Sauðárkrókskirkja

Sunnudaginn 5.febrúar er sunnudagaskóli kl.11 og messa kl.14. Kirkjukórinn leiðir söng og fermingarbörn lesa ritningarlestra. Kaffi og kleinur í safnaðarheimilinu á eftir. Verið velkomin til kirkjunnar.

Næstkomandi sunnudagskvöld er kyrrðarstund (Taize-messa) í Sauðárkrókskirkju kl.20.30.

Einfaldleikinn er í fyrirrúmi, aðgengilegir sálmar, ritningarlestrar, bænir og altarisganga. Tekið við fyrirbænum á staðnum. Verið velkomin til kirkju.

Gleðilegt nýtt ár og bestu þakkir fyrir gamla árið.

Nú fer allt að færast í fastar skorður í kirkjustarfinu

Opið hús fyrir foreldra ungra barna á þriðjudögum kl.10-12.

Föndur fyrir (h)eldri borgara á miðvikudögum kl.13-16.

Stubbarnir, kirkjustarf fyrir 10-12 ára krakka á fimmtudögum kl.17-18.15 (fyrsti fundur 19.janúar)

Fermingarfræðslustundir byrja þriðjudaginn 7. febrúar á sama tíma og áður.

Fyrsta messa á nýju ári verður á þriðja sunnudegi eftir þrettánda, 22. janúar kl.14

Kyrrðarstund (Taize-messa) verður 29.janúar kl.20.30

Kyrrðarstund á Þorláksmessukvöldi kl.21:00. Ólöf Ólafsdóttir sópran syngur jólasálma og sígild jólalög.

Aftansöngur á aðfangadegi jóla kl.18:00. Matthildur Kemp Guðnadóttir leikur á fiðlu og Sveinn Sigurbjörnsson blæs í trompet.

Miðnæturmessa kl.23.30. Sigurdríf Jónatansdóttir syngur einsöng.

Hátíðarmessa á jóladag kl.14. Árni Geir Sigurbjörnsson syngur einsöng.

Hátíðarmessa á jóladag kl.15.30, dvalarheimilinu Sauðárhæðum.

Jólamessa á öðrum degi jóla kl.14 í Hvammskirkju á Laxárdal. Forsöngvari Pétur Pétursson.

Verið velkomin til kirkj!

Aðventukvöld verður í Skagaseli, sunnudaginn 11.desember, kl.20. Ræðumaður kvöldsins verður sr. Ólafur Hallgrímsson emeritus á Mælifelli. Rakel Rögnvaldsdóttir syngur nokkur lög við undirleik Rögnvaldar Valbergssonar. Kaffiboð að hætti Skagakvenna. Verið hjartanlega velkomin.

Aðventuhátíðin verður annan sunnudag í aðventu, 4.desember kl.20. Að venju koma margir að hátíðinni, kirkjukórinn syngur jólasálma undir stjórn Rögnvaldar Valbergssonar, yngstu börnin úr skólakór Árskóla flytja nokkur lög, stjórnandi þeirra er Íris Baldvinsdóttir og börn úr Stubbastarfinu koma fram.

Skátar koma með friðarlogann frá Betlehem og tendra ljós á aðventukransinum. Arnrún Halla Arnórsdóttir flytur hugvekju. Eftir stundina í kirkjunni er kirkjugestum boðið upp á heitt súkkulaði og piparkökur í safnaðarheimilnu.

Verið hjartanlega velkomin!

Næsta sunnudag, 27.nóvember er fyrsti sunnudagur í aðventu. Sunnudagaskólinn verður á sínum stað kl.11 og nú er óhætt að byrja að syngja jólalögin. Hátíðarmessa verður kl.14 og þar verður m.a minnst víglsuafmælis Sauðárkrókskirkju en kirkjan okkar var vígð 18.desember 1892 og rúmaði 350 manns.  Við fögnum nýju kirkjuári, upphafi aðventunnar og afmælis kirkjunnar, syngjum hátíðartónið og aðventusálma. Kirkjukórinn leiðir safnaðarsöng, fermingarbörn lesa ritningarlestra og sóknarprestur þjónar fyrir altari og prédikar.

Eftir messuna bjóða velunnarar safnaðarins í kvenfélagi Skarðshrepps til kaffisamsætis í safnaðarheimilinu og ef að líkum lætur verður það mikil veisla.

Verið hjartanlega velkomin til kirkjunnar!

Þriðjudagskvöldið 22. nóvember kl. 20:00 verður fyrirlestur í safnaðarheimilinu sem ber heitið Jólin og sorgin. Sr.Halldór Reynisson verkefnisstjóri á Biskupsstofu og formaður samtakanna Nýrrar dögunar kemur til okkar og fjallar um jól í skugga sorgar. Halldór hefur mikla reynslu á þessu sviði og er mikill fengur að því að fá hann í heimsókn. Fyrirlesturinn er opinn öllum og aðgangur ókeypis. Heitt á könnunni og verið hjartanlega velkomin.

Bestu þakkir fyrir þátttökuna í söfnun fyrir Hjálparstarfið. Fermingarbörnin mættu glöð og hress og gengu í hús í bænum á þriðjudagskvöldið í síðustu viku. Þau fengu góðar móttökur og söfnuði tæpum tvö hundruð þúsund krónum, 193.259 kr. Sú upphæð dugar til að byggja brunn sem mun gefa heilu þorpi í Afríku aðgang að hreinu vatni. Sóknarprestur þakkar fermingarbörnunum fyrir dugnaðinn og bæjarbúum góðar undirtektir.

Næsta sunnudag, þann 13. nóvember, sem er kristniboðsdagurinn er sunnudagaskóli í kirkjunni kl.11. Þar taka Guja, Fanney Rós og Rögnvaldur á móti börnum á öllum aldri sem syngja, fræðast og biðja saman.

Þennan sama dag fara kirkjukórinn og sóknarprestur í messuferð til Siglufjarðar þar sem messað er kl.14. Í nokkur ár hafa söfnuðirnar á Sauðárkróki og Siglufirði heimsótt hvorn annan, annað hvort ár. Þetta er góð hefð sem brýtur upp starfið og eflir vinabönd milli byggðalaga.