Eyjafjarðar- og Þingeyjarprófastsdæmi

Leiðarþing ungs fólks í Þjóðkirkjunni eru nú haldin um allt land til undirbúnings Kirkjuþings unga fólksins á Kirkjudögum. Fyrir Eyjafjarðar– og Þingeyjarprófastsdæmi hefur leiðarþingið fengið yfirskriftina: þing ungs kirkjufólks. Þingið verður haldið í Akureyrarkirkju laugardaginn 9. apríl 2005.

Lesa áfram …

Jón Jósep Snæbjörnsson (í svörtum fötum) og Vignir Snær Vignirsson (Írafár) ásamt Stúlknakór Akureyrarkirkju verða með tónleika í Akureyrarkirkju mánudaginn 7. mars klukkan 20:30. Það kostar 1000 krónur inn á tónleikana en ágóðinn rennur til æskulýðsstarfs kirkjunnar.

Lesa áfram …

Eyþór Ingi Jónsson organisti heldur hádegistónleika í Akureyrarkirkju laugardaginn 5. mars kl. 12. Á efnisskránni eru verk eftir Tarquino Merula, Johann Sebastian Bach, Johann Jacob Froberger og Nicolaus Bruhns. Lesari er Heiðdís Norðfjörð. Aðgangur er ókeypis og allir velkomnir. Listvinafélag Akureyrarkirkju

Bænadagssamkoma í GLERÁRKIRKJU kl. 20.00

Fjölbreytt dagskrá – bænir og lofsöngvar

Hugleiðingar flytja Rannvá Olsen og Regina B. Þorsteinsson

Samskot tekin til hins Íslenska Biblíufélags

Allir velkomnir, konur og karlar

Að Alþjóðlegum bænadegi kvenna á Akureyri standa:
Aðventkirkjan, Akureyrarkirkja, Glerárkirkja, Hjálpræðisherinn, Hvítasunnukirkjan, Kaþólska kirkjan, KFUM og KFUK, Kristniboðsfélag kvenna og Sjónarhæðarsöfnuður

Lesa áfram …

Það stendur fyrir dyrum flugslysaæfing á Akureyri á vegum Flugmálastjórnar þann 28. maí næstkomandi. Hafinn er undirbúningur að henni innan prófastsdæmisins. Guðrún Eggertsdóttir, djákni, ráðfgjafi biskupsstofu varðandi flugslysaæfinguna fundaði með prófasti, héraðspresti og djákna á FSA föstudaginn 18. febrúar. En hún lagði áherslu á þátttöku presta og annarra starfsmanna kirkjunnar í æfingunni. Næsta skref verður undirbúningsfundur 3. mars nk. með þátttakendum í æfingunni. Hér á eftir fylgir dagskrá námskeiðsins og frekari upplýsingar.

Lesa áfram …

Í dag 29. febrúar var lokið að dreifa kynningarbæklingum Hjálparstarfs kirkjunnar í Verkamenntaskólanum á Akureyri en fyrir helgi var farið með bæklingana í Menntaskólann á Akureyri. Einnig liggja bæklingarnir frammi í Háskólanum á Akureyri. Sjáið kynningu á söfnunarátakinu á vef Hjálparstarfs kirkjunnar. Ef þú vilt taka þátt í söfnunninn lestu þá áfram…

Lesa áfram …

Eitt af málefnum prófastafundar 1.-2. mars nk. í Neskirkju og héraðsfundar í vor í Ólafsfirði þann 30. apríl verður skipan prófastsdæmanna. Er það í samræmi við tillögu frá kirkjuþingi 2004. Það mál hefur áhrif á kosningu til kirkjuþings. Hér er stutt umfjöllun um það og dagskrá prófastafundar á kirkjan.is.

Hér er vakin athygli á frásögn Ragnheiðar Sverrisdóttur, djákna á biskupsstofu, um afmæli trúarlegrar þjónustu á FSA á annál djákna og umfjöllun hennar um starf kærleiksþjónustu kirkjunnar í Eyjafjarðarprófastsdæmi. Smellið á litaða textann og lesið áfram.

Steinunn Jóhannesdóttir flytur síðasta erindið um Hallgrím Pétursson að Rimum í Svarfarðardal fimmtudaginn 17. febrúar klukkan 20:30 í fyrirlestrarröðinni í samstarfi við Húsabakkaskóla. Yfirskrift erindisins er: Skáldið Hallgrímur Pétursson. Daginn áður miðvikudaginn 16. febrúar heimsækir hún Grunnskólann í Ólafsfirði með umfjöllun um Hallgrím sem ungling og ungan mann. Einnig verður dagskrá um Reisubók Guðríðar í samstarfi við Amtbókasafnið á Akureyri þann sama daga klukkan 17:15 sem er öllum opin eins og erindið að Rimum.

Lesa áfram …

Þriðjudaginn 15. febrúar verður fundur fyrir sóknarnefndarfólk um breytingar á lögum varðandi kirkjugarði klukkan 20:30. Þar mun Smári Sigurðsson, framkvæmdastjóri Kirkjugarða Aureyrar fara í saumana á téðum lögum.

Lesa áfram …