Hólahátíð verður haldin 13. - 15. ágúst næstkomandi. Að þessu sinni verður hún sérstaklega tileinkuð unga fólkinu. Yfirskrift dagskrár fyrir unga fólkið sem mætir á Hólahátíð er „Unga kirkjan“ .

Skálholtshátíð 2010 verður haldin næstu helgi, dagana 17. og 18. júlí, en hún er að vanda haldinn þann sunnudag er næstur er Þorláksmessu á sumri.  Morgunsöngur verður báða dagana kl. 9.00 í kirkjunni og aftansöngur kl. 18.00.

Hin árlega pílagrímaganga frá Þingvöllum til Skálholts verður gengin 17.-18. júlí nk. Gangan hefst í Þingvallakirkju kl. 10 árdegis laugardaginn 17. júlí.

Sunnudagurinn 11. júlí er sjötti sunnudagur eftir þrenningarhátíð. Lestrar, bæn og sálmur dagsins eru aðgengileg á vefnum.

Hinn 10. júlí næstkomandi fagnar Hið íslenska biblíufélag 195 ára afmæli. Stofnfundur þess var haldinn fyrrnefndan dag árið 1815 á heimili sr. Geirs Vídalín, biskups, en biskupsgarður var þá að Aðalstræti 10 en það hús stendur enn. Félagið telst af þessum sökum elsta starfandi félag á Íslandi.

Ný íslenskur vefur, kirkjukort.net, hefur verið opnaður. Á vefnum eru upplýsingar um allar kirkjur og bænhús á Íslandi. Vefurinn byggir á Google Maps og geta notendur því auðveldlega séð staðsetningu allra kirkna.

 Sunnudagurinn 4. júlí er fimmti sunnudagur eftir þrenningarhátíð. Lestra og bænir og sálm dagsins er hægt að lesa á vefnum.

Sumartónleikar í Skálholtskirkju hefjast 3. júlí. Í ár er 35 ára afmæli hátíðarinnar, en fyrstu tónleikarnir voru haldnir 12. júlí 1975. Sunnudaginn fjórða júlí verða hátíðartónleikar þar sem fluttur verður Maríuvesper eftir Claudio Monteverdi.

Gildin sem valin voru á Þjóðfundinum 2009 verða viðfangsefni bókar sem Skálholtsútgáfan gefur út í haust.  Útgáfan hefur gert samning við Gunnar Hersvein rithöfund og heimspeking um að skrifa verkið.

Boðað er til aukakirkjuþings 2010 laugardaginn 7. ágúst næstkomandi kl. 9.00 í Grensáskirkju í Reykjavík. Gert er ráð fyrir því að aukaþingið standi aðeins þennan eina dag.

Lesa áfram á vef Kirkjuþings ...