Glerárkirkja er þátttakandi í þróunarverkefninu ,,Barnið í brennidepli sem Skóladeild Akureyrarbæjar og Skólaþróunarsvið Háskólans á Akureyri standa að. Meginmarkmið verkefnisins er að styrkja siðferðismótun og verndarþætti í nánasta umhverfi barna og móta sameiginlega sýn þeirra sem starfa að uppfræðslu og uppeldi.
Pétur Björgvin, 4/4 2005
Þær Ásta Magnúsdóttir og Margrét Eir Hjartardóttir leiða nú barnakór og unglingakór Glerárkirkju í æfingum á söngleiknum LÍF OG FRIÐUR en stefnt er á sýningu söngleiksins 2. apríl 2005 klukkan tvö í Glerárkirkju. Söngleikurinn hefur verið fluttur víða í kirkjum landsins við góðar undirtektir og var gaman að sjá á æfingu hjá kórunum síðastliðinn laugardag hve mikil gleði ríkti í hópnum og ljóst að allir þátttakendur stefna að því að gera sitt besta.
Guðmundur Guðmundsson, 28/3 2005
Hér birtist ræða sr. Sigríðar Mundu Jónsdóttur flutt í Ólafsfjarðarkirkju og Hornbrekku á páskadag 27. mars 2005. Gleðiboðin um að “Kristur er upprisinn” er á næman hátt í ræðunni tengd við sorg og ástvinamissi barnsins og von okkar manna um eilíft líf. Textinn sem er útlagður er Matt. 28:1-8.
Guðmundur Guðmundsson, 27/3 2005
Ýmsar hugleiðingar er að finna á vef kirkjunnar og lestrar og bænir sem tengjast föstudeginum langa. Lesa þar. Hér vísum við á hugleiðingu herra Karl Sigurbjörnsson, biskupskrossins orð. Lesa hugleiðinguna.
Guðmundur Guðmundsson, 25/3 2005
Hér birtist ræða sr. Guðmundur Guðmundssonar um heilaga kvöldmálið sem er efni skírdags. Þar leggur hann út frá texta Didache: “Eins og brotnu brauði var dreift yfir fjöllin, en var safnað saman og varð eitt…” Bæn í upphafi er þýðing á sálmi eftir Anders Frostenson.
Textar dagsins: Sálm. 116: 12-19, 1. Kor. 10: 16-17, Lúk. 22: 14-20 – Lesa texta dagsins
Lesa ræðu á annál Guðmundar Guðmundsson
Lesa texta dagsins – smeltu á áfram
Guðmundur Guðmundsson, 24/3 2005
Á sunnudaginn kemur, Pálmasunnudag, verður sr. Arnaldur Bárðason settur í embætti prests í Glerárkirkju af sr. Hannesi Erni Blandon, prófasti í Eyjafjarðarprófastsdæmi. Auk þess þjóna sr. Gunnlaugur Garðarsson, sóknarprestur í Glerárkirkju og Pétur Björgvin Þorsteinsson djákni við athöfnina. Kirkjukór Glerárkirkju syngur undir stjórn Hjartar Steinbergssonar, organista. Allir eru velkomnir til messu og í messukaffi að helgihaldi loknu. Messan hefst klukkan 11.
hannes.blandon, 17/3 2005
Í dag 17. mars eru 20 ár síðan herra Sigurbjörn Einarsson, biskup, vígði félagsheimili KFUM og KFUK í Sunnuhlíð. Afmæliskaffi verður þar í kvöld kl. 20 þar sem rætt verður um hlutverk og starf félagsins í fortíð, nútíð og farmtíð. Hér má skoða myndasýningu um starf félaganna á Akureyri í gegnum árin.
Guðmundur Guðmundsson, 17/3 2005
Leiðarþing ungs fólks í Þjóðkirkjunni eru nú haldin um allt land til undirbúnings Kirkjuþings unga fólksins á Kirkjudögum. Fyrir Eyjafjarðar og Þingeyjarprófastsdæmi hefur leiðarþingið fengið yfirskriftina: þing ungs kirkjufólks. Þingið verður haldið í Akureyrarkirkju laugardaginn 9. apríl 2005.
Pétur Björgvin, 10/3 2005
Jón Jósep Snæbjörnsson (í svörtum fötum) og Vignir Snær Vignirsson (Írafár) ásamt Stúlknakór Akureyrarkirkju verða með tónleika í Akureyrarkirkju mánudaginn 7. mars klukkan 20:30. Það kostar 1000 krónur inn á tónleikana en ágóðinn rennur til æskulýðsstarfs kirkjunnar.
Guðmundur Guðmundsson, 7/3 2005
Eyþór Ingi Jónsson organisti heldur hádegistónleika í Akureyrarkirkju laugardaginn 5. mars kl. 12. Á efnisskránni eru verk eftir Tarquino Merula, Johann Sebastian Bach, Johann Jacob Froberger og Nicolaus Bruhns. Lesari er Heiðdís Norðfjörð. Aðgangur er ókeypis og allir velkomnir. Listvinafélag Akureyrarkirkju
Guðmundur Guðmundsson, 4/3 2005
Forsíðumynd:
Frá TTT-móti á Hrafnagili vorið 2011 á vegum ÆSKEY
Víðförli er fréttabréf þjóðkirkjunnar. Hann er sendur í tölvupósti til áskrifenda einu sinni í viku. Hægt er að gerast áskrifandi á vefnum.
Um Hjálparstarf kirkjunnar (Smella á mynd til að horfa)
SAMRÆÐUKVÖLD Í FEBRÚAR OG MARS
(Smella á mynd til að fylgjast með)
Skrifstofa: Sigurhæðir, Eyrarlandsvegi 3, 600 Akureyri
Sími 462 6680 og 462 6702
Póstfang: Pósthólf 205, 602 Akureyri
Viðtalstímar:
Guðmundur Guðmundsson
Héraðsprestur
Símatími á mánudaga, miðvikudaga og fimmtudaga kl. 11-12
Viðtöl eftir samkomulagi í Sigurhæðum eða Akureyrarkirkju
Sími 462 6702 og 897 3302
Ásta Garðarsdóttir
Umsjónarmaður vinaheimsókna
sími: 860 4967
netfang: astaga@simnet.is
Vinnusvæði starfsfólks
18. janúar - efni bænavikunnar: Umbreytt af hinum þjónandi Kristi
Fyrirbænastund á Hjálpræðishernum kl. 12
Kyrrðar- og fyrirbænastund í Glerárkirkju kl. 12
Sigurhæðir, Eyrarlandsvegi 3, 600 Akureyri. Sími 462 6680 / 462 6702 , fax 462 6704 · Kerfi 
