Samkirkjuleg bænavika hefst miðvikudaginn 18. janúar og stendur til 25. janúar. Það er alkirkjuráðið og samkirkjunefnd Kaþólsku kirkjunnar sem standa fyrir bænavikunni á hverju ár. Dagsetningar miða við Péturs- og Pálsmessu. Að þessu sinni fylgjum við hér á landi þeim dagsetningunum en fram að þessu hafa bænadagarnir átta miðað við sunnudagana næst þessum messudögum. Efnið er undirbúið af kirkjudeildum í Póllandi sem valið hafa yfirskrift út frá sinni sögu og reynslu: „Sigur Krists umbreytir okkur”. (Sbr. 1. Kor. 15:51-58). Að vanda munum  við fara á milli safnaðanna á Akureyri og vera með bænagjörð þar sem efni hvers dags verður íhugað og tekið þátt í því með kristnu fólki út um allan heim að biðja um sýnilega einingu. Vikunni lýkur svo með sameiginlegri samkomu í Glerárkirkju með þátttöku fulltrúa frá söfnuðunum og Gospelkór Akureyrar mun koma fram og leiða sönginn sem verður mikill og kröftugur. Hér má lesa dagskrána og skoða auglýsingu sem prenta má út og hengja upp til að vekja athygli á bænavikunni.

Lesa áfram …

Í janúar stendur Glerárkirkju fyrir tvenns konar námskeiðum. Annars vegar munu sr. Arna Ýrr Sigurðardóttir og sr. Guðrún Eggertsdóttir verða með námskeiðið ,,Að ná áttum og sáttum” en það námskeið er ætlað fólki sem hefur staðið í skilnaði. Hins vegar mun Pétur Björgvin Þorsteinsson djákni verða með námskeiðið ,,Ást fyrir lífið” sem er hjónabandsnámskeið, ætlað fólki sem vill gera gott hjónaband betra.

Lesa áfram …

Blaðið segir frá því sem er á döfinni í þjóðkirkjunni í útfirðinum. Skrá yfir allar guðsþjónustur nú í desember og á komandi jólahátíð. Hér má sækja blaðið á Pdf-formi.

Lesa áfram …

Miðvikudaginn 30. nóvember verður bókakaffi í þorpinu þar segir Óskar Guðmundsson frá nýrri bók sinni um Eyfirðinginn, athafnamanninn, bændaleiðtogann og biskupinn Þórhall Bjarnason. Á fullveldisdaginn verður hann svo á Bergi á Dalvík. Og þá um kvöldið verður líf og fjör í Laufási kl. 20:30 með dagskrá og verður rjúkandi súkkulagði í boði og slegið á létta strengi.

Lesa áfram …

Kirkjuþingi lauk föstudaginn 18. nóvember. Í ræðu sinni við lok þingsins ræddi Pétur Kr. Hafstein, þingforseti þingmálin að umræðuefni en alls voru 36 mál lögð fram. „Flest eru þessi mál þýðingarmikil í starfi og stefnumörkun þjóðkirkjunnar. Þau eru öll borin fram …

Lesa á vef kirkjan.is Áfram →

Í haust hefur Eyjafjarðar-  og Þingeyjarprófastsdæmi staðið fyrir samræðukvöldum um trúna á Krist, guðspjöllin og nútímann. Kvöldin hafa að jafnaði hafist á tveggja manna tali og svo var einnig miðvikudagskvöldið 16. nóv., en þá ræddu dr. Ragnheiður Harpa Arnardóttir og sr. Gunnar Jóhannesson um sjöunda kaflann í bók páfa, en sá kafli hefur yfirskriftina ,,Boðskapur dæmisagnanna“. Hér á eftir má finna nokkra punkta úr tveggja manna tali kvöldsins. Lesa áfram …

Sunnudaginn 20. nóvember n.k verður hátíðarguðþjónusta í Vallakirkju kl 13:30 í tilefni þess að á jóladag n.k eru liðin 150 ár frá vígslu kirkjunnar á Völlum. Sóknarprestur sr. Magnús Gamalíel Gunnarsson þjónar fyrir altari og herra Jón Aðalsteinn Baldvinsson Hólabiskup predikar.

Lesa áfram …

Þrír fulltrúar Eyjafjarðar- og Þingeyjarprófastsdæmis sátu Kirkjuþing Unga Fólksins sem fram fór í Grensáskirkju í dag, föstudaginn 11.11.2011. Þau eru: Rakel Aðalsteinsdóttir úr Einarstaðasókn (t.v.) en hún á einnig sæti í stjórn ÆSKEY, Erla Guðjónsdóttir, æskulýðsleiðtogi í Akureyrarkirkju og Samuel Örn Pétursson, æskulýðsleiðtogi í Glerárkirkju, en hann var einnig annar varaforseta þingsins.

Lesa áfram á vef þjóðkirkjunnar.

Þessar vikurnar stendur Eyjafjarðar- og Þingeyjarprófastsdæmi fyrir samræðukvöldum um trúna á Krist, guðspjöllin og nútímann. Til grundvallar umræðunni liggur bók Joseph Ratzinger „Jesús frá Nasaret“. Síðasta miðvikudagskvöld fór sjötta umræðukvöldið fram. Þar áttu sr. Gunnlaugur Garðarsson, sóknarprestur í Glerárkirkju og dr. Hjalti Hugason, prófessor við guðfræði- og trúarbragðafræðideild HÍ, tveggja manna tal um efni kvöldsins. Yfirskrift kvöldsins var „Heimspeki og þekking“. Seinni hluti kvöldsins var svo helgaður almennum umræðum. Lesa áfram …