Messa og sunnudagaskóli verða í sænsku kirkjunni í London, sunnudaginn 25. mars kl. 15.30. Á eftir verður páskaeggjabingó í safnaðarheimilinu með ekta íslenskum páskaeggjum. Kór Íslendinga í London syngur. Prestur er sr. Steinunn A. Björnsdóttir.
Kirkjan er við nr. 6 Harcourt Street, London W1H 4AG (næstu jarðlestarstöðvar eru Edgeware Road og Maryleebone).
Sama dag verður fermingarfræðsla kl. 12.00 í sendiráðinu.
Steinunn Arnþrúður Björnsdóttir, 29/2 2012
Fundur safnaðarnefndar og prests árið 2010
Í febrúar flutti Steindóra Gunnlaugsdóttir, formaður safnaðarnefndarinnar, til Íslands. Safnaðarnefndin þakkaði henni fyrir gott starf í þágu safnaðarins og gaf henni að skilnaði grafík mynd af bænum hennar, Claygate.
Ritari safnaðarnefndar, Inga Lísa Middleton, tók við formennsku í sóknarnefnd.
Næsta messa verður 25. mars og í tengslum við hana verður Páskaeggjabingó, líkt og á síðasta ári. Þann 17. júní verður svo sr. Sigurður Arnarson á ferð með drengjakór Hallgrímskirkju og mun hann messa á þjóðhátíðardaginn. Sóknarnefndin hefur áhuga á að halda starfi áfram, bæði varðandi helgihald og tónlist, hugsanlega í samvinnu við Íslendingafélagið. The Lutheran Council of Great Britain hefur styrkt söfnuðinn og einnig styrkir kirkjumálasjóður starfið.
Steinunn Arnþrúður Björnsdóttir, 28/2 2012
Aðra helgi í aðventu, helgina 3. - 4. desember verða jólahelgistundir í London og Hull. Í London verður helgistundin í Sænsku kirkjunni og að henni lokinni verður jólaball í safnaðarheimilinu í umsjá Íslendingafélagsins. Í Hull verður helgistundin í Dönsku sjómannakirkjunni og samvera á eftir. Félagar úr Kór Íslendinga í London taka þátt í helgistundunum.
Helgistundin í Hull verður laugardaginn 3. desember og hefst kl. 16.00. Kirkjan heitir Sömandskirken og er staðsett við 104 Osborne Street, Hull. Eftir helgistundina verður samvera í boði Freyjanna, sniðin að þörfum barnanna.
Helgistundin í London verður sunnudaginn 4. desember og hefst kl. 15.00. Hún verður í sænsku kirkjunni, 6 Harcourt Street, London W1H 4AG (næstu jarðlestarstöðvar eru Edgeware Road og Maryleebone). Að henni lokinni verður sem fyrr segir árlegt jólaball sem Íslendingafélagið sér um.
Fermingarfræðsla verður á sínum stað í London á sunnudegi kl. 12.00 í sendiráði Íslands. Fermingarbörn eru hvött til að koma með verkefnin sem þau hafa fengið og farið verður yfir. Í Hull verður einnig fermingarfræðsla fyrir messu, samkvæmt samkomulagi.
Steinunn Arnþrúður Björnsdóttir, 2/12 2011
Næsta messa í London verður 4. desember kl. 15.00 í sænsku kirkjunni og jólaball í safnaðarheimili að henni lokinni. Messa og jólaskemmtun verður í Hull þann 3. desember.
Fermingarfræðsla verður 4. desember kl. 11 - 13.30 í sendiráðinu. Svo er stutt hlé og haldið áfram kl. 15.00 í messu. Í Hull verður einnig fermingarfræðsla fyrir jólahelgistundina.
Steinunn Arnþrúður Björnsdóttir, 11/10 2011
Fermingarfræðsla hefst 2. október kl. 12.30 og verður í sænsku kirkjunni - athugið breyttan tíma og stað. Messa hefst kl. 15.00. Eftir messukaffi er aðalfundur Íslendingafélagsins.
Kl. 18.00 hefst Tómasarmessa í International Lutheran Student Centre, 30 Thanet Street, London, WC1H 9QH (næstu lestarstöðvar Russell square og Kings Cross). Hún fer fram á ensku en þar verða einnig prestar frá ýmsum kirkjum Norðurlanda. Mikil áhersla verður á tónlist og íhugun.
Allir alltaf velkomnir.
Steinunn Arnþrúður Björnsdóttir, 1/10 2011
Fyrsta messa haustsins verður í sænsku kirkjunni, 6 Harcourt Street, þann 2. október kl. 15. Eftir messu verður kirkjukaffi að vanda. Íslenski kórinn syngur, barnastarf og gleði.
Prestur verður með viðtalstíma í sendiráði Íslands í London föstudaginn 30. september frá 10 - 15.
Steinunn Arnþrúður Björnsdóttir, 1/9 2011
Fermingarfræðsla verður næsta vetur í London og í fjarnámi. Fyrsta samvera verður sunnudaginn 2. október klukkan 12.00 í sendiráðinu. Henni lýkur eftir messu í sænsku kirkjunni kl. 15.00.
Vinsamlegast hafið samband til að skrá börn í fermingarfræðslu með pósti á netfangið: steinunn.bjornsdottir(hjá)kirkjan.is
Steinunn Arnþrúður Björnsdóttir, 1/9 2011
Helgistund í tilefni af þjóðhátíðardegi Íslendinga verður haldin í dönsku kirkjunni við Regent Park þann 19. júni næstkomandi og hefst klukkan 15.00. Benedikt Jónsson, sendiherra flytur hátíðarræðu, Vera Júlíusdóttir flytur ávarp fjallkonunnar, Kór Íslendinga í London syngur ættjarðarlög undir stjórn Matthildar Önnu Gísladóttur.
Skírð verður Ottilie Ágústa Jensen Hill. Prestur er sr. Steinunn A. Björnsdóttir.
Eftir messu verður þjóðhátíð Íslendinga í London haldin í garði dönsku kirkjunnar. Heimilisfang kirkjunnar er 5 Saint Katharine’s Precinct, London NW1 4HH, næsta lestarstöð Mornington Present.
Steinunn Arnþrúður Björnsdóttir, 9/6 2011
Messa og sunnudagaskóli verður í Sænsku kirkjunni, 6 Harcourt Street, sunnudaginn 15. maí kl. 15.00. Kór Íslendinga syngur undir stjórn Matthildar Önnu Gísladóttir. Prestur er sr. Steinunn A. Björnsdóttir. Kirkjukaffi verður eftir messu.
Sænska kirkjan er staðsett við nr 6 Harcourt Street, London W1H 4AG (næstu jarðlestarstöðvar eru Edgeware Road og Maryleebone).
Steinunn Arnþrúður Björnsdóttir, 9/5 2011
Messa og ferming verður í St. James í Grimsby 14. maí kl. 14.00. Fermdur verður Ísak Arnarson. Hópur frá Vestmannaeyjum tekur þátt í messunni og heiðrar James Findlater, síðasta eftirlifandi sjómaðurinn af Hull City sem bjargaði áhöfninni af Glað VE 270 úr sjávarháska 1952.
Prestar verða sr. Steinunn A. Björnsdóttir og sr. Kristján Björnsson. Kór Íslendinga í London syngur undir stjórn Matthildar Önnu Gísladóttur.
Eftir messuna verður afhjúpaður minningar- og þakkarskjöldur frá aðstandendum sjómannanna af Glað, útgerðum í Eyjum og Björgunarfélagi Vestmannaeyja.
Steinunn Arnþrúður Björnsdóttir, 9/5 2011
