nokkuð um Helgu Sigurðardóttur og dvöl hennar í felum sumarið 1551. Síðan er gengið upp með Hvammsá inn Flugumýrardal og upp í Húsgilsdrag að baki Glóðafeykis þar sem talið er að Helga hafi leynst í u.þ.b. 600 m hæð. Þar skoðar fólk sig um og hvílir lúin bein. Þeir sem eru fótfráir geta síðan gengið á topp Glóðafeykis en ferðaáætlun gerir ráð fyrir bakaleið miðhlíðis í Glóðafeyki norðanverðum og niður á Virkishól (sem þekktur er úr Sturlungu) beint fyrir ofan Flugumýrarkirkju. Í góðu veðri er óvarlegt að reikna með skemmri tíma en 6 klst en í kalsa gengur fólk hraðar og stoppar minna á göngunni. Leiðsögumaður er Þórarinn Magnússon, bóndi á Frostastöðum.  Skráning er hjá Málfríði Finnbogadóttur malfridur@holar.is

Sunnudaginn 29. júlí messar séra Hjörtur Pálsson og 5. ágúst er það séra Ursúla prestur á Skagaströnd sem messar.  Tónleikarnir eru á sínum stað kl. 14.  Það er Arnaldur Arnarson gítarleikari sem spilar verk m.a. frá Spáni og Suður Ameríku n.k. sunnudag.  Einnig má búast við suðrænni sveiflu frá Óskari Guðjónssyni saxófónleikara og hans félögum sem heimsækja okkur um verslunarmannahelgina.  Verið velkomin.

Séra Ólafur Þ. Hallgrímsson mun þjóna í messunni á sunnudaginn kemur ásamt Jóhanni Bjarnasyni organista og Laufeyju Guðmundsdóttur sem leiðir safnaðarsönginn.
Síðdegis fáum við svo að heyra blásaratríó spila leikandi létt verk frá klassíska tímabilinu eftir höfunda eins og Beethoven og Hayden. Listamennirnir eru vel þekktir og hafa starfað saman um árabil. Þeir eru: Hallfríður Ólafsdóttir flautuleikari, Ármann Helgason klarinettuleikari og Eydís Franzdóttir óbóleikari. Tónleikarnir hefjast kl. 14 og eru öllum opnir ókeypis.

Á sunnudaginn kemur fáum við í heimsókn góða gesti úr Skálholti. Jón Bjarnason, sem okkur er að góðu kunnur frá fyrri heimsóknum kemur með hluta af sínum kirkjukór. Skálholtsprestur sr. Egill Hallgrímsson predikar og sr Jón Aðalsteinn og sr. Gunnar Jóhannesson þjóna fyrir altari.
Félagar úr kór Hóladómkirkju með Jóhann Bjarnason í fararbroddi taka á móti gestunum að sunnan en hann hefur leitt kórinn í tveim messuferðum Hóilabiskups til Skálholts á undanförnum árum.

Enn á ný fáum við að heyra þau spila saman fiðluleikarann Laufeyju Sigurðardóttur og gítarleikarann Pál Eygjólfsson. Laufey Sigurðardóttir og Páll Eyjólfsson hafa starfað saman frá árinu 1986. Þau hafa haldið tónleika víðs vegar um landið sem og erlendis og gert upptökur fyrir útvarp og sjónvarp. Á efnisskrá þeirra eru verk frá barokk-tímanum til okkar daga og íslensk tónskáld hafa samið verk fyrir þau sérstaklega.
Þetta er tólfta sumarið sem Laufey og Páll halda tónleika í Hóladómkirkju. Tónleikar þeirra verða sunnudaginn 8. júlí kl. 14. Forsmekkinn fáum við að heyra í Auðunarstofu á laugardagskvöldið kl. 20:30. Allir velkomnir meðan húsrúm leyfir.

Næsta sunnudag koma Björg Þórhallsdóttir, Elísabet Waage og Hilmar Örn Agnarsson að skemmta áheyrendum í kirkjunni með söng og hljóðfæraslætti.
Tónleikarnir hefjast kl. 14 og aðgangur er ókeypis.