Eyjafjarðar- og Þingeyjarprófastsdæmi

Á námskeiðinu Innandyra 16. sepember nk. verður áherla lögð á kærleiksþjónustu. En það er þema næsta vetrar í kirkjustarfinu. Ragnheiður Sverrisdóttir mun fjalla um það almennt á námskeiðinu sem verður í Akureyrarkirkju en einnig verður hún með fræðslu um vinaheimsóknir og sorg- og sorgarviðbrögð.

Frekari upplýsingar er hér að finna undir fræðsla.

Lesa áfram …

Á kirkjan.is er þessi skemmtilega frásögn sr. Sighvats á Húsavík af pílagrímagöngu yfir Heljadalsheiði á Hólahátíð. En alls gengu 61 pílagrímur gömlu leiðirnar til Hóla á hátíðinni.

Lesa áfram á kirkjan.is.

Mikil ánægja var með Hólahátíð. Hér á vefnum má lesa fréttir af hátíðinni sem birst hafa á kirkjan.is og myndir frá hátíðinni sem þar hafa birst. Henni lauk í gær með hátíðarmessu og samkomu. Fluttar voru fréttir af stórkostlegri bókgjöf til Hóladómkirkju í fréttum RÚV kl. 19. Sjá nánari umfjöllun á kirkjan.is.

“Á þessu Herrans ári 2006 er þess minnst að 900 ár eru liðin síðan Jón biskup Ögmundarson, hinn helgi, settist á biskupsstól á Hólum í Hjaltadal og stofnaði þar skóla. Af því tilefni verður Hólahátíð veglegar haldin en endranær.” Svo skrifar sr. Jón A. Balvinsson, Hólabiskup í pistli. Hátíðn stendur 11-13. ágúst.

Frekari upplýsingar er að finna á vefsíðunni: http://www.kirkjan.is/holar/

Ljósmynd: Sigurborg Rögnvaldsdóttir

Dagskráin verður sem hér segir:

Föstudagur 11
Kl. 20 Samkoma í reiðhöllinni á Hólum. Karlakórinn Heimur og leikarar fara yfir 900 ára sögu Hólastaðar í tali og tónum.

Laugardagur 12
Pílagrímagöngur heim að Hólum úr þremur áttum: Um Heljadalsheiði, Hjaltadalsheiði og frá Flugumýri svokallaða biskupsleið.
Kl. 9 Morgunsöngur í Dómkirkjunni
Kl. 13 Helgiganga í Gvendarskál þar sem messað verður við altari Guðmundar góða
Kl. 18 Tekið verður á móti pílagrímunum með helgistund í Dómkirkjunni. Útigrill fyrir göngumenn og gesti (verð kr. 1000)

Sunnudagur 13
Kl. 9 Morgunsöngur í Dómkirkjunni
Kl. 14 Hátíðarmessa í Dómkirkjunni
Kaffiveitingar í Hólaskóla
Kl. 16.30 Hátíðarsamkoma í reiðhöllinni á Hólum

Ákveðið hefur verið að ráða sr. Guðrúnu Eggertsdóttir sem forstöðumann trúarlegrar þjónustu við Fjórðungssjúkrahúsið á Akureyri. Guðrún er með cand. theol próf frá Háskóla Íslands og er vígður djákni og prestur. Hún starfar nú sem prestur á Landspítala-háskólasjúkrahúsi.

Lesa áfram …

Kirkjurnar á Akureyri bjóða upp á dagskrá um verslunarmannahelgi.

Í Akureyrarkirkju verður kvöldkirkjan starfrækt öll kvöld, auk þess verður kirkjan opin föstudag 10-12 og 13.30-23.30, laugardag kl. 10-12 og 18-22, sunnudag kl. 13-22. Á fimmtudag syngur Jóhannes Eiðsson við undirleik Arnórs Vilbergsson kl. 18. Bænastund verður 21.30. Föstudagskvöldið verður altarisganga kl. 22. Á laugardagskvöld leika Kristján Edelstein og Pétur Hallgrímsson á gítara kl. 20.30 en kvöldinu lýkur með kvöldbæn kl. 21.30. Sr. Sólveig Halla Kristjánsdóttir annast helgistund í kirkjunni kl. 11 á sunndag þar sem Örn Viðar Birgisson syngur og organist verður Eyþór Ingi Jónsson. Hann kynnir svo orgel Akureyrarkirkju kl. 17 og leikur á það fyrir gesti og gangandi. Á mánudag eru svo kvöldbænir kl. 21.30.

Glerárkirkja býður upp á gönguferðir laugardaginn 5. ágúst með harmonikkuleik, fjöldasöng og ljóðalestri kl. 17. Ekið er frá Ráðhústorgi með rútu í Glerárkirkju og gengið þaðan í Lögmannshlíðarkirkju þar sem endað er með helgistund en á leiðinni er staðnæmst og sungið við undirleik harmonikku og lesin ljóð. Rúta fer svo til baka í Glerárkirkju og Ráðhústorg. Á sunnudeginum 6. ágúst er gönguferð fyrir fjölskyldur með leik og söng. Mæting er við Ráðhústorg kl. 17 og gengið úr Lögmannshlíðarkirkju í Glerárkirkju þar sem verður smá hressing. Staðnæmst er nokkur skipti og sagðar barna- og biblíusögur eða farið í hópleiki. Áætlaður tími í báðar gögurnar eru 2 klst.

Lesa áfram …

Æskulýðssamband kirkjunnar í Eyjafjarðarprófastsdæmi (ÆSKEY) hefur nú sitt annað starfsár. Á dagskránni eru námskeið fyrir leiðtoga, samverur fyrir sunnudagaskóla, helgarferðir fyrir TTT og unglingastarfið og margt fleira.

Nálgast má dagskrána á pdf-formi hér á vefnum.

Lesa áfram …

Sr. Jóna Lísa Þorsteinsdóttir er til viðtals í Akureyrarkirkju mánudaga, þriðjudaga og fimmtudaga kl. 17-22 og föstudaga kl. 17-23.30.

Kyrrð, bænagjörð, hugleiðing, samtal og tónlist.

Bænastund kl. 21.30.

Altarisganga föstudaga kl. 22.

Fimmtudaginn 22. júní kl. 18 syngur Sólbjörg Björnsdóttir við undirleik Björns Steinars Sólbergssonar.

Allir hjartanlega velkomnir.

Nu um helgina er haldið norrænt vinabæjarmót í Ólafsfirði. Á sunnudeginum þann 18. júní verður messa kl. 9:30 þar sem Ida Secher, sóknarprestur í Hillerod mun þjóna við messuna ásamt sóknarpresti sr. Sigríðu Mundu Jónsdóttur. Einnig munu norrænir gestir taka þátt í guðsþjónustunni.

Í ræðu á sjómannadegi í Akureyrarkirkju sagði sr. Óskar H. Óskarsson að “sjómannadagur var mesti hátíðsdagur ársins” og vísaði til prestskaparára sinna á Ólafsvík. Ræðu hans má lesa hér á vefnum:

“Á fyrri tíð var það siður íslenskar sjófarenda er þeir lögðu frá landi á opnum og illa búnum skipum að taka ofan og gjöra bæn sína. Það var ekki bara vani heldur líka vitneskjan um hvar hjálpina er að finna, allt er í hendi hans…”

Lesa áfram …