S.l. sunnudag héldu heiðurshjónin Guðrún Gunnarsdóttir söngkona og Valgeir Skagfjörð píanóleikari og lagasmiður tónleika í Hóladómkirkju. Um hundrað manns komu og hlýddu á.
http://www.kirkjan.is/holar/myndir/gudrung3.JPG
sigridur.gunnarsdottir, 25/7 2005
Hólahátíð verður haldin dagana 12. 14. ágúst.
Heiðursgestur er frú Vigdís Finnbogadóttir
Margrét Sigtryggsdóttir, 20/7 2005
Tvennir tónleikar voru haldnir á vegum Hólanefndar og Guðbrandsstofnunar um síðustu helgi. Hinir góðkunnu blásarar Eydís Franzdóttir óbóleikari, Hallfríður Ólafsdóttir flautuleikari og Ármann Helgason klarinettleikari léku bæði í kirkjunni og í Auðunarstofu sem hentar mjög vel til tónleikahalds.
Margrét Sigtryggsdóttir, 19/7 2005
Kirkjan ómaði af söng s.l. sunnudag. Það var kirkjukór Sauðárkrókskirkju sem leiddi sönginn í guðsþjónustunni. Hún var að þessu sinni í höndum sr. Guðbjargar Jóhannesdóttur. Fjölmenni var og eitt barn úr sveitinni borið til skírnar, sem jók enn á helgi stundarinnar.
Margrét Sigtryggsdóttir, 19/7 2005
Nær 40 manns úr Seljasókn voru í fylgdarliði sr. Bolla Péturs er hann messaði í Hóladómkirkju 10. júlí s.l.
Margrét Sigtryggsdóttir, 19/7 2005
Guðsþjónustan kl 11 er í umsjá sr Guðbjargar Jóhannesdóttur sóknarprests á Sauðárkróki. Með henni í för verða félagar úr kirkjukór Sauðárkrókskirkju sem leiða safnaðarsönginn.
Tónleikarnir þennan dag eru helgaðir léttri klassískri tónlist innlendri sem erlendri. Eydís Franzdóttir, Hallfríður Ólafsdóttir og Ármann Helgason leika saman á óbó, flautu og klarinett. Þeir hefjast kl 14 og er aðgangur ókeypis.
Margrét Sigtryggsdóttir, 11/7 2005
Sunnudaginn 10. júlí eigum við von á heimsókn úr Reykjavík. Þá verða á ferð prestur og kór Seljakirkju og munu þau syngja messu auk þess að vera með tónleika í kirkjunni síðdegis.
Margrét Sigtryggsdóttir, 7/7 2005
Menningarmálaráðherra Noregs hafði stutta viðdvöl á Hólastað ásamt fylgdarliði sínu mánudaginn 4. júlí á leið sinni um Norðurland. Valgerd Svarstad Haugland, sem var hér í boði Þorgerðar Katrínar Gunnarsdóttur menntamálaráðherra, óskaði sérstaklega eftir að fá að skoða Auðunarstofu, sem á ættir sínar að rekja til Noregs.
Margrét Sigtryggsdóttir, 6/7 2005
Þessi ljóðlína sr Matthíasar áttu vel við mánudagskvöldið 4. júlí. Færri komust að en vildu þegar systkinin Ellen og Kristján Kristjánsbörn sungu og léku í Hóladómkirkju.
Margrét Sigtryggsdóttir, 6/7 2005
Góðir grannar sáu um helgihaldið í Hóladómkirkju sunnudaginn 3. júlí. Sr Gísli Gunnarsson kom ásamt fríðu föruneyti, félögum úr kirkjukórum Glaumbæjar-og Reynisstaðarsókna og Víðimýrarsóknar sem sungu undir stjórn organistans Stefáns Gíslasonar
Margrét Sigtryggsdóttir, 6/7 2005
VETRARDAGSKRÁ
frá 10. september 2011
Kirkjan er höfð læst þegar ekkert helgihald fer fram en kirkjuvörður sýnir kirkjuna þegar þess er óskað. Síminn er 895 9850.
Safnaðarmessur verða u.þ.b. mánaðarlega og verða auglýstar sérstaklega.
Hina sunnudagana eru kvöldbænir kl. 18:00 - 18:15 þar sem fer fram víxllestur og bæn.
Hringt er til tíða u.þ.b. 15 mínútum fyrir tímann.
Fyrirbænaefnum má koma til víglsubiskups í síma 453 6300 og í tölvupósti á biskup@holar.is eða til kirkjuvarðar í 895 9850 eða á laufgud@mail.holar.is
Kvöldbænireru einnig á miðvikudögum með sama hætti.
Hólum í Hjaltadal, 551 Sauðárkróki. Sími 453 6300 , fax 453 6301 · Kerfi 
