Laugalandsprestakall

Almenn messa og ferming verður í Saurbæjarkirkju 29. maí kl. 11. Fermdur verður Aron Freyr Garðarsson, Hleiðargarði. Á almennum bænardegi verður tekin stund til fyrirbæna fyrir bræðrum okkar og systrum á Suðurlandi. Kór Laugalandsprestakalls leiðir sönginn undir stjórn Daníels Þorsteinssonar. Allir velkomnir.

Á páskadag verða hátíðarmessur í Grundarkirkju kl. 11 og Kaupangskirkju kl. 13.30. Sunginn verður hátíðarsöngur Bjarna Thorsteinssonar. Kór kirknanna leiða sönginn undir stjórn organistann Daníels Þorsteinssonar á Grund og Petru Pálsdóttur í Kaupangskirkju. Allir hjartanlega velkomnir.

Á föstudaginn langa verður íhugunarstund í Munkaþverárkirkju kl. 11. Kirkjan hefur löngum íhugað píslargöngu frelsarans þennan dag og fylgt Via Dolorosa eða vegi krossins. Að þessu sinni verða skoðuð nokkur listaverk eftir Caravaggio, Massys, Hieronymus, Chagall, Munk og Denis. Meðan verða lesnir íhugunartextar og úr Passíusálmum Hallgíms Péturssonar. Lesarar eru ásamt presti Aníta Jónsdóttir, Leifur Guðmundsson og Valgerður Schiöth. Daníel Þorsteinsson organist leikur tónlist inn á milli lestra.

Fermingarmessa verður í Grundarkirkju á skírdag 21. apríl kl. 11. Fermd verða: Arna Ýr Karelsdóttir, Skógartröð 5, Bjarni Heiðar Jósefsson, Möðruvellir 1, Elísabet Lind Hlynsdóttir, Akur, Eydís Rachel Missen, Jórunnarstaðir, Heiða Hansdóttir, Skógartröð 3, Jakob Atli Þorsteinsson, Kristnes 6, Karl Liljendal Hólmgeirsson, Dvergsstaðir, Kolfinna Ólafsdóttir, Laugartröð 7.

Fermingarmessa verður í Hólakirkju á pálmasunnuda 17. apríl kl. 11. Umfjöllunarefni er innreið Jesú í Jerúsalem sem er inngangur að dymbillvikunni. Kór Laugalandsprestakall syngur hátíðartón Bjarna undir stjórn Daníels Þorsteinsson. Fermdir verða Ágúst Örn Víðisson, Ártröð 1, og Gumundur Viðar Ingvason, Ártúni. Allir hjartanlega velkomnir.

Íhugun - kyrrð - útivera. Kyrrðardagur verður á Möðruvöllum í Hörgárdal laugardaginn 16. apríl kl. 10-17. Þátttakendur eru hvattir til að klæða sig eftir veðri svo njóta megi gönguferða í náttúrunni, hvort sem fólk velur að ganga eitt sér eða í hóp. Umsjón: Sr. Solveig Lára Guðmundsdóttir, sóknarprestur og sr. Guðrún Eggertsdóttir, sjúkrahúsprestur. Kyrrðardagurinn er þáttakendum að kosnaðarlausu. Hvet ykkur til að skrá ykkur sem fyrst þar sem fjöldi þátttakenda er takmarkaður. Skráning á srslara@ismennt.is eða í síma 462 1963.

Síðasta samvera vetrarins verður sunnudaginn 10. apríl í Hrafnagilsskóla milli kl. 11 og 12. Þá ætlum við að ræða um páskana og ýmislegt fleira. Svo minnum við á vorferðalagið okkar fram á Hólavatn en sú ferð verður farin sunnudaginn 8. maí. Hún verður nánar auglýst þegar nær dregur. Hlökkum til að sjá ykkur.
Starfsfólk sunnudagaskólans

Næstkomandi sunnudag 3. apríl verður messa í Möðruvallakirkju kl. 13.30. Kór Ólafsfjarðarkirkju kemur í heimsókn og syngur við messuna ásamt Kór Laugalandsprestakalls. Sr. Sigríður Munda Jónsdóttir, sóknarprestur í Ólafsfirði og sr. Guðmundur Guðmundsson verða með samtalsprédikun um boðunardag Maríu. Sóknarnefndirnar í prestakallinu bjóða í kirkjukaffi eftir messu. Allir hjartanlega velkomnir.

Messuheimsókn í Hallgrímskirkju í Reykjavík 20. mars tókst ágætlega. Kór Lauglandsprestakalls undir stjórn Daníels Þorsteinssonar leiddi sálmasöng og söng m.a. trúarjátningarsálm úr Munkaþverárhandritinu og Maríusonur mér er kallt eftir Sigríði Schöuth. Það var ánægjuleg reynsla að syngja í þessum mikla helgidómi við undirleik Björns Steinars Sólbergssonar, organista í Hallgrímskirkju. Sr. Guðmundur Guðmundsson prédikaði og þjónaði fyrir altari með sr. Birgi Ásgeirssyni, presti í Hallgrímskirkju.