Eyjafjarðar- og Þingeyjarprófastsdæmi

Æskulýðssamband kirkjunnar í Eyjafjarðar- og Þingeyjarprófastsdæmi, í samstarfi við KFUM og KFUK á Norðurlandi stóð fyrir helgarsamveru undir yfirskriftinni “Guð elskar glaðan gjafara” dagana 5. og 6. nóvember síðastliðinn. Gist var í grunnskólanum á Ólafsfirði og fór dagskráin fram víða um bæinn. Var það mál manna að Ólafsfirðingar hefðu tekið afskaplega vel á móti hópnum. Meðal stjórnenda á mótinu voru sr. Sigríður Munda Jónsdóttir, sr. Guðmundur Guðmundsson, Pétur Björgvin Þorsteinsson, djákni í Glerárkirkju og Jóhann H. Þorsteinsson, sviðsstjóri æskulýðsstarfs KFUM og KFUK.

Skoða myndir frá samverunni.
Skoða frétt á www.625.is.

Á dögunum fór 15 manna hópur frá Glerárkirkju á landsmót æskulýðsfélaga, en það var haldið á Selfossi síðustu helgina í október. Alls tóku um 500 ungmenni þátt í mótinu sem var vel heppnað í alla staði. Landsmótin hafa verið fastur liður í æskulýðsstarfi kirkjunnar um áratuga skeið. Næsta landsmót verður austur á Héraði í október 2012 og vonumst við eftir góðri þátttöku héðan úr prófastsdæminu. Á vef Glerárkirkju má nú skoða nokkrar myndir af ferðinni á mótið.

Hér birtist tveggja manna tal þeirra Kristínar Ástgeirsdóttur, framkvæmdastýru Jafnréttisstofu, og sr. Örnu Ýrr Sigurðardóttur, prests í Glerárkirkju, um jafnrétti, menningu og samfélags. Næsta miðvikudag þann 9. nóvember verður umræða um trú, þekkingu og heimspeki. Þá ræða þeir saman dr. Hjalti Hugason, prófessor við guðfræði- og trúarbragðadeild HÍ og sr. Gunnlaugur Garðarssson, sóknarprestur í Glerárkirkju.  Boðið verður upp á kaffi og almennar umræður í framhaldi. Lesa áfram …

Verkefnið Síungir sunnudagar á vegum ÆSKEY er að komast í gang á nokkrum stöðum en markmið þess er að vera með fræðslu fyrir og um æskuna. Næstu tvo sunnudag þann 6. nóvember á Dalvík og 13. nóvember á Ólafsfirði verður dagskrá fyrir fermingarbörn og foreldra þeirra sem byggist að nokkru á Kompás, handbók um mannréttindafræðslu fyrir ungt fólk. Hér á eftir er dagskrá þessa sunnudaga og upplýsingar fyrir áhugasama. Verkefnið er styrkt af Æskulýðssjóði ríkisins.

Lesa áfram …

Næstkomandi laugardag 6. nóvember verður TTT-mót á Ólafsfirði. Búist er við góðum hópi krakka á aldrinum Tíu Til Tólf ára. Mótið hefst upp úr hádegi á laugardeginum og endar með fjölskylduguðsþjónustu í Ólafsfjarðarkirkju á sunnudeginum. Þetta er eitt af verkefnum á vegum ÆSKEY sem kallað hefur verið Síungir Sunnudagar og er styrkt af Æskulýðssjóði Ríkisins.

Lesa áfram kynningu á mótinu…

Næstkomandi miðvikudagskvöld þann 2. nóvember ræða þær Kristín Ástgeirsdóttir, framkvæmdastýra jafnréttisstofu og sr. Arna Ýrr Sigurðardóttir prestur í Glerárkirkju saman í tveggja manna tali um menningu og samfélag. Samræðukvöldin eru kl. 20 og byrja með samtali þeirra og eftir stutt kaffihlé eru almennar umræðu. Hér á vefnum má nú lesa um og hlusta á samræðukvöldin í október. M.a. er þar umsögn Aðalsteins Bergdal um reynslu sína að leika Markúsarguðspjall.

Lesa pistil á trú.is

Þessa helgina stendur yfir landsmót æskulýðsfélaga á Selfossi. Um 500 ungmenni taka virkan þátt í dagskrá þar sem skiptist á fræðsla og frítími, skemmtun og tími til góðra verka. Meðal þátttakenda er 15 manna hópur úr Glerárkirkju. Á vef kirkjunnar má finna nokkrar fréttir frá landsmótinu, m.a. eftirfarandi:

Hjörtu úr gulli – landsmótslagið / Landsmótið sett – myndir / Búningar saumaðir – myndir

Á samræðukvöldi í Glerárkirkju miðvikudaginn 26. október var rætt um guðspjöllin og tengsl þeirra við bókmenntir og listir og þá sér í lagi hvort eða hvernig nota mætti bókmenntarýni til skilningsauka þess sem les Biblíuna. Dagskráin hófst með tveggja manna tali, þar sem sr. Arna Ýrr Sigurðardóttir og Örnólfur Jóhann Ólafsson ræddu efni kvöldsins. Sem fyrr var umræða kvöldsins tengd bók páfa: ,,Jesús frá Nasaret”. Að vanda var samtalið tekið upp á myndband og þrjú stutt myndbönd birt hér á vefnum. Þeim er ætlað að gefa innsýn í það sem fram fór þetta kvöld. Lesa áfram …

Á samræðukvöldi í Glerárkirkju miðvikudaginn 19. október var umræðuefnið leikhúsið og helgihaldið. Sr. Haukur Ágústsson ræddi um efnið og hélt því fram að guðsþjónustan væri “Sú leiksýning sem gengið hefur lengst á jörð.” Hér má lesa pistill um kvöldið og skoða upptökur. Næsta miðvikudag 26. nóvember mun sr. Arna Ýrr Sigurðardóttir og sr. Örnólfur J. Ólafsson ræða um bókmenntir og listir.
Lesa áfram …