Stór hópur presta, guðfræðinga og djákna hlaut mannréttindaverðlaun samtakanna 78 þegar þau voru veitt í fjórða sinn.

Um 50 manns tóku þátt í helgigöngu á Krosshólaborg fyrir skömmu. Gengið var að Auðartóft og Hvammskirkju og hugað að írskum rótum kristni á Íslandi, meðal annars Auði djúpúðgu og heilögum Kólumkilla. Myndskreytta frásögn er að finna á vef Dalaprestakalls.

Lesa á vef Dalaprestakalls.

 Sunnudagurinn 27. júní er fjórði sunnudagur eftir þrenningarhátíð. Lestra, bæn og sálm dagsins má lesa á vefnum.

Sunnudaginn 27. júní nk. kl 14 minnast Kjalnesingar þess að samkvæmt Landnámu stóð vagga kristinnar trúar á Kjalarnesi þar sem Örlygur Hrappson byggði fyrstu kirkju á Íslandi.

Sr. Gísli Jónasson prófastur ritar grein á trúmálavefnum þar sem hann birtir tölur úr safnaðarstarfi Reykjavíkurprófastsdæmis eystra síðasta vetur.

Karl Sigurbjörnsson, biskup Íslands, hefur sent prestum til reynslu nýtt form fyrir hjónavígslu og tekur það mið af nýjum hjúskaparlögum sem taka gildi n.k. sunnudag.

Tvennir tónleikar verða helgina 26. og 27. júní á vegum Alþjóðlegs orgelsumars í Hallgrímskirkju þar sem Jessica Buzbee, básúnuleikari mun leika með Herði Áskelssyni, orgelleikara.

Verið er að leggja lokahönd á nýtt hjónavígsluform sem sent verður til presta Þjóðkirkjunnar fyrir helgi. Formið tekur mið af nýjum hjúskaparlögum og verður heimilt að nota það fyrir öll pör er biðja um hjónavígslu.

Á Jónsmessu, miðvikudaginn 23. júní, verður messa í Hallgrímskirkju  kl. 23. Séra Guðlaug Helga Ásgeirsdóttir flytur hugvekju og þjónar fyrir altari ásamt séra Jóni Dalbú Hróbjartssyni og djáknunum Magneu Sverrisdóttur og Rósu Kristjánsdóttur. Mótettukór Hallgrímskirkju leiðir messusönginn. Stjórnandi og organisti er Hörður Áskelsson.