„Prestastefna 2011 lýsir yfir áhyggjum af miklum niðurskurði sóknargjalda. Eins og ýmsar stofnanir í landinu hafa sóknir þjóðkirkjunnar þurft að hagræða mikið undanfarin ár, en nú er svo komið að fjölmargar þeirra geta vart sinnt lengur grunnþjónustu sinni við t.d. börn, ungt fólk og aldraða. Prestastefna 2011 fagnar ákvörðun innanríkisráðherra um að skipuð verði nefnd til að greina hvaða áhrif niðurskurður sóknargjalda hefur haft og mun hafa á þjónustu og starf þjóðkirkjunnar og sókna hennar um land allt.“

Ályktunin var samþykkt samhljóða.