Seljakirkja

 

Ferming 2018 – skráning er hafin!

Nú er hafin skráning í fermingarfræðslu næsta vetrar.  Skráning fermingarbarna fer fram á vefnum seljakirkja.is/ferming.  Þar er jafnframt í boði að velja  fermingardag og ábyrgjumst við að fermingarbörnin fái umbeðinn dag.

Fermingarfræðslan mun fara fram í vikulegum kennslustundum í safnaðarheimili kirkjunnar auk þess sem vænst er þátttöku í helgihaldi safnaðarins.  Stuðst verður við nýtt fermingarfræðslunámsefni, sem heitir A-ha og verður betur kynnt við upphaf fræðslunnar í haust. Við leggjum mikla áherslu á að  hafa kennslustundirnar jákvæðar og uppbyggilegar svo þær geti orðið vettvangur fyrir skemmtilegar og góðar umræður.

Auk þess verður farið í einnar nætur ferð í Vatnaskóg,  2. – 3. nóvember, þar sem verður fræðsla, leikir og fjör. Ferðin verður betur kynnt þegar nær dregur.

Í byrjun september verða sendar í tölvupósti ýmsar mikilvægar upplýsingar til foreldra skráðra fermingarbarna. Þar munu koma fram nánari upplýsingar um kennslutíma og aðrar hagnýtar upplýsingar.

Ef það eru einhverjar spurningar, biðjum við ykkur um að hafa samband í síma kirkjunnar 567 0110 eða á netfangið seljakirkja@kirkjan.is

Ólafur Jóhann Borgþórsson, 6/5 2017 kl. 14.14

     

    Seljakirkja, Hagaseli 40, 109 Reykjavík. Sími 567 0110 · Kerfi RSS