Hóladómkirkja

Næstkomandi sunnudag, þann 14. maí verður almenn safnaðarmessa í Hóladómkirkju og hefst hún kl.11. Altarisganga fer fram við messuna. Sr. Gunnar Jóhannesson þjónar fyrir altari og prédikar en organisti er Rögnvaldur Valbergsson og félagar úr kirkjukórnum leiða safnaðarsöng.

Áður auglýstum fyrirlestri Jóns Þ. Þór, Höfuðból Norðurlands – Hólastaður og Íslandssagan, hefur veirð flýtt um einn dag, fyrirlesturinn verður í dag 3. maí, kl. 17 í Auðunarstofu.

Aðgangur er ókeypis og allir velkomnir. Vonumst enn sem fyrr til að sjá sem flesta.

Fimmtudaginn 4. maí verður áhugaverður fyrirlestur Jóns Þ. Þór í Auðunarstofu sem ber heitið Höfuðból Norðurlands – Hólastaður og Íslandssagan. Erindið er haldið í tilefni afmælisárisins á Hólum og er á vegum Guðbrandsstofnunar og Ósýnilega félagsins.

Fyrirlesturinn hefst kl. 17 , aðgangur er ókeypis og allir velkomnir meðan húsrúm leyfir.

Jón Þ. Þór er Fil.dr. í sagnfræði og sjálfstætt starfandi fræðimaður. Hann hefur ritað fræðirit, ævisögur og fengist við þýðingar. Hann kemur að ritun sögu biskupstólanna Hóla og Skálholts.

Hólastaður fagnar 900 ára afmæli en biskupstóll var fyrst settur á Hólum 1106. Þá setti Jón helgi Ögmundsson jafnframt á stofn skóla og lengst af hefur Hólastaður verið talinn eitt af höfuðvígum menntunar og fræða í landinu. Í tilefni afmælisins verður haldin ráðstefna um menntamál að Hólum, helgina 28.-30. apríl næstkomandi. Hér má lesa dagskrá skólastefnunnar en að henni koma stjórnendur flestra menntastofnana á framhalds- og háskólastigi á Íslandi, auk erlendra gesta.

Lesa áfram …

Á páskadag, 16. apríl verður hátíðarguðsþjónusta í Hóladómkirkju, kl. 14. Sr. Jón Aðalsteinn Baldvinsson biskup prédikar og þjónar fyrir altari. Jóhann Már Jóhannsson tenór syngur einsöng og kór Hóladómkirkju leiðir almennan safnaðarsöng. Organisti er Jóhann Bjarnason.

Að kveldi 14. apríl, föstudagsins langa, verður samkoma í tali og tónum í Hóladómkirkju og hefst kl.21. Umsjón með samverunni hafa Málfríður Finnbogadóttir og Jóhann Bjarnason sem verður við orgelið. Verið hjartanlega velkomin til kirkjunnar.

Nú er mikið vetrarríki á Hólum þó að sólarganginn lengi með degi hverjum og gefi fyrirheit um betri tíð. Á næsta leiti eru páskarnir, stærstu hátíð kirkjunnar.

Lesa áfram …

Þann 4. mars s.l. lagði kór Hóladómkirkju land undir fót og heimsótti Skálholtskórinn. Suðurland skartaði sínu fegursta í heiðskíru veðri og dáðust Skagfirðingar mjög að víðsýninu af Skálholtshlaði.

Björg Baldursdóttir tók saman litla ferðasögu.

Lesa áfram …

Þann 12.mars, kl. 14 verður almenn safnaðarmessa í Hóladómkirkju. Jón A. Baldvinsson prédikar og þjónar fyrir altari. Organisti er Jóhann Bjarnason og Hóladómkórinn leiðir sönginn.

Nú er fastan, sem kristið fólk hefur löngum notað til íhugunar og iðrunar. Hittumst á föstu og eigum samfélag í kirkjunni.

Þorsteinn Gunnarsson, arkitekt og formaður húsfriðunarnefndar mun halda fyrirlestur um Hóladómkirkju, næstkomandi fimmtudag, þann 2.mars kl. 17, í hátíðarsal Hólaskóla. Fyrirlesturinn ber yfirskriftina Hóladómkirkja og endurreisn hennar en Þorsteinn hafði umsjón með endurgerð kirkjunnar sem lauk árið 1990 og er manna fróðastur um sögu hennar. Fyrirlesturinn er haldinn í tilefni af 900 ára afmæli Hólastaðar. Aðgangur er ókeypis og öll velkomin meðan húsrúm leyfir.