Aþjóðlega samkirkjulega bænavikan um einingu kristinna manna endaði með samkomu í Glerárkirkju á Pálsmessu 25. janúar. Gospelkór Akureyrar leiddi sönginn og lesnar voru játning, Ritningarlestrar og bænir, sem undirbúningsnefndin í Póllandi hafði lagt til. Snorri Óskarsson forstöðumaður Hvítasunnusafnaðarins á Akureyri prédikaði en sr. Arna Ýrr Sigurðardóttir prestur í Glerárkirkju leiddi söfnuðinn. Auk gospelkórsins söng lofgjörðarhópur úr Hvítasunnukirkjunni. Góða mæting var og stöldruðu margir við og fengu sér kaffi og spjölluðu eftir guðsþjónustuna.

Hér má skoða nokkrar myndir frá sameiginlegu samkomunni. Lesa áfram …

Siðast liðinn sunnudag 22. janúar var haldið námskeið fyrir sóknarnefndarfólk og presta í útfirði Eyjafjarðar. Námskeiðið var haldið á Dalvík og nutu þátttakendur gestrisni sóknarnefndarinnar þar. Steinunn Arnþrúður Björnsdóttir, verkefnisstjóri á biskupsstofu, flutti erindi og leiddi áhugaverðar umræður um störf sóknarnefndar og voru ræddir ítarlega möguleikar þess að byggja upp samstarfssvæði eins og reynt hefur verið á svæðinu. Hér má skoða myndir frá námskeiðinu sem sr. Sigurður Ægisson, sóknarprestur á Siglufirði, tók.

Lesa áfram …

Nú eru samræðukvöldin að hefjast í Glerárkirkju sem verða á miðvikudagskvöldum í febrúar og mars kl. 20-22. Fyrsta kvöldið 8. febrúar flytur dr. Kristinn Ólason, sérfræðingur í ritskýringu Gamla testamentisins, erindi um hamingjuleitina. Eftir erindið verður boðið upp á kaffiveitingar og umræður um efnið. Með þessu vill kirkjan bjóða upp á umræðuvettvang um andlegt líf, þýðingu þess fyrir trúað fólk, þar sem gefst tækifæri til að deila reynslu af því og ræða saman um trúarleg málefni. Allir eru velkomnir og geta tekið þátt í umræðunum.

Lesa áfram …

Æskulýðssamböndin í Austurlandsprófastsdæmi (ÆSKA) og Eyjafjarðar- og Þingeyjarprófastsdæmi (ÆSKEY) standa í sameiningu fyrir helgarsamveru á Hrafnagili og Akureyri síðustu helgina í febrúar. Gert er ráð fyrir um 100 unglingum af Austur- og Norðurlandi. Unglingarnir eiga það öll sameiginlegt að vera virkir þátttakendur í kirkjustarfinu.  Mótsstjóri er sr. Guðmundur Guðmundsson, héraðsprestur. Lesa áfram …

Fundargerð héraðsfundar er nú aðgengileg á vefnum undir prófastsdæmi/héraðsfundir. Næsti héraðsfundur verður laugardaginn 24. mars á Akureyri og verður auglýstur sérstaklega þegar nær dregur.

Fundargerð héraðsfundar 2011 á Pdf-formi

Lesa áfram …

Alþjóðleg samkirkjuleg bænavika fyrir einingu kristninna er haldin árlega frá 18. – 25. janúar. Þessa viku sameinast kristið fólk um allan heim í bæn fyrir einingu. Bænavikan er undirbúin af kirkjum sem tilheyra samkirkjulegum samtökum er nefnast Alkirkjuráðið (World Council …

Lesa áfram á kirkjan.is

Fréttabréf Möðruvallaklausturssóknar er komið út en þar er sagt frá starfinu framundan frá ármótum til hvítasunnu. Í formálsorðum sínum hvetur sr. Solveig Lára Guðmundsdóttir, sóknarprestur, sóknarfólk að taka þátt í helgihaldi til að eiga samfélag saman í kirkjunum og nýta sér sálgæslu kirkjunnar. Hér á eftir má lesa fréttabréfið og dagskrá kirkjunnar á Möðruvöllum.

Lesa áfram …

Samkirkjuleg bænavika hefst miðvikudaginn 18. janúar og stendur til 25. janúar. Það er alkirkjuráðið og samkirkjunefnd Kaþólsku kirkjunnar sem standa fyrir bænavikunni á hverju ár. Dagsetningar miða við Péturs- og Pálsmessu. Að þessu sinni fylgjum við hér á landi þeim dagsetningunum en fram að þessu hafa bænadagarnir átta miðað við sunnudagana næst þessum messudögum. Efnið er undirbúið af kirkjudeildum í Póllandi sem valið hafa yfirskrift út frá sinni sögu og reynslu: „Sigur Krists umbreytir okkur”. (Sbr. 1. Kor. 15:51-58). Að vanda munum  við fara á milli safnaðanna á Akureyri og vera með bænagjörð þar sem efni hvers dags verður íhugað og tekið þátt í því með kristnu fólki út um allan heim að biðja um sýnilega einingu. Vikunni lýkur svo með sameiginlegri samkomu í Glerárkirkju með þátttöku fulltrúa frá söfnuðunum og Gospelkór Akureyrar mun koma fram og leiða sönginn sem verður mikill og kröftugur. Hér má lesa dagskrána og skoða auglýsingu sem prenta má út og hengja upp til að vekja athygli á bænavikunni.

Lesa áfram …

Í janúar stendur Glerárkirkju fyrir tvenns konar námskeiðum. Annars vegar munu sr. Arna Ýrr Sigurðardóttir og sr. Guðrún Eggertsdóttir verða með námskeiðið ,,Að ná áttum og sáttum” en það námskeið er ætlað fólki sem hefur staðið í skilnaði. Hins vegar mun Pétur Björgvin Þorsteinsson djákni verða með námskeiðið ,,Ást fyrir lífið” sem er hjónabandsnámskeið, ætlað fólki sem vill gera gott hjónaband betra.

Lesa áfram …

Blaðið segir frá því sem er á döfinni í þjóðkirkjunni í útfirðinum. Skrá yfir allar guðsþjónustur nú í desember og á komandi jólahátíð. Hér má sækja blaðið á Pdf-formi.

Lesa áfram …