Langholtskirkja

Sunnudagskvöldið 11. desember nk.kl 22.00  mun Graduale Nobili  halda árlega jólatónleika sína, þar sem flutt verða verkin Dancing Day eftir John Rutter og Ceremony of Carols eftir Benjamin Britten. Auk þessara verka flytjum við nokkrar íslenskar jólaperlur á borð við Hátíð fer að höndum ein, Nóttin var sú ágæt ein, og Jólasöng. Stjórnandi er Jón Stefánsson og Elísabet Waage leikur á hörpu. Sjá nánar Listafélag Langholtskirkju

Við heilsum aðventunni í tali og tónum í Langholtskirkju á sunnudagskvöld 27.. nóvember kl. 20.  Formaður sóknarnefndar Kristín Þóra Harðardóttir flytur ávarp.  Kórskólin sýnir Lúsíuleik undir stjórn Þóru Björnsdóttur.  Gunnar Hersveinn flytur hátíðaræðu.  Kór Langholtskirkju syngur undir stjórn Jóns Stefánssonar. Sálmar aðventunnar sungnir í almennum söng.  Sóknarnefnd býður upp á heitt kakó og piparkökur að stundinni lokinni.  Fjölmennum og upplifum aðventustemninguna saman, verið hjartanlega velkomin!

Á morgun, laugardaginn 19. nóvember býður kvenfélagið til laufabrauðsgerðar í safnaðarheimilinu kl. 10.30.  Þið mætið með bretti og skurðarhnífa og kökurnar verða seldar á staðnum.  Þið eruð hjartanlega velkomin!

Hinn 20. nóvember kl. 20 heldur Kór Langholtskirkju tónleika á messudegi heilagrar Sesselju. Sjá nánar Listafélag Langholtskirkju

Við ætlum að eiga saman góða stund í kirkjunni okkar á sunnudag kl. 11. Krúttakórinn syngur, ritningarlestrar, sögur og bæn. Mömmur, pabbar, ömmur, afar, frændur og frænkur, eigum saman gott samfélag með börnunum. Kaffi, djús og spjall að stundinni lokinni í safnaðarheimilinu. Sjáumst á sunnudag!

Börnin mæti með Nýja testamentið.

Séra Sigrún Óskarsdóttir verður boðin velkomin til starfa í messunni 13. nóvember kl. 11.
Graduale futuri syngur undir stjórn Rósu Jóhannesdóttur. Organisti er Jón Stefánsson.
Barnastarfið hefst í kirkjunni en síðan er farið í safnaðarheimilið með Kristínu og hennar fólki.

Tekið verður við framlögum til kristniboðs - en þessi sunnudagur er árlegur kristniboðsdagur þjóðkirkjunnar.
Kaffisopi

Séra Sigrún hefur þjónað í Árbæjarsókn og mun séra Jón Helgi Þórarinsson þjóna Árbæjarsókn á sama tíma. Langholtssöfnuður býður séra Sigrúnu hjartanlega velkomna til starfa og hlakkar til að njóta þjónustu hennar.