Hátíðin hefst með messu kl. 11:00. sr. Guðbjörg Jóhannesdóttir sóknarprestur þjónar.  Messan er tileinkuð Kvenfélagi Langholtssóknar sem hefur í áratugi unnið ómetanlegt starf fyrir söfnuðinn. Fyrrum félagar úr Kór Langholtskirkju syngja undir stjórn Jóns Stefánssonar organista.

Börn fædd árið 2000 eru sérstaklega boðin velkomin ásamt sínum fjölskyldum en fermingarfræðsla næsta vetrar verður kynnt í lok messunnar.

Klukkan 12:15 hefst svo útimarkaður með frábærri og  fjölbreyttri dagskrá þar sem allir ættu að finna atriði við sitt hæfi:

Stuðboltar í hjómsveitinnni  Lame Dudes leika fjörug og frískandi lög. Björn Thoroddsen, hinn heimskunni gítarleikari, tekur nokkur lög. Söngkonurnar Hrefna Björg Gylfadóttir, Jara Hilmarsdóttir og Íva Marín Adrichem  gleðja gesti með jóðli og söng, auk þess sem Skotta heilsar upp á kakkana.

Útimarkaðurinn er helsta fjáröflunartæki kvenfélagsins og nú þegar er ljóst að þar verður hægt að gera góð kaup á allskonar gagnlegum og fallegum munum. Nefna mætti sem dæmi: Íslenska skartgripi, margs konar húsgögn, föt af öllu tagi, skó, töskur, skrautmuni, leikföng, bækur o.m.fl. Óhætt er að fullyrða að aldrei fyrr hafi verið jafn mikið úrval eigulegra muna á boðstólum á útimarkaðnum.

Að venju verða pylsur grillaðar á útigrillinu og ekki má gleyma að nefna hinn sívinsæla hoppukastala sem skátafélagið Skjöldungur aðstoða okkur með. Kaffi og kökur verða svo til sölu í safnaðarheimilinu.

FYRSTUR KEMUR FYRSTUR FÆR !

Vorhátíðinni lýkur svo kl. 15:15

FJÖLMENNUM OG SKEMMTUM OKKUR SAMAN SUNNUDAGINN 26. MAÍ Á VORHÁTÍÐ OG ÚTIMARKAÐI VIÐ LANGHOLTSKIRKJU.

Kvenfélag og Sóknarnefnd Langholtskirkju.

Einsöngvarar með kórnum verða Jógvan Hansen og Kristín R. Sigurðardóttir , stjórnandi Julian Michael Hewett, meðleikari á píanó GuðríðurS. Sigurðardóttir.

Á efnisskránni eru íslensk og erlend lög, þjóðlög, söngleikja og óperulög. Íslensk lög eins og „Úr útsæ rísa Íslandsfjöll“ og  „Litla flugan“ og Draumalandið í nýjum útsetningum. Ítölsk lög eins og „O sole mio“ og „Con te Partiró“ (Bæn mín eina er). Söngleikjalög eftir Gershwin, „Oh Lawd I´m on my way“ og Andrew Lloyd Webber, „All I ask of you“ og bandarískar söngperlur eins og „This is my song“, „Make them hear you“ og „New York, New York“.  Auk alls þessa verða flutt þekkt lög úr óperum eftir Verdi, Wagner ofl.

Missið ekki af fjölbreyttum og frábærum tónleikum.

Kórinn mun svo halda tónleika á Akureyri, Seyðisfirði og Þórshöfn í Færeyjum í júní.

Fermingarfræðsla þjóðkirkjunnar er ætluð börnum á fermingarári og er nauðsynlegur undanfari fermingar.  Fræðslan er einnig ætluð börnum á fermingaraldri sem ekki hafa gert upp hug sinn eða kjósa jafnvel að fermast ekki en vilja fræðast um kristna trú.  Fræðslan næsta vetur verður með nokkuð breyttu sniði og er það tilkomið vegna anna margra barnanna yfir veturinn í skóla, íþróttum og öðrum tómstundum.

Fræðslan verður sem hér segir :

Sunnudaginn 26. maí eru börnin og forráðamenn boðin velkomin í messu kl. 11 í Langholtskirkju en kl. 12 hefst svo vorhátíð kirkjunnar þar sem fjölbreytt skemmtun er og útimarkaður ef veður leyfir.

Næsta haust byrjun við svo á að taka þriggja daga fræðslulotu dagana 19. 20 og 21. ágúst.  Mæting alla dagana í safnaðarheimili Langholtskirkju kl. 13 og við verðum búin dag hvern milli kl. 16 og 17.

Að loknum skóla föstudaginn 23. ágúst verður svo haldið í spennandi ferðalag í Vatnaskóg þar sem við gistum eina nótt.  Athugið að skylda er að taka þátt alla dagana, en val er um ferðalagið.

Yfir veturinn hittumst við svo nokkur skipti og tökum fræðslulotur auk þess sem börnin taka þátt í helgihaldi kirkjunnar.

Vinsamlega fyllið út skráningarblað hér
Í framhaldi fáið þið fljótlega senda staðfestingu og tölvubréf sem inniheldur frekari upplýsingar.

Hlökkum til að sjá ykkur sunnudaginn 26. maí og svo kynnast betur í haust ; )

Prestur og starfsfólk Langholtskirkju.

Björg Dan Róbertsdóttir formaður.

Steingrímur Sævarr Ólafsson varaformaður.

Sjöfn Kjartansdóttir gjaldkeri.

Oddur Bjarni Þorkelsson ritari.

Anna Þóra Paulsdóttir meðstjórnandi.

Ágústa Jónsdóttir meðstjórnandi.

Guðrún Áslaug Einarsdóttir meðstjórnandi.

Halldór Hreinsson varamaður

Heiður Þorsteinsdóttir varamaður.

Kristjana Kristjánsdóttir varamaður.

Halldóra Eyjólfsdóttir varamaður.

Kristján H. Hákonarson varamaður.

Ásbjörn Ólafsson varamaður.

Sigríður Ásgeirsdóttir varamaður.