Eivör

Sunnudaginn 22. janúar kl. 20.00

Eivör eins og hún er best! Berfætt með gítarinn

Miðaverð fyrir Listafélagaga kr. 2.500, almennt verð kr. 3.000.

Miðasala er á midi.is

Jólasöngvar Kórs Langholtskirkju

Eivør Pálsdóttir hefur samið nýtt jólalag fyrir jólasöngva Kórs Langholtskirkju.

Á tónleikunum í ár verður frumflutt nýtt jólalag eftir Eivøru sem hana dreymdi á dögunum. Lagið nefnir hún „Jólaminnir“ en í hrífandi fallegri þýðingu Eyþórs Árnasonar heitir það „Jólaminning.“ Lagið tileinkar hún öllum þeim sem ekki eru með okkur lengur og við söknum og sérstaklega á jólunum. Hún hefur sérstaklega í huga föður sinn sem lést á árinu.

Þetta eru þrítugustu og fjórðu jólasöngvarnir en fyrstu jólasöngvarnir fóru fram í Landakotskirkju 1978 og voru þá nýmæli hérlendis. Þrátt fyrir gífurlegt framboð af jólatónleikum hafa jólasöngvar Kórs Langholtskirkju haldið sínum tryggu áheyrendum sem kjósa kyrrláta hátíðarstemningu við kertaljós. Ásamt Kór Langholtskirkju syngur Gradualekór Langholtskirkju en stórnandi er Jón Stefánsson.

Gestakór verður Táknmálskórinn undir stjórn Eyrúnar Ólafsdóttur en hann mun flytja á táknmáli nokkur laganna á tónleikunum með kórum kirkjunnar. Einsöngvari með táknmálskórnum er Kolbrún Völkudóttir en hún hefur vakið mikla athygli fyrir áhrifamikla túlkun sína og hlotið mikið lof fyrir kraftmikinn og tilfinningaþrunginn flutning.

Kórarnir flytja jólalög hvor fyrir sig og einnig allir saman, bæði hátíðleg og einnig með léttri sveiflu. Áheyrendur taka virkan þátt í almennum söng. Hljóðfæraleikararnir Hallfríður Ólafsdóttir og Arna Kristín Einarsdóttir leika á flautur, Monika Abendroth á hörpu og Lára Bryndís Eggertsdóttir á orgel. Um létta jazzsveiflu sjá Kjartan Valdemarsson á píanó, Gunnar Hrafnsson á bassa og Pétur Grétarsson á trommur.

Í hléi er boðið upp á rjúkandi jólasúkkulaði og piparkökur.

Einsöngvarar eru Andri Björn Róbertsson, Eivør Pálsdóttir, Guðrún Matthildur Sigurbergsdóttir og Ólöf Kolbrún Harðardóttir. Einnig syngja kórfélagar úr Gradualekór Langholtskirkju einsöng.

Tónleikarnir verða:
Föstudaginn 16. desember kl. 23
Laugardaginn 17. desember kl. 20 og 23
Sunnudaginn 19. desember kl. 20

Jólatónleikar Graduale Nobili

Sunnudagskvöldið 11. desember nk.kl 22.00  munum við halda árlega jólatónleika okkar, þar sem flutt verða verkin Dancing Day eftir John Rutter og Ceremony of Carols eftir Benjamin Britten. Auk þessara verka flytjum við nokkrar íslenskar jólaperlur á borð við Hátíð fer að höndum ein, Nóttin var sú ágæt ein, og Jólasöng. Stjórnandi er Jón Stefánsson og Elísabet Waage leikur á hörpu.

Í ár fögnum við auk þess útgáfu nýrrar geislaplötu sem inniheldur bæði Dancing Day og Ceremony of Carols og verður hún til sölu á tónleikunum.

Eftir tónleikana bjóðum við ykkur svo í heimabakaðar eðalsmákökur að hætti Nobili :)

Miðaverð er 2000 krónur, 1500 krónur fyrir meðlimi Listafélags Langholtskirkju eða í forsölu hjá kórmeðlimum.

Við vonumst til að sem flestir gefi sér tíma til að slaka á og eiga notalega stund við kertaljós, jólatónlist og smákökur:)

Hinn 20. nóvember kl. 20 heldur

Kór Langholtskirkju tónleika á messudegi heilagrar Sesselju.

Meðal verka má nefna Lux aurumque (Ljós og gull) eftir Eric Whitacre sem var samið 2008 og tónskáldið flutti á veraldarvefnum árið 2009 með 185 söngvurum í tólf löndum en yfir 2.7 milljónir hafa horft á það á youtube.

Eric Whitacre (1970) er bandarískt tónskáld, stjórnandi og fyrirlesari. Hann er eitt vinsælasta og mest flutta kórtónskáld sinnar kynslóðar. Hann fékk þá hugmynd árið 2010 að setja saman kór á veraldarvefnum en þá fluttu 185 söngvarar í tólf löndum verkið Lux aurumque sem yfir 2.7 milljónir hafa skoðað á youtube. Í apríl á þessu ári bætti hann um betur og flutti verk sitt Sleep með 2052 söngvurum í 58 löndum. Með þessu hefur hann náð til unnenda kórtónlistar með nýjum hætti. Kór Langholtskirkju hefur áður flutt eftir tónskáldið verkið When David heard.

Auk þess eru á efnisskránni verk eftir Arvo Pärt, Knut Nystedt, Morten Lauridsen, og Þorkel Sigurbjörnsson. Þetta eru allt núlifandi tónskáld og eiga það sameiginlegt að hafa náð mikilli hylli kórfólks um víða veröld enda gera verkin bæði miklar kröfur til kórsins og eru jafnframt afar áheyrileg.

Norska tónskáldið Ola Gjeilo (1978) skaust upp á stjörnuhimin kórtónskálda með verkum sínum Sanctus og Agnus Dei sem eru samin á árunum  2008/9 og hafa slegið rækilega í gegn og verið flutt af kórum um víða veröld. Gjeilo lauk námi í jazz – og klassískum píanóleik frá Tónlistarháskólanum í Osló. Þaðan lá leiðin í Konunglega tónlistarháskólann í London og síðan í Julliard háskólann í New York þaðan sem hann lauk meistaragráðu í tónsmíðum 2006.

Morten Lauridsen (1943) er fæddur í Washingtonfylki í Bandaríkjunum, sonur danskra innflytjenda. Hann var sæmdur æðsta heiðursmerki Bandaríkjanna (National medal of Arts) árið 2007 „fyrir hinar geislandi kórtónsmíðar sínar sem sameina músíkalska fegurð, kraft og andlega dýpt sem hafa heillað áheyrendur um víða veröld.“

Kórtónlist hans einkennist af dulúð og má finna áhrif frá tónskáldum endurreisnartímans, Gregorskum kirkjusöng sem og hlýju seinni tíma tónskálda svo sem Debussy, Ravel, Fauré, og Duruflé. Ave Maria sem kórinn flytur á tónleikunum er samið 1997 en áður hefur Kór Langholtskirkju flutt eftir Lauridsen O Magnum Mysterium.

Þorkell Sigurbjörnsson (1938) samdi Davíð 92 fyrir Kór Langholtskirkju er kórinn kynnti íslenska kirkjutónlist á norræna kirkjutónlistarmótinu í Helsinki 1978. Kórinn hafði farið í sömu erindagjörðum til Lundar í Svíþjóð 1974 og lítið hafði gerst í samningu kórtónlistar í millitíðinni. Þorkell var fenginn til að bæta úr því og samdi fyrir ferðina Davíð 92 og Hósíanna sem frumflutt voru í Gömlu kirkjunni í Helsinki. Einnig samdi Jón Ásgeirsson verkið Orðskviðir Salómons fyrir sömu ferð.

Árið 1990 fór Kór Langholtskirkju með Sinfóniuhljómsveit íslands undir stjórn Petri Sakari til Tampere til að syngja á tónleikum í tilefni vígslu Tampere talo tónleikahallarinnar. Í sömu ferð söng hann við messu í dómkirkjunni í Tampere og samdi Þorkell Stælið fyrir þá messu en textinn er Gamla testamentislestur 18. sunnudags eftir trinitatis sem messuna bar upp á.

Í Kór Langholtskirkju eru 32 söngvarar en þetta er fjórða árið sem kórinn starfar eftir nýju skipulagi þar sem kórinn var minnkaður en gerðar meiri kröfur til söngvaranna.

Stjórnandi kórsins er Jón Stefánsson.

Almennt miðaverð: 2000 kr
Listafélag Langholtskirkju: 1500 kr
Námsmenn: 1500 kr

Með góðri kveðju

Margrét Guðjónsdóttir

Verkefnastjóri

Listafélags Langholtskirkju

Vortónleikar Kórs Langholtskirkju

Kór Langholtskirkju, ásamt kammersveit, heldur tónleika í Langholtskirkju sunnudaginn 8. maí kl. 20.

Stjórnandi er Jón Stefánsson

Á efnisskránni er Te Deum fyrir kór, einsöngvara og kammersveit eftir Marc-Antonie Charpentier. Verkið er samið á síðari hluta 17. aldar og er fullt af gleði og birtu. Flestir þekkja upphaf verksins sem er prelúdía í rondóformi og er kynningarlag Evrópusöngvakeppninnar.

Á sömu tónleikum verður frumflutt nýtt verk eftir Misti Þorkelsdóttur með styrk frá Musica nova. Verkið heitir In via aeterna eða Á hinum eilífa vegi. Textinn er fenginn úr Davíðssálmi 139 Drottinn, þú rannsakar og þekkir mig.

Einsöngvarar eru þrettán og koma allir úr röðum kórfélaga en flestir kórfélaganna hafa lokið eða stunda söngnám.

Miðasala fer fram í Langholtskirkju og miðaverð er kr. 3.500 en 2.500 fyrir félaga í Listafélagi Langholtskirkju, nemendur og eldri borgara

Föstudaginn langa, 22. apríl kl. 17

syngur Andri Björn Róbertsson bassi

ásamt strengjakvartett sem Halla Steinunn Stefánsdóttir leiðir

< ![endif]–>

Meðal verka einsöngskantatan Ich habe genug BWV 82 eftir J. S. Bach og bassaaríur úr Jóhannesar- og Mattheusarpassíum. Andri Björn hefur alist upp í kórastarfi í Langholtskirkju frá níu ára aldri í gegnum Gradualekór Langholtskirkju og Kór og Kammerkór Langholtskirkju og lauk burtfararprófi frá Söngskólanum í Reykjavík vorið 2010. Kennari hans var alla tíð Ólöf Kolbrún Harðardóttir. Hann stundar nú nám við Konunglega tónlistarskólann í London. Fyrir nokkrum árum vakti hann athygli hinnar heimsfrægu söngkonu Kiri Te Kanava og hefur verið undir sérstakri vernd hennar síðan og m. a. oft komið fram með henni á tónleikum. Halla Steinunn Stefánsdóttir leiðir strengjakvartettinn sem leikur með á tónleikunum. Óbóleikari er Daði Kolbeinsson.

Miðaverð á tónleikana er kr. 2.500 fyrir félaga Listafélagsins, almennt verð kr. 3.000

Miðar eru seldir á midi.is

Sætin eru ekki númeruð

Vortónleikar Graduale Nobili

Kerfi