Kammerkór Langholtskirkju syngur mótettur eftir J.S Bach, Brukner og Nysted ásamt þremur hljóðfæraleikurum.
Mótettur Bach eru einhver glæsilegustu “virtuósaverk” sem samin hafa verið
fyrir kór. Bach samdi þær á Leipzigerárum sínum. Þær voru allar samdar
fyrir sérstök tilefni eins og flest kirkjulegu verka hans. Það sem
einkennir þær er formfestan. Þannig eru Lobet den herrn og Singet den
Herrn í sama formi og hljómsveitarkonsertar hans, hratt - hægt - hratt og
Jesu meine Freude, sem er lengsta mótetta hans er í ellefu þáttum sem
mynda “symmetrískt” form þannig að fyrsti og síðast þáttur hafa samsvörun
og annar og tíundi eru byggðir upp á sama efnivið o.s.frv.

Tómas Guðni Eggertsson, Sigurður Halldórsson og Richard Korn leika með í
tveimur mótettum á barok orgel, selló og kontrabassa.

Kammerkór Langholtskirkju er 17 manna hópur söngvara úr Kór
Langholtskirkju. Þeir hafa allir stundað söngnám og hafa mjög langa
kórreynslu.
Efnisskráin er:
Laudate eftir Knut Nysted
Tvær mótettur eftir Anton Bruckner
Graduale (Locus iste)
Graduale (Cristus factus est)
Þrjár mótettur eftir Johann Sebastian Bach
Lobet den Herrn - BWV 230
Jesu, meine Freude - BWV 227
Singet dem Herrn ein neues Lied - BWV 225 fyrir tvo kóra.

Jón Helgi Þórarinsson, 9/5 2007 kl. 17.50