Sauðárkrókskirkja

 

Sunnudagaskóli byrjar aftur næsta sunnudag

Næsta sunnudag, þann 22. janúar byrjar sunnudagaskólinn að nýju kl.11 og verður eftirleiðis á sunnudögum fram að pálmasunnudegi.

Umsjón með stundinni hafa Sigrún Fossberg og Sigríður Elísabet Snorradóttir og Rögnvaldur Valbergsson verður við píanóið. Sunnudagaskólinn er ætlaður yngri börnum og er blandað saman söng, biblíusögum, bænum, brúður heilsa upp á börnin svo eitthvað sé nefnt.

Verið velkomin!

Sigríður Gunnarsdóttir, 17/1 2017

Kirkjan opin á ljósadegi

Í tilefni af ljósadegi, 12. janúar verður kirkjan opin fyrir þau sem vilja koma og eiga þar stund og tendra ljós í minningu látinna ástvina.

http://www.feykir.is/is/skagafjordur/ljosadagur-i-skagafirdi-12-januar

Sigríður Gunnarsdóttir, 11/1 2017

Helgihald í janúar

Næsta sunnudag, þann 15. janúar, verður fyrsta messa ársins kl.14.

Kirkjukórinn leiðir söng að venju, Rögnvaldur verður við orgelið og sóknarprestur þjónar fyrir altari og prédikar. Fermingarbörn lesa lestrana. Eftir messu er boðið upp á kaffisopa, djús og kleinur í safnaðarheimilinu.

Sunnudagaskóinn hefur göngu sína að nýju sunnudaginn 22. janúar, kl.11.

Sunnudagaskólinn hefst 22. janúar og verður framvegis alla sunnudaga fram til pálmasunnudags. Umsjón hafa Sigrún Fossberg og Sigríður Elísabet Snorradóttir, ásamt Rögnvaldi organista. Eru foreldarar, svo ekki sé minnst á skírnarvottar ungra barna, eindregið hvött til að koma með börnin og eiga með þeim gæðastund í kirkjunni þar sem þau heyra sögur af Jesú og læra að biðja.

Sunnudaginn 29. janúar verður kyrrðarstund kl.20.

Einfaldir sálmar sungnir, lesið úr heilgari ritningu, bænir og altarisganga. Tekið við bænaefnum á staðnum og í síma 8628293.

Verið velkomin til kirkju!

Sigríður Gunnarsdóttir, 11/1 2017

Starfið í kirkjunni

Gleðilegt nýtt ár! Nú fer kirkjustarfið að rúlla af stað aftur á nýju ári.

Opið hús fyrir foreldra ungra barna (mömmumorgnar)  verða alla þriðjudaga kl.10-12 í safnaðarheimilinu. Gott að hittas aðra foreldra, drekka kaffi saman og fá fræðslu öðru hvoru.

Stubbarnir, 10-12 ára börn hafa sína fundi á fimmtudögum kl.17.15-18.30. Allir krakkar í 5.-7. bekk boðin velkomin. Stubbastarfið byrjar með óvenjulega miklu trukki því að um helgina, 14.-15. janúar verður farið á TTT-mót á Löngumýri og gist eina nótt. Athugið að það þarf að skrá börnin fyrir föstudaginn 13. janúar en þau fengu skráningarblað með sér heim í síðustu viku.

Fermingarfræðslan byrjar 24. janúar og verður á sömu tímum og fyrir áramót, stúlkur strax eftir skóla kl.14 og drengirnir koma svo kl. 15.

 

 

Sigríður Gunnarsdóttir, 11/1 2017

Líður að helgum tíðum…

Sigríður Gunnarsdóttir, 19/12 2016

Aðstoð í jólamánuðinum

Í desember ár hvert aðstoðar Sauðárkrókskirkja efnalítið fólk svo það geti gert sér dagamun yfir hátíðirnar. Aðstoðin tekur mið af aðstæðum hvers og eins og er fyrst og fremst í formi inneignarkorta í matvöruverslunum sem verða gefin út eigi síðar en 19. desember. Umsóknum skal komið til sóknarprests (í síma 8628293, eða skriflega: sigridur.gunnarsdottir@kirkjan.is) og helst þurfa þær að hafa borist fyrir 6. desember.

 

Sigríður Gunnarsdóttir, 30/11 2016

Helgihald í Sauðárkróksprestakalli á aðventu og jólum

27. nóvember
Hátíðarmessa í Sauðárkrókskirkju kl.14.
Kaffisamsæti í boði Kvenfélags Skarðshrepps á eftir.
4. desember
Aðventuhátíð í Sauðárkrókskirkju kl.20.
Björn Björnsson flytur hugleiðingu. Kirkjukórinn syngur fallega aðventu- og jólasálma. Börn úr barnastarfinu leika helgileik.
9.  desember
Aðventukvöld í Skagaseli, kl.20. (ath að þetta er föstudagur)
24. desember
Aftansöngur jóla í Sauðárkrókskirkju kl.18. Einsöngur Edda Borg Stefánsdóttir.
Miðnæturmessa í Sauðárkrókskikju kl. 23.30. Einsöngur Edda Borg Stefánsdóttir.
25. desember
Fjölskyldumessa í Sauðárkrókskirkju kl. 14. Barnakór kirkjunnar kemur fram.
Hátíðarmessa á Dvalarheimilinu kl.15.30
26. desember
Jólamessa í Hvammskirkju kl. 16
31. desember
Aftansöngur í Sauðárkrókskirkju kl. 17

Sigríður Gunnarsdóttir, 22/11 2016

Sunnudagaskóli og Elvis-messa 30. október

Næsta sunnudag, 30. október, verður sunnudagaskóli kl. 11. Gæðastund fyrir yngri börnin.

Um kvöldið verður hringt til óhefðbundinnar kvöldmessu, kl. 20.

Messan er tileinkuð Elvis Presley og öll lögin sem flutt verða eru þekkt í flutningi konungs rokksins. Kirkjukórinn syngur og fær til liðs við sig gestasöngvara, þau Írisi Olgu Lúðvíksdóttur og Ægi Ásbjörnsson. Undirleik annast Jóhann og Margeir Friðrikssynir, Fúsi Ben og síðast en ekki síst Rögnvaldur Valbergsson organisti.

Verið velkomin!

Sigríður Gunnarsdóttir, 26/10 2016

Kirkjuklukkum hringt til að sýna íbúum Aleppo samkennd og virðingu

Glöggir bæjarbúar hafa tekið eftir að kirkjuklukkunum hefur verið hringt undanfarna daga kl.17.  Ástæðan fyrir því er sú að biskup Íslands hefur beðið presta og sóknarnefndir þjóðkirkjunnar að minnast og biðja sérstaklega fyrir þolendum stríðsátaka í Aleppo. Í bréfi biskups segir m.a:

Eins og fréttir herma er saklaust fólk limlest eða lætur lífið í stríðsátökunum í Aleppo í Sýrlandi þessa dagana. Ráðamenn virðast ekki geta fundið lausn til friðar og uppbyggingar. Það getur ekkert réttlætt þjáningar barna og óbreyttra borgara í Aleppo.
Kirkjuklukka, Skálmanesmúli. Mynd: Sigurður ÆgissonHugmynd finnska prestsins Teemu Laajasalo í Kallio sókn í lútersku finnsku kirkjunni hefur orðið að veruleika. Honum sveið ástandið eins og okkur öllum og ákvað að klukkum í hans kirkju skyldi hringt daglega… Hér með hvet ég presta og sóknarnefndir til að hringja klukkum kirkna sinna frá mánudeginum 24. október kl. 17 í þrjár mínútur og daglega eftir því sem við verður komið til og með 31. október, sem er siðbótardagurinn.

Hugmyndin hefur breiðst út og á vefnum http://bellsforaleppo.org/ má sjá að kirkjurnar í Svíþjóð, Bretlandi og víða í Evrópu hafa gert slíkt hið sama. Einnig má benda á Facebook síðu Bells For Aleppo þar sem hægt er að fylgjast með framgangi verkefnisins. Tilgangurinn er að sýna fólkinu í Aleppo, lífs og liðnu virðingu og samkennd og vekja athygli á ástandinu.

Lúterska heimssambandið, vekur einnig athygli á framtakinu og hvetur fleiri kirkjur til að taka þátt. Um leið mælist biskup til þess að beðið verði sérstaklega fyrir fólki og ástandinu í Aleppo og að endir verði bundinn á þann hrylling er þar á sér stað.

Heimild: www.kirkjan.is

Sigríður Gunnarsdóttir, 26/10 2016

Ástin, drekinn og dauðinn

Í tilefni af bleikum október mánuði taka Sauðárkrókskirkja og Krabbameinsfélag Skagafjarðar höndum saman og bjóða til fyrirlestrar með Vilborgu Davíðsdóttur í safnaðarheimilinu þann 12.október kl.20.

Á síðustu þremur árum hefur Vilborg Davíðsdóttir rithöfundur kvatt eiginmann sinn, tengdamóður, föður og litla dótturdóttur. Bók hennar, Ástin, drekinn og dauðinn, sem kom út í fyrra, hefur vakið mikla athygli og hlotið lof fyrir að fjalla um ástvinamissi og sorg á áhrifamikinn en um leið jarðbundinn hátt. Þar lýsir hún vegferð sinni og hennar heittelskaða með sjúkdómi sem þau vissu að myndi draga hann til dauða og fyrsta árinu eftir að hún varð ekkja. Hún veitir þar í senn innsýn í veröld krabbameinsins og djúpa sorg þess sem hefur elskað og misst. En bókin er ekki síður óður til kærleikans, hvatning til að lifa í árvekni og sættast við að dauðinn er órjúfanlegur hluti af lífinu.

Miðvikudagskvöldið 12. október mun Vilborg flytja erindi í Sauðárkrókskirkju um hvernig dauðinn breytir tilveru þeirra sem eftir lifa og hvernig þetta ferðalag hefur kennt henni að það eru einmitt þrautirnar í lífinu sem gera það að ævintýri.

Erindi Vilborgar í safnaðarheimili Sauðárkrókskirkju hefst kl. 20:00 og eru allir velkomnir.

Sigríður Gunnarsdóttir, 6/10 2016

Kirkjan er opin samkvæmt samkomulagi.
Kirkjuvörður Baldvin Kristjánsson, s:8925536.
Organisti Rögnvaldur Valbergsson s. 8635871.
Sóknarprestur Sigríður Gunnarsdóttir, s. 8628293

 

Aðalgötu 1, 550 Sauðárkróki. Sími 453 5930 · Kerfi RSS