Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Safnað fyrir línuhraðli

Agnes M. Sigurðardóttir, biskup Íslands, greindi frá því við slit prestastefnu í apríl að ákveðið hefði verið að safna fyrir línuhraðli á Landspítalanum. Agnes biskup hvetur presta, djákna, sóknarnefndarfólk og starfsfólk kirkjunnar til að setja söfnunina á dagskrá í hverjum söfnuði kirkjunnar.

Ákveðið var í samráði við forstjóra Landspítalans, Björn Zoega, að safna fyrir línuhraðli sem er geislatæki sem notað er við meðferð á öllum tegundum af krabbameini. Söfnunarreikningur hefur verið opnaður.

Söfnunarnúmer og reikningur

Hægt er að leggja inn á söfnunarreikning 0301-26-050082, kt. 460169-6909. Einnig er hægt að hringja í söfnunarsíma:

  • 9041000 til að gefa 1000 krónur
  • 9043000 til að gefa 3000 krónur
  • 9045000 til að gefa 5000 krónur

Viðburðir í söfnuðum kirkjunnar og framlög hópa

Nýr línuhraðall

Brýnt er að endurnýja þennan tækjabúnað núna og mun nýr línuhraðall gefa kost á auknum möguleikum í meðferð krabbameins sem kemur fjölda sjúklinga til góða. Fyrir eru í notkun tvö slík tæki á landinu en þau eru bæði orðin gömul og annað nær úrelt. Það er mat sérfræðinga að nauðsynlegt sé að endurnýja þennan mikilvæga tækjabúnað. Úreldur og bilanagjarn tækjabúnaður er ekki bara ógn við heilbrigði sjúklinga heldur líka uppspretta sorgar og margskonar sársauka.

Safnað verði um allt land

Agnes biskup hvetur presta, djákna, sóknarnefndarfólk og starfsfólk kirkjunnar til að setja söfnun til kaupa á Línuhraðli fyrir Landspítalann á dagskrá í hverjum söfnuði kirkjunnar og leyfa söfnuninni að hafa áhrif á safnaðarstarfið í haust. Í bréfi sem hún skrifar til presta þjóðkirkjunnar segir hún meðal annars:

„Þjóðkirkjan starfar um allt land. Ég veit að það býr mikil hugmyndaauðgi og mannauður í starfsfólki hennar. Í sameiningu áorkum við miklu. Ég vil hvetja ykkur til að leita samstarfs við einstaklinga, félagasamtök, önnur trúfélög og stofnanir á hverjum stað eða fara þær leiðir sem þið teljið bestar til að Landspítalinn nái því markmiði sínu að fjármagna kaup á nýjum Línuhraðli.“

Söfnunarreikningur hefur verið opnaður

Allt söfnunarfé sem lagt verður inn á eftirfarandi reikning mun nýtast til kaupa á Línuhraðlinum fyrir Landspítalann og mun Agnes biskup afhenda söfnunarféð í nóvember. Söfnunarreikningurinn er 0301-26-050082, kt. 460169-6909.

Borðar og veggspjald

Veggspjald til að prenta

Borði sem má nota á vef sóknar

Borði sem má nota á síðu á Facebook