Eyjafjarðar- og Þingeyjarprófastsdæmi

Kirkjulistavika 2005 verður dagana 17.-24. apríl næstkomandi og er þetta í níunda skipti sem Listvinafélag Akureyrarkirkju heldur slíka kirkju- og menningarhátíð í samvinnu við ýmsa aðila. Að vanda taka fjölmargir listamenn þátt í Kirkjulistavikunni, en markmið hennar er að efla samvinnu og tengsl listafólks við kirkjuna og gefa Akureyringum og nærsveitamönnum kost á að njóta þar góðra lista. (Úr Fréttatylkynning frá Akureyrarkirkju)

Hér er hægt að nálgast dagskrá vikunnar – Safnaðarblað Akureyrarkirkju

Lesa áfram …

Gospelfjör er dagskrárliður í Birtingu, hátíð ungs fólks sem nú stendur yfir. Allir eru hvattir til að mæta á þetta gospelfjör sem er á dagskránni í kvöld, miðvikudagskvöldið 13. apríl kl. 20:30 í Glerárkirkju. Þar koma m.a. Stúlknakór Akureyrarkirkju, Sólrún Ásta Haraldsdóttir, Kór Menntaskólans á Akureyri og fleiri fram. Birting er hátíð ungs fólks sem er haldin á Akureyri 9.-16. apríl nk. Með henni vilja framhaldsskólanemar sýna að þeir hafa margt gott fram að færa. Nánar má lesa um hátíðina á www.birting2005.is

Prófastur hefur boðað til héraðsfundar með dagskrá sem fylgir hér með. Héraðsfundur verður í Ólafsfjarðarkirkju 30. apríl og hefst með messu þar sem sr. Sigríður Munda Jónsdóttir prédikar. Æskulýðs- og fræðslumál verða veigmikil viðfangsefni fundarins ásamt skipulagsmálum. Kynntar verða tillögur nefndar um sameiningu Eyjafjarðar- og Þingeyjarprófastsdæma. Fundurinn stendur frá kl. 10:00 til 17:30.

Lesa áfram …

Glerárkirkja er þátttakandi í þróunarverkefninu ,,Barnið í brennidepli” sem Skóladeild Akureyrarbæjar og Skólaþróunarsvið Háskólans á Akureyri standa að. Meginmarkmið verkefnisins er að styrkja siðferðismótun og verndarþætti í nánasta umhverfi barna og móta sameiginlega sýn þeirra sem starfa að uppfræðslu og uppeldi.

Lesa áfram …

Þær Ásta Magnúsdóttir og Margrét Eir Hjartardóttir leiða nú barnakór og unglingakór Glerárkirkju í æfingum á söngleiknum LÍF OG FRIÐUR en stefnt er á sýningu söngleiksins 2. apríl 2005 klukkan tvö í Glerárkirkju. Söngleikurinn hefur verið fluttur víða í kirkjum landsins við góðar undirtektir og var gaman að sjá á æfingu hjá kórunum síðastliðinn laugardag hve mikil gleði ríkti í hópnum og ljóst að allir þátttakendur stefna að því að gera sitt besta.

Lesa áfram …

Hér birtist ræða sr. Sigríðar Mundu Jónsdóttur flutt í Ólafsfjarðarkirkju og Hornbrekku á páskadag 27. mars 2005. Gleðiboðin um að “Kristur er upprisinn” er á næman hátt í ræðunni tengd við sorg og ástvinamissi barnsins og von okkar manna um eilíft líf. Textinn sem er útlagður er Matt. 28:1-8.

Lesa áfram …

Ýmsar hugleiðingar er að finna á vef kirkjunnar og lestrar og bænir sem tengjast föstudeginum langa. Lesa þar. Hér vísum við á hugleiðingu herra Karl Sigurbjörnsson, biskupskrossins orð. Lesa hugleiðinguna.

Hér birtist ræða sr. Guðmundur Guðmundssonar um heilaga kvöldmálið sem er efni skírdags. Þar leggur hann út frá texta Didache: “Eins og brotnu brauði var dreift yfir fjöllin, en var safnað saman og varð eitt…” Bæn í upphafi er þýðing á sálmi eftir Anders Frostenson.

Textar dagsins: Sálm. 116: 12-19, 1. Kor. 10: 16-17, Lúk. 22: 14-20 – Lesa texta dagsins

Lesa ræðu á annál Guðmundar Guðmundsson

Lesa texta dagsins – smeltu á áfram

Lesa áfram …

Á sunnudaginn kemur, Pálmasunnudag, verður sr. Arnaldur Bárðason settur í embætti prests í Glerárkirkju af sr. Hannesi Erni Blandon, prófasti í Eyjafjarðarprófastsdæmi. Auk þess þjóna sr. Gunnlaugur Garðarsson, sóknarprestur í Glerárkirkju og Pétur Björgvin Þorsteinsson djákni við athöfnina. Kirkjukór Glerárkirkju syngur undir stjórn Hjartar Steinbergssonar, organista. Allir eru velkomnir til messu og í messukaffi að helgihaldi loknu. Messan hefst klukkan 11.

Lesa áfram …

Í dag 17. mars eru 20 ár síðan herra Sigurbjörn Einarsson, biskup, vígði félagsheimili KFUM og KFUK í Sunnuhlíð. Afmæliskaffi verður þar í kvöld kl. 20 þar sem rætt verður um hlutverk og starf félagsins í fortíð, nútíð og farmtíð. Hér má skoða myndasýningu um starf félaganna á Akureyri í gegnum árin.

Lesa áfram …