Karl Sigurbjörnsson, biskup Íslands, og sr. Geir Waage áttu fund í morgun vegna ummæla sr. Geirs um tilkynningaskyldu samkvæmt barnaverndarlögum. Á fundinum kom fram að sr. Geir muni hér eftir sem hingað til hlýða þeirri tilkynningaskyldu og samsvarandi ákvæðum í siðareglum þjóðkirkjunnar.

Undanfarið hafa mál þjóðkirkjunnar verið rædd af miklum tilfinningahita sem eðlilegt er vegna þess sem kom fram í máli Guðrúnar Ebbu Ólafsdóttur um föður sinn eftir kirkjuráðsfund með henni 17. ágúst s.l.

Í framhaldi hefur verið fjallað á ný um þau mál sem komu upp fyrir 15 árum og voru þá leidd til lykta af kirkjunni eftir þeim leiðum sem þá voru færar.

Annað þing Ríkíní, félags um forna tónlist verður haldið á Hólum í Hjaltadal helgina 27. til 29. ágúst. Félagið var stofnað fyrir tveimur árum af áhugafólki og fræðimönnum um fornan tónlistararf Íslendinga.

Séra Ágúst Sigurðsson, fyrrverandi sóknarprestur, rithöfundur og fræðimaður, lést að Líknardeild Landspítalans í Kópavogi aðfararnótt sunnudagsins 22. ágúst sl. Ágúst var fæddur á Akureyri 15. mars 1938, sonur hjónanna sr. Sigurðar Stefánssonar, síðar vígslubiskups Hólastiftis, og eiginkonu hans frú Maríu Ágústsdóttur.

Fyrirmæli barnaverndarlaga taka af öll tvímæli um tilkynningaskyldu presta að hún gengur framar ákvæðum laga eða siðareglna um þagnarskyldu. Gengið er út frá því að velferð barnsins hafi forgang. Það er í fullu samræmi við hina kristnu siðfræði og mannsskilning sem setur barnið og velferð þess fremst.

Sunnudagurinn 22. ágúst er tólfti sunnudagur eftir þrenningarhátíð. Lestrar, bæn og sálmur dagsins eru aðgengileg á vefnum.

 Kirkjuhúsið verður opið frá 14 - 18 á menningarnótt. Eins og undanfarin ár munu Þorvaldur Halldórsson og Margrét Scheving skemmta gestum með tónlistarflutningi og boðið verður upp á kaffi, te og djús og sæti fyrir lúnar fætur. Á heila tímanum, klukkan 15, 16 og 17 verður skoðunarferð með leiðsögn um húsið þar sem saga þess er sögð. 

Ég hef lýst því viðhorfi mínu oft og iðulega að kynferðisbrot og annað ofbeldi gegn konum og börnum líðist ekki innan vébanda þjóðkirkjunnar.

Lesa pistilinn á trú.is ...

Fagráð um meðferð kynferðisbrota tók til starfa árið 1999.  Fagráðið starfar  samkvæmt starfsreglum kirkjuþings um meðferð kynferðisbrota innan þjóðkirkjunnar nr. 955/2009 áður 738/1998. 
Frá upphafi hafa fimm mál borist til fagráðs.

Á fund kirkjuráðs 17. ágúst 2010 kom Guðrún Ebba Ólafsdóttir, sem hafði óskað eftir fundi með kirkjuráði til að segja sögu sína.  Áður hafði hún sent erindi og átt fund með biskupi þar sem hún vildi brýna kirkjuna til að taka skýra afstöðu gegn kynferðislegu ofbeldi og lýsa það vera synd.