Safnaðarblað sóknanna í Hríseyjar-, Dalvíkur-, Ólafsfjarðar- og Siglufjarðarprestaköllum

Safnaðarblað 3. tbl. á Pdf-formi

Fjórða árið í röð eru vikulegir fundir KFUM og KFUK í boði fyrir börn í 4.-7. bekk, bæði á Dalvík og Ólafsfirði. Starfið nær yfir átta vikur á hvoru misseri, í október og nóvember á haustmisseri og í febrúar og mars á vormisseri. Leiðtogarnir koma frá KFUM og KFUK á Akureyri og er dagskráin sú sama og boðið er upp á þar. Í vetur eru það Helga Frímann og Pétur Ragnhildarson sem halda uppi dagskránni í samstarfi við sóknarprestana. Aðsókn á haustmisseri var ljómandi góð og voru yfir 40 börn skráð í starfið á hvorum stað. Margt skemmtilegt hefur verið á dagskrá og má nefna fundarefni eins og Amazing race, bandý, foreldraboð, spilafund og margt fleira.

Hápunktur haustmisseris var án efa helgarsamvera í Ólafsfirði dagana 5.-6. nóvember en þá komu saman ríflega 60 krakkar úr starfi KFUM og KFUK á Norðurlandi og úr TTT-starfi Akureyrarkirkju. Yfirskrift mótsins var Guð elskar glaðan gjafara og fór dagskráin að mestu fram í grunnskólanum og íþróttahúsinu en endapunkturinn var vel heppnuð fjölskylduguðsþjónusta í Ólafsfjarðarkirkju þar sem börnin skipuðu kórinn, sáu um lestra og fluttu hugvekju í formi leikþátts. Voru allir sammála í lok móts að Ólafsfirðingar hefðu tekið vel á móti gestum og færum við þeim öllum hjartans þakkir fyrir.

Frá guðsþjónustu í lok mótsins á Ólafsfirði

Á hverju misseri er lagt til grundvallar fræðsluefni sem gefið er út af KFUM og KFUK og notað í deildarstarfi um allt land. Á haustmisseri var yfirskrift fræðsluefnisins Góð gildi – þjóðgildi en þar var horft til þeirra 12 grunngilda sem þjóðfundurinn í Laugardalshöll 2009 taldi æskilegt að þjóðin myndi sameinast um í náinni framtíð. Þar sem markmið með öllu starfi kirkjunnar og KFUM og KFUK er að boða kristna trú mótast umfjöllun fræðsluefnisins á þjóðgildunum af því.

Á vormisseri er yfirskrift fræðsluefnisins Rétt og rangt og verður sérstaklega horft til þeirra gilda sem heimssamband KFUM hefur tekið saman í skjal sem nefnist Challenge 21 og verða þau skoðuð í ljósi dyggðalista Páls postula úr 5. kafla Galatabréfsins.

Fundir hefjast að nýju miðvikudaginn 8. febrúar og verður fundartími sá sami og fyrir jól, í Dalvíkurkirkju kl. 16.00-16.50 og í Ólafsfjarðarkirkju kl. 17.30-18.20. Þátttaka er öllum opin og ókeypis en sóknir kirknanna standa straum af öllum kostnaði. Starfinu lýkur á vormisserinu með dagsferð í sumarbúðirnar Hólavatni laugardaginn 31. mars og vonandi verður það stór hópur hressra krakka frá Dalvík og Ólafsfirði sem slæst í för með Akureyringum í árlega vorferð KFUM og KFUK.

Jóhann Þorsteinsson, sviðsstjóri æskulýðssviðs KFUM og KFUK á Íslandi

Hér á eftir fer stutt kynning á efninu sem sr. Hulda Hrönn M. Helgadóttir í Hrísey skrifaði eftir erindin í prestakallinu hennar.

Fyrir stuttu hélt Kristján Már Magnússon sálfræðingur á Akureyri áhugaverða fyrirlestra í kirkjum prestakallsins um manipulation sem er dulin stjórnun á hegðun annarra í eiginhagsmunaskyni. Hægt væri að þýða orðið manipulation sem vélabrögð. Þetta orð er að finna í Biblíunni sem og að véla, vélabragð, vélráð, vélráður, vélræði t.d. Ef.4:14, 6:11, II.Kor.2:11, Ok.16:28. Siðblint fólk notar manipulation í samskiptum sínum. En margir fleiri eru með þessa sálsýki. Engar kannanir hafa verið gerðar hér og ekki hef ég séð neina umfjöllum um þetta efni eða fyrirlestra fyrr hér á Íslandi þrátt fyrir að ljóst sé að vélabrögð hafði verið notuð m.a. í tengslum við hrunið. Leynd er lykilatriði í skilgreiningu á manipulation. Hver kannast ekki við baktjaldamakk í pólitík þar sem m.a. upplýsingum er haldið leyndum og logið til um mál og fólk svert. Já illviljaður óheiðarleiki. Þörf er á að taka manipuation til almennrar umræðu. 12. febrúar mun Kristján Már halda þennan fyrirlestur í Ólafsfjarðarkirkju kl.11:00 og í Siglufjarðarkirkju kl.14:00. Ég mæli með þessum fyrirlestri. Þetta er samvinnuverkefni sóknanna við utanverðan Eyjafjörð.

Auglýsing á Pdf-formi til útprentunnar

Framhaldið á samræðukvöldunum er hægt að skoða hér.

Steinunn Arnþrúður Björnsdóttir, flutti erindi um störf sóknarnefnda og samtarfssvæði.

Það var vel mætt um 35 manns og spunnust líflegar og skemmtilegar umræður um safnaðarstarfið.

Prestar og sóknarnefndarfólk veltu fyrir sér erfiðri fjárhagsstöðu safnaðanna og hvað væri mögulegt að gera.

Sr. Jón Ármann Gíslason, prófastur Eyjafjarðar- og Þingeyjarprófastsdæmi, var mættur um langan veg.

Eitt af þeim málefnum sem voru rædd voru hvað prófastsdæmið er orðið stórt og óhentug starfseining.

Mikil áhuga var hjá fundarmönnum að vinna að heill og viðgangi safnaðanna á svæðinu.

Unnið var í umræðuhópum og niðurstöðurnar kynntar og teknar saman og stefnt að áframhaldandi vinnu með þær.

Þá var rætt um kosti þess og galla að sameina sóknir og voru þau sjónarmið uppi að fjárhagslega myndi það efla starfið og styðja minni sóknir í þeim verkefnum en það væri vont að missa fólk út trúnaðarstörfum
sem bæri hag kirkjunnar sinnar fyrir brjósti.

Myndirnar tók sr. Sigurður Ægisson

Gleðileg jól og farsælt komandi ár!

Kveðja frá Hríseyjarprestakalli

Lesa nánar hjá Skálholtsútgáfunni

Safnaðarblaðs þjóðkirkjunnar við utanverðan Eyjafjörð - 2. tbl. 2011

Í fréttatilkynningu frá sóknarnefndinni er einnig sagt frá kaupum á orgeli að þessu tilefni:

“Í tilefni þessara tímamóta hefur verið ráðist í kaup á nýju orgeli í kirkjuna sem er rafmagnsorgel af Ahlborn gerð með tveim spilaborðum og fótspili og verður orgelið vígt við guðþjónustuna. Orgelsjóður kirkjunnar var stofnaður af börnum og tengdabörnum Tryggva Jóhannssonar og Guðrúnar Soffíu Stefánsdóttur á Ytra-Hvarfi og hefur sjóðurinn eflst nokkuð í gegnum tíðina, þannig að um 60% af kaupverði orgelsins er nú til í sjóðnum. Ef velunnarar kirkjunnar vilja legga sjóðnum lið þá er bent á reikning 1177-18-660318 kennitala 6702697289.

Að athöfn lokinni er kirkjugestum boðið til kaffisamsætis í safnaðarheimili Dalvíkurkirkju.

Sóknarnefnd”