Eyjafjarðar- og Þingeyjarprófastsdæmi

Erindið: Guðleg vídd tilverunnar

Guðmundur Guðmundsson — Wed, 22 Feb 2012 16:45:15 +0000

Annað erindi á samræðukvöldum í Glerárkirkja má nú hlusta á hér á vefnum og skoða glærur. Í þessu erindi um Guðlega vídd tilverunnar ræðir sr. Guðmundur Guðmundsson um fyrsta vers Fjallræðunnar: “Sælir eru fátækir í anda því þeirra er himnaríki” (Matt. 5.3). Tekur nokkur dæmi um fólk sem reyndi Guð í lífi sínu úr bókinni Guid til Gud. Þá fjallar hann um Játningar Leo Tolstoy og útskýringar hans á trú sinni. Og að lokum bréf M. Lúthers Einfaldar leiðbeiningar um bænina.

Erindi sr. Guðrúnar Eggertsdóttur um þverstæður lífsins

Guðmundur Guðmundsson — Wed, 22 Feb 2012 09:55:09 +0000

Þriðja samræðukvöldið í Glerárkirkju verður í kvöld 22. febrúar. Sr. Guðrún Eggertsdóttir, sjúkrahúsprestur, flytur erindi um þverstæður lífsins. Þá ræðir hún við Ingibjörgu Svöfu Siglaugsdóttur, hjúkrunarfræðing, um efnið. Spurningarnar sem verður glímt við eru: Hvernig ber að skilja söluboðun Jesú verðandi fátækt, sorgina og ranglæti. Hverning vinnur trúaður maður með þverstæðurnar í líf sínu?

Með þessum kvöldum er verið að skapa umræðuvettvang um andlegt líf og þýðingu þess fyrir trúað fólk. Allir hjartanlega velkomnir að hlusta og taka þátt í samtalinu.

Samræðukvöldin halda áfram svo öll miðvikudagskvöld í febrúar og mars og hér má skoða frekar upplýsingar og prenta út bæklinga um námskeiðin. Þá eru erindin birt hér á vefnum.

Frekari upplýsingar

Bæklingur á Pdf-formi

Erindi á Youtube:

1. Hamingjuleitin – sr. Gunnlaugur Garðarsson

2. Guðleg vídd tilverunnar – sr. Guðmundur Guðmundsson

Vegferð trúarinnar – upphafserindi

Pétur Björgvin — Thu, 16 Feb 2012 08:52:30 +0000

Vegferð trúarinnar er yfirskrift fræðslukvölda sem nú standa yfir í Glerárkirkju. Miðvikudagskvöldið 8. febrúar flutti sr. Gunnlaugur Garðarsson, sóknarprestur í Glerárkirkju upphafserindi. Dagskráin heldur áfram á miðvikudagskvöldum út marsmánuð.Sjá nánar hér.

58 biskupsatkvæði í Eyjafjarðar- og Þingeyjarprófastsdæmi

Pétur Björgvin — Wed, 15 Feb 2012 09:56:31 +0000

Aldrei áður hafa jafn margir haft kosningarétt við biskupskjör. Áhugavert er að rýna í hvernig atkvæði skiptast milli prófastsdæma, þó landið sé vissulega eitt kjördæmi. Í Eyjafjarðar- og Þingeyjarprófastsdæmi er hlutfall atkvæðamagns mjög svipað og hlutfall þjóðkirkjufólks sem býr á svæðinu, eða um það bil 11% á landsvísu. Lesa nánar í pistli á trú.is.

Erindi eftir messu á Ólafsfirði og Siglufirði 12. febrúar

Guðmundur Guðmundsson — Thu, 09 Feb 2012 16:57:41 +0000

Er ekki upplagt að fá sér bíltúr á Ólafsfjörð eða Siglufjörð í messu á hlusta á áhugavert erindi? Á samstarfssvæði kirknanna við utanverðan Eyjafjörð stendur nú yfir verkefni sem nefnt hefur verið erindi eftir messu. Það verður boðið upp á erindi sem er flutt í kirkjunum eða safnaðarheimilunum. Fyrsti fyrirlesturinn fjallar um manipulation sem er dulin stjórnun á hegðun annarra í eiginhagsmunaskyni. Það er Kristján Már Magnússon, sem flytur þetta áhugaverða erindi. Næst verður hann í Ólafsfjarðarkirkju 12. febrúar kl. 11 og Siglufjarðarkirkju kl. 14.

Hér á eftir fer stutt kynning á efninu sem sr. Hulda Hrönn M. Helgadóttir í Hrísey skrifaði eftir erindin í prestakallinu hennar.

Fyrir stuttu hélt Kristján Már Magnússon sálfræðingur á Akureyri áhugaverða fyrirlestra í kirkjum prestakallsins um manipulation sem er dulin stjórnun á hegðun annarra í eiginhagsmunaskyni. Hægt væri að þýða orðið manipulation sem vélabrögð. Þetta orð er að finna í Biblíunni sem og að véla, vélabragð, vélráð, vélráður, vélræði t.d. Ef.4:14, 6:11, II.Kor.2:11, Ok.16:28. Siðblint fólk notar manipulation í samskiptum sínum. En margir fleiri eru með þessa sálsýki. Engar kannanir hafa verið gerðar hér og ekki hef ég séð neina umfjöllum um þetta efni eða fyrirlestra fyrr hér á Íslandi þrátt fyrir að ljóst sé að vélabrögð hafði verið notuð m.a. í tengslum við hrunið. Leynd er lykilatriði í skilgreiningu á manipulation. Hver kannast ekki við baktjaldamakk í pólitík þar sem m.a. upplýsingum er haldið leyndum og logið til um mál og fólk svert. Já illviljaður óheiðarleiki. Þörf er á að taka manipuation til almennrar umræðu. 12. febrúar mun Kristján Már halda þennan fyrirlestur í Ólafsfjarðarkirkju kl.11:00 og í Siglufjarðarkirkju kl.14:00. Ég mæli með þessum fyrirlestri. Þetta er samvinnuverkefni sóknanna við utanverðan Eyjafjörð.

Erindi Kristins Ólasonar fellur niður vegna veikinda

Guðmundur Guðmundsson — Wed, 08 Feb 2012 11:19:32 +0000

Því miður verður að fella niður erindi dr. Kristins Ólasonar sem vera átti í kvöld í Glerárkirkju kl. 20 vegna veikinda. Dagskráin Vegur trúarinnar hefst engu að síður og mun sr. Gunnlaugur Garðarsson fjalla um hamingjuleitina og sr. Guðmundur Guðmundsson kynnir dagskrá samræðukvöldanna í febrúar og mars og Pétur Björgvin Þorsteinsson leiðir umræðurnar.

HÆNA 2012

Pétur Björgvin — Fri, 03 Feb 2012 13:36:23 +0000

Fer fram í Safnaðarheimili Akureyrarkirkju, laugardaginn 25. febrúar 2012, kl. 20:00. Keppt verður í þremur flokkum:

A) Söngur og tónlist
B) Dans og líkamstjáning
C) Frjáls flokkur, t.d. upplestur á eigin sögu, flutningur á eigin kvæði, spuni, töfrabrögð eða á stuttmyndaformi (3 til 5 mínútur).

Einstaklingar geta skráð sig til keppni í hvaða flokki sem er, hópar (allt að 8 í hópi) geta skráð sig til keppni í öllum flokkum. Dómnefnd velur bestu atriðin úr hverjum hópi og veitt verða verðlaun fyrir fyrsta, annað og þriðja sætið, annars vegar í hópakeppni og hins vegar í einstaklingskeppni.

Keppnin er opin ungu fólki sem:

Er 13 til 17 ára.
Sækir fermingarfræðslu eða er virkt á annan hátt í unglingastarfi í kirkju, KFUM og KFUK eða á vettvangi kristinna safnaða.
Skráir sig til keppni sem fulltrúar sinnar kirkju / kristilegs starfs.

Vinsamlegast tilkynnið þátttöku annað hvort til leiðtoga í ykkar kirkjulega starfi sem getur komið upplýsingunum áfram, eða á netfangið sunnadora@akirkja.is

Það kostar ekkert að taka þátt
Nánari upplýsingar gefur Sunna Dóra, æskulýðsfulltrúi Akureyrarkirkju í síma 694 2805

Hljómsveitin Tilviljun? í heimsókn á Akureyri

Pétur Björgvin — Mon, 30 Jan 2012 14:16:38 +0000

Hljómsveitin Tilviljun? verður í heimsókn á Akureyri sunnudaginn 5. febrúar næstkomandi. Þau sem taka þátt í starfi KSS í Reykjavík, voru á síðustu landsmótum æskulýðsfélaga eða komu á tónleika með þeim nýverið í Neskirkju þekkja hljómsveitina sem flytur fjölbreytta, kristilega tónlist. Hljómsveitin tekur þátt í tvennum guðsþjónustum í Glerárkirkju, annars vegar í fjölskylduguðsþjónustu klukkan ellefu og hins vegar í kvöldguðsþjónustu klukkan tuttugu. Allir velkomnir.

Sjá nánar á vef Glerárkirkju.

Lokasamkoma bænavikunnar

Guðmundur Guðmundsson — Fri, 27 Jan 2012 16:26:55 +0000

Aþjóðlega samkirkjulega bænavikan um einingu kristinna manna endaði með samkomu í Glerárkirkju á Pálsmessu 25. janúar. Gospelkór Akureyrar leiddi sönginn og lesnar voru játning, Ritningarlestrar og bænir, sem undirbúningsnefndin í Póllandi hafði lagt til. Snorri Óskarsson forstöðumaður Hvítasunnusafnaðarins á Akureyri prédikaði en sr. Arna Ýrr Sigurðardóttir prestur í Glerárkirkju leiddi söfnuðinn. Auk gospelkórsins söng lofgjörðarhópur úr Hvítasunnukirkjunni. Góða mæting var og stöldruðu margir við og fengu sér kaffi og spjölluðu eftir guðsþjónustuna.

Hér má skoða nokkrar myndir frá sameiginlegu samkomunni.

Sr. Arna Ýrr Sigurðardóttir, prestur í Glerárkirkju, leiddi samkirkjulegu samkomuna

Gospelkór Akureyrar leiddi sönginn

Lesarar frá söfnuðunum á Akureyri lásu Ritningarlestra og fluttu bænir

Snorri Óskarsson, forstöðumaður Hvítasunnusafnaðarins, prédikaði.

Lofgjörðarhópur frá Hvítasunnukirkjunni söng nokkur lög fyrir söfnuðinn

Að lokum voru blessunarorð Drottins flutt og sungin. Biðjum við þess að bænavikan verði
til að efla samtöðu kristinna manna til að ganga saman til þjónustu en um það bað söfnuðurinn að lokum.

Myndirnar tók Katrín Stefanía Pálsdóttir

Námskeið fyrir sóknarnefndarfólk á Dalvík

Guðmundur Guðmundsson — Thu, 26 Jan 2012 15:39:10 +0000

Siðast liðinn sunnudag 22. janúar var haldið námskeið fyrir sóknarnefndarfólk og presta í útfirði Eyjafjarðar. Námskeiðið var haldið á Dalvík og nutu þátttakendur gestrisni sóknarnefndarinnar þar. Steinunn Arnþrúður Björnsdóttir, verkefnisstjóri á biskupsstofu, flutti erindi og leiddi áhugaverðar umræður um störf sóknarnefndar og voru ræddir ítarlega möguleikar þess að byggja upp samstarfssvæði eins og reynt hefur verið á svæðinu. Hér má skoða myndir frá námskeiðinu sem sr. Sigurður Ægisson, sóknarprestur á Siglufirði, tók.

Steinunn Arnþrúður Björnsdóttir, flutti erindi um störf sóknarnefnda og samtarfssvæði.

Það var vel mætt um 35 manns og spunnust líflegar og skemmtilegar umræður um safnaðarstarfið.

Prestar og sóknarnefndarfólk veltu fyrir sér erfiðri fjárhagsstöðu safnaðanna og hvað væri mögulegt að gera.

Sr. Jón Ármann Gíslason, prófastur Eyjafjarðar- og Þingeyjarprófastsdæmi, var mættur um langan veg.

Eitt af þeim málefnum sem voru rædd voru hvað prófastsdæmið er orðið stórt og óhentug starfseining.

Mikil áhuga var hjá fundarmönnum að vinna að heill og viðgangi safnaðanna á svæðinu.

Unnið var í umræðuhópum og niðurstöðurnar kynntar og teknar saman og stefnt að áframhaldandi vinnu með þær.

Þá var rætt um kosti þess og galla að sameina sóknir og voru þau sjónarmið uppi að fjárhagslega myndi það
efla starfið og styðja minni sóknir í þeim verkefnum en það væri vont að missa fólk út trúnaðarstörfum
sem bæri hag kirkjunnar sinnar fyrir brjósti.

Myndirnar tók sr. Sigurður Ægisson