Langamýri

Annan sunnudag í aðventu var aðventuhátíð Glaumbæjarprestakalls haldin hér á Löngumýri eins og venja er. Dagskráin var fjölbreytt með virkri þátttöku fermingarbarna, kórs, nemenda tónlistaskólans að kirkjuskólabörnunum ógleymdum er sýndu helgileik. Sr. Gísli Gunnarsson stýrði samkomunni og las jólasögu. Samkoman var fjölmenn og að henni lokinni áttu gestir notalega samveru yfir veislukaffi í boði sóknarnefnda prestakallsins.

Kirkjukór Glaumbæjarprestakalls er ákaflega virkur hér í safnaðarstarfinu og þar á stjórnandinn Stefán Gíslason mestan heiður af fyrir þrotlausan áhuga og einstaka hæfileika. Auk söngs við almennar athafnir hefur kórinn, sem telur um 40 félaga flutt Gospel dagskrá á nokkrum stöðum á árinu og nú á aðventunni hyggst hann flytja messu eftir Schubert ásamt einsöngvara og hljómsveit, fyrst í Blönduóskirkju þann 13. des. og í menningarhúsinu Miðgarði 15. desember en þar munu sr. Hjálmar Jónsson og Eyþór Árnason frá Uppsölum einnig lesa úr  verkum sínum.

Það er málað og litað og....

Það var sannarlega líflegt hér um helgina þegar hið árlega TTT haustmót fór fram. Þá komu saman börn frá Hvammstanga, Sauðárkróki, Skagaströnd, Hofsósi og Hólum ásamt leiðtogum sínum og prestum, blönduðu geði í söng og leik og meðtóku fræðslu um kristin gildi. 

Hringiðan er sívinsæll leikur í pottinum

Að óbreyttu var þetta síðasta mótið undir stjórn Sigurðar Grétars á Hvammstanga, en honum hefur í sparnaðarskyni, verið sagt upp störfum sem fræðslufulltrúa Húnavatns og Skagafjarðarprófastdæma. Hvert framhaldið verður er óráðið, en vissulega er ekki einungis eftirsjá af Sigurði sem einstökum leiðtoga, heldur má einnig setja spurningarmerki við hvar borið er niður í sparnaðinum. Þessi mót sem hluti æskulýðsstarfsins hafa undantekningalaust heppnast vel og gefið börnum í þessum byggðalögum tækifæri á að hittast og þannig brúað ákveðið bil. Er þetta mót dregið hér út úr en vissulega setur þetta önnur æskulýðsmál sem embættið hefur sinnt af kostgæfni í ákveðið óvissuástand.

Og þeir stilltustu fara fyrst að borðinu

Starfsemi eldri borgara er hafin á Löngumýri og verður með hefðbundnu sniði og verið hefur eða annan hvern þriðjudag frá 13:30-16:30. Líkt og undanfarin 10 ár eru það heiðurskonurnar Helga Bjarnadóttir í Varmahlíð og Inda Indriðadóttir í Lauftúni sem standa að þessum skemmtilegu samverustundum þar sem er sungið,

Einar á Hamri, Haraldur frá Mói og hjónin frá Hlíðarenda Kjartan og Ingibjörg eru dugleg að mæta

 spjallað og spilað að ógleymdu veisluborðinu sem þeir stöllur reiða fram

Í dag komu góðir gestir þegar verðandi fermingarbörn úr Varmahlíðarskóla og Hríseyjarprestakalli komu á fermingarnámskeið ásamt prestum sínum. Eins og venjulega var það æskulýðafulltrúinn sr. Sigurður Grétar sem lagði línurnar og stjórnaði dagskránni sem samanstóð af fjölbreyttri fræðslu í bland við leiki og söng.

...Svo gerum við svona og á eftir..... Sr. Sigurður Grétar fer yfir planið með þér sr. Döllu, sr. Huldu Hrönn og sr. Gísla

Það er ekkert vafamál að veturnætur eru um næstkomandi helgi, en dagurinn í dag er ekki fyrirboði harðinda. Stilla og bjartviðri, lítilháttar föl í Blönduhlíðarfjöllunum svona rétt til þess að auka á mikilfengleika þeirra. Friður yfir hrossunum og þau sem betur fer áhyggjulaus yfir þrasi um ástandið í landinu. Það eru svona dagar sem minna okkur á að þrátt fyrir allt er Ísland lang best

Undanfarnar helgar hafa saumavélarnar vart þagnað hérna á Löngumýri þegar hin sívinsælu bútasaumsnámskeið undir leiðsögn Kristrúnar í Quiltbúðinni á Akureyri hafa verið í gangi.  Engin takmörk virðast fyrir því hvaða listaverk hægt er að búa til með þessum hætti og m.a. færði Kristrún staðnum að gjöf forláta veggteppi sem þakklæti fyrir samstarfið. Færum við henni okkar bestu þakkir fyrir. Mynd af teppinu verður birt síðar.

Sýnishorn af listmunum saumakvenna

Sigurður Grétar með spurningakeppni í fermingarfræðslunni

Í sól og sumaryl

Viðburðaríkt sumar er að baki hér á Löngumýri en ekki hefur verið hægt að gera því skil í myndum og máli vegna vandamála með vefinn sem nú er kominn í lag í nýju umhverfi sem vonandi skilar ykkur einhverjum tíðindum og fréttum af starfinu.

Eins og undangengin sumur var margt um manninn og fullbókað í öll tímabil eldri borgara, fatlaðra og sumarbúðir sykursjúkra. Afar vel tókst til með orlofsdvöl fyrir ekkjur og ekkla og sömuleiðis komu margir í hvíldardvöl krabbameinssjúkra. Nú í haust hafa konur hvarvetna af landinu komið saman á bútasaumsnámskeið undir leiðsögn Kristrúnar í Quiltbúðinni á Akureyri, kátir og skemmtilegir hópar sem lífga upp á staðinn.  Á næstu dögum og vikum fara fermingarbörnin héðan úr grendinni og úr Glerárkirkju að koma en það er árviss viðburður. Sömuleiðis styttist í TTT mót barna úr Húnavatns og Skagafjarðarprófastdæmum sem ávallt eru hlaðin gleði og einlægni undir styrkri stjórn sr Sigurðar Grétars á Hvammstanga sem innan tíðar hverfur til nýrra starfa suður með sjó. Verður hans sárt saknað úr æskulýðsstarfinu. Óskum við honum og fjölskyldunni velfarnaðar í framtíðinni.

Næstkomandi sunnudagskvöld, þann 29. mars verður Hr. Jón Aðalsteinn Baldvinsson vígslubiskup á Hólum með fyrirlestur hér á Löngumýri sem hefst kl. 20:00.

Lesa áfram …

Nú í vikunni komu fermingarbörnin úr Varmahlíðarskóla aftur til okkar en í þetta skiptið var tilgangurinn að eiga saman dagstund með sr. Sigurði Grétari æskulýðsfulltrúa og sr. Gísla sem fermir flest barnanna.

Lesa áfram …

Það var ekkert sérstakt veðrið á sunnudaginn var þann 8.mars þegar Æskulýðsdagur þjóðkirkjunnar var haldinn hátíðlegur hér á Löngumýri.

Lesa áfram …