“… snaran þátt af sjálfum mér” nefnist fyrirlestur um sorg og sorgarviðbrögð sem haldinn verður í Siglufjarðarkirkju mánudaginn 21. nóvember kl. 20:00. Fyrirlesari er sr. Halldór Reynisson, verkefnisstjóri fræðslumála á Biskupsstofu. Öll mætum við sorg og harmi í lífi okkar. Í fyrirlestrinum verður fjallað um ferli sorgarinnar, gerð grein fyrir þeim tilfinningum sem upp geta komið og úrvinnslu þeirra. Fyrirlesturinn er öllum opinn og aðgangur ókeypis. Sóknarnefndir og sóknarprestar í Hríseyjar-, Dalvíkur-, Ólafsfjarðar- og Siglufjarðarprestaköllum standa fyrir erindinu.
Guðmundur Guðmundsson, 8/11 2011
Verkefnið Síungir sunnudagar á vegum ÆSKEY er að komast í gang á nokkrum stöðum en markmið þess er að vera með fræðslu fyrir og um æskuna. Næstu tvo sunnudag þann 6. nóvember á Dalvík og 13. nóvember á Ólafsfirði verður dagskrá fyrir fermingarbörn og foreldra þeirra sem byggist að nokkru á Kompás, handbók um mannréttindafræðslu fyrir ungt fólk. Hér á eftir er dagskrá þessa sunnudaga og upplýsingar fyrir áhugasama. Verkefnið er styrkt af Æskulýðssjóði ríkisins.
Guðmundur Guðmundsson, 3/11 2011
Næstkomandi laugardag 6. nóvember verður TTT-mót á Ólafsfirði. Búist er við góðum hópi krakka á aldrinum Tíu Til Tólf ára. Mótið hefst upp úr hádegi á laugardeginum og endar með fjölskylduguðsþjónustu í Ólafsfjarðarkirkju á sunnudeginum. Þetta er eitt af verkefnum á vegum ÆSKEY sem kallað hefur verið Síungir Sunnudagar og er styrkt af Æskulýðssjóði Ríkisins.
Lesa áfram kynningu á mótinu…
Guðmundur Guðmundsson, 3/11 2011
Mikil hátíðarhöld hafa verið undanfarna daga á Siglufirði í tilefni af því að 150 ár eru frá fæðingu sr. Bjarna Þorsteinssonar. Sr. Sigurður Ægisson, sóknarprestur á Siglufirði, hefur sagt ítarlega frá hátíðarhöldunum og birt fjölda mynda á siglfirðingur.is.
Lesa áfram á siglfirðingur.is
Guðmundur Guðmundsson, 17/10 2011
Sameiginlegt safnaðarblað sóknanna í Siglufjarðar-, Ólafsfjarðar-, Dalvíkur og Hríseyjarprestaköllum er komið út. Það má nálgast það hér á vefnum á Pdf-formi (Smella hér). Blaðið segir frá því helsta sem er á döfinni og þar er skrá um helgihaldið á svæðinu. Sr. Sigríður Munda Jónsdóttir, sóknarprestur í Ólafsfirði fylgid blaðinu eftir með pistli sem má lesa hér
Lesa áfram …
Guðmundur Guðmundsson, 17/10 2011
Laugardaginn 24. september var aðalfundur Hjálparstarfs kirkjunnar 2011 í safnaðarheimili Grensáskirkju. Helstu fréttir af fundinum eru þær að Þorsteinn Pálsson stjórnarformaður Hjálparstarfsins kvaddi eftir 5 ára farsæla stjórnarsetu á erfiðum tímum. Ingibjörg Pálmadóttir var kosinn nýr formaður á fundinum. Þá var ný skipulagsskrá samþykkt á fundinum.
Lesa áfram …
Guðmundur Guðmundsson, 28/9 2011
Vetrarstarfið hófst með sameiginlegri fjölskylduguðsþjónustu í Siglufjarðarkirkju. Þangað kom börn og fullorðnir frá Dalvík og Ólafsfirði. Skralli trúður fór á kostum og kenndi börnunum bænina sem mamma hans hafði kennt honum. Þá var pylsuveisla í safnaðarheimilinu eftir guðsþjónustuna.
Lesa áfram …
Guðmundur Guðmundsson, 26/9 2011
Næstkomandi sunnudag 25. september hefst barnastarfið í kirkjunum við utanverðan Eyjafjörð. Samveran verður í Siglufjarðarkirkju kl. 11 og þangað verður rútuferð frá Dalvík og Ólafsfirði. Skralla trúður kemur í heimsókn. Mikið verður sungið og eftir samveruna verður boðið upp á pylsur og djús.
Guðmundur Guðmundsson, 21/9 2011
“… snaran þátt af sjálfum mér” nefnist fyrirlestur um sorg og sorgarviðbrögð sem haldinn verður í Siglufjarðarkirkju mánudaginn 21. nóvember kl. 20:00. Fyrirlesari er sr. Halldór Reynisson, verkefnisstjóri fræðslumála á Biskupsstofu. Öll mætum við sorg og harmi í lífi okkar. Í fyrirlestrinum verður fjallað um ferli sorgarinnar, gerð grein fyrir þeim tilfinningum sem upp geta komið og úrvinnslu þeirra. Fyrirlesturinn er öllum opinn og aðgangur ókeypis. Sóknarnefndir og sóknarprestar í Hríseyjar-, Dalvíkur-, Ólafsfjarðar- og Siglufjarðarprestaköllum standa fyrir erindinu.
