Suðurland

Það er einfalt mál að ganga í þjóðkirkjuna. Fylla þarf eitt eyðublað, prenta það út og senda! Eyðublað þetta til útprentunar má nálgast á heimasíðu Þjóðskrár (sjá hér að neðan) og þau má einnig fá hjá prestunum.

Athugið að hægt er að fylla eyðublöðin út á vef Þjóðskrár en eftir það þarf að prenta þau út og skrifa undir.
Smelltu á eftirfarandi tengla til að nálgast blöðin og fylla þau út:

Fyrir 16 ára og eldri

Fyrir börn yngri en 16 ára

Báðir foreldrar eða forsjármenn þurfa að skrifa undir tilkynningar barna sinna yngri en 16 ára. Börn sem eru orðin 12 ára þurfa einnig að skrifa undir sína umsókn með forsjármönnum.

Eyðublöðin má skila í hendur sóknarpresta eða senda sem símbréf (515 5310) til Þjóðskrár eða í pósti, merkt: Þjóðskrá, Borgartúni 21, 105 Reykjavík.

Guðsþjónusta verður sunnudaginn 23. október kl. 14:00

Sr. Birgir Thomsen þjónar fyrir altari og prédikar

Organisti er Ingi Heiðmar Jónsson

Meðhjálparar eru þau Eyþór Jóhannsson og Erla Thomsen

Kaffihúsið Græna kannan er opið milli kl. 14:00 - 17:00

Verið öll hjartanlega velkomin að Sólheimum.

Kvöldguðsþjónusta í Oddakirkju sunnudaginn 23. október kl. 20:00.

Laugardagar 22. október kl. 13 í  Stóru-Borgarkirkju, sunnudagsskóli.  Foreldrar og forráðamenn barna hvattir til að sinna því að koma með börnunum til kirknanna í þessi fáu skipti og hafa með sér samstarf til að spara aksturinn. Allir velkomnir.

Fermingarfræðsla í Stóru-Borgarkirkju kl. 14 þann sama dag.

Guðsþjónsta verður í Stóru-Borgarkirkju 23. október kl. 14.

- sr. Axel Árnason Njarðvík, settur sóknarprestur

Við komum saman í lofgjörð og þakklæti fyrir uppskeru ársins bæði af því sem jörðin gefur af sér og einnig Menningarveislu síðastliðins sumars.
Þökkum bæði efnisleg- og andleg gæði .
Sr. Birgir Thomsen þjónar fyrir altari og prédikar
Ester Ólafsdóttir organisti leiðir almennan safnaðarsöng
Ritningarlestra les Valgeir Fridolf Backman
Tónlistaratriði undir stjórn Lárusar Sigurðssonar:
Sólheimakórinn syngur með undirleik hluta af bjöllukórnum
auk Cell háskólanemanna Christina Donovan á píanó,
Elise Nimeyer á orgel og Tracy Mandel á gítar.
Meðhjálparar eru þau Ólöf Erla Guðmundsdóttir, Ágúst Þór Guðnason og Erla Thomsen
Að lokinni athöfn fá allir viðstaddir grænmeti við kirkjudyr.
Kaffihúsið Græna kannan er opin milli kl. 14:00 - 17:00
Verið öll hjartanlega velkomin að Sólheimum.

Messan, gospelmessan, tónlistarmessan sl. sunnudag var meiriháttar.  Ég vissi ekki að svona mikil sveifla byggi í kórnum og Hannes Baldursson er náttúrulega alveg einstakur stjórnandi.  Þá eigum við meiriháttar unga söngkonu Karenu Dröfn Hafþórsdóttur og gaman verður að fylgjast með í framtíðinni. Það var vel mætt í messuna,  Fermingarbörn og foreldrar þeirra en þess utan sægur af fólki.  Með kórnum voru í messuni 130- 140 manneskjur og auk þess var góður andi í kirkjunni þennan dag eins og svo oft áður.

Ég frétti að milli 30 og 40 manns hefðu berið hjá Eyjólfi Kristjánssyni á mánudagskvöldið og Eyjólfur í feykna stuði.  Veri hann velkominn aftur hvenær sem er. Þá eru þær stöllur Hafdís og Sirrí að búa til verulega skemmtilegan sunnudagaskóla sem er einn sá öflugasti á landinu. Ástæða til að mæta þar sérstaklega ef maður er A – maður og vaknar á morgnana sæmilega stemmdur.

16. október verður vonandi körfuboltamessa. Ég er búinn að tala við hann Benedikt Guðmundsson þjálfara og hann ætlar að flytja smá hugvekju um körfubolta og samfélag.  Það hefur brunnið við að það vanti sameiningarþræsarann í samfélagið Ölfus/Þorlákshöfn en nú eigum við úrvalsdeildarlið í körfu og erum stolt af.  Það er spennandi verkefni að sameinast um þetta lið og þess vegna er þessi körfuboltamessa.  Heimir og Grétar og fleiri hljómsveitarmenn munu í kirkjunni m.a. flytja  nýtt Þórslag, kirkjukórinn gerir eitthvað skemmtilegt (á alveg eftir að tala við Hannes)og presturinn sem lék nokkra leiki með skólaliði ML 1969 og æfði með HSK í KR heimilinu eitt haust ætlar að flytja körfuboltaræðu þar sem m.a.a verður sagt frá því hvað hefði gerst hefðu þeir verið búnir að finna upp körfuboltann í Palestínu fyrir 2000 árum. Það eina sem getur komið í veg fyrir þessa messu er að liðið standi sig illa í fyrsta heimaleiknum 13. Október og að þjálfarinn setji leikmenn í kirkjubann fram að næsta leik sem verður sunnudagskvöldið 16. Október. En við vonum að til þess komi ekki.

Baldur Kristjánsson

Nú eru liðin rúm sex ár frá því Safnaðarheimili Oddasóknar á Hellu var tekið í notkun og blessað. Þar fór Safnaðarstarf sóknarinnar að mestu fram og kom strax í ljós að mikil eftirspurn var eftir slíku húsnæði á Hellu. Því ákvað sóknarnefnd Oddasóknar að stækka við sig og var eystri hluti húsnæðisins keyptur í ágúst 2010. Fékkst styrkur úr Kirkjumálasjóði til kaupanna. Samráð var haft við sveitarstjórn Rangárþings Ytra og Ásahrepp um hvernig nýta bæri húsið á sem hagkvæmastan hátt. Í vor var undirritaður samningur við þessi sveitarfélög að starf eldri borgara í sýslunni fái fastan samastað í húsinu fyrir handavinnu, kóræfingar og spilastundir. Einnig að ýmis menningar- og mannúðarfélög sem á svæðinu starfa fengju þar aðstöðu. Nú í ágúst var farið á fullt í að klára húsnæðið og komu að þeirri vinnu sjálfboðaliðar úr röðum sóknarnefndar og þeirra félaga sem vildu nýta húsnæðið. Sóknarnefnd gerði samning við Harmonikufélag Rangæinga, Karlakór Rangæinga, Kvenfélagið Unni, Kvennakórinn Ljósbrá, Leikfélag Rangæinga og Samkór Rangæinga sem fá aðgang að húsnæði gegn því að koma að þrifum og að halda árlega styrktarsamkomu fyrir húsnæðið og starfsemina. Þá hefur Rauði krossinn styrkt aðstöðuna en vikulega eru á hans vegum haldnir prjónafundir í húsinu. Í millibyggingu hússins verður skrifstofa sóknarprests og prófast Suðurprófastdæmis. Nú er starfsemin í húsinu að fullu hafin og talar dagskrá þess sínu máli, þar sem alla daga vikunnar er eitthvað um að vera bæði yfir miðjan daginn sem og á kvöldin. Það hefur verið gaman og merkilegt að fylgjast með þessari uppbyggingu, að sjá líf færast yfir húsið, finna kaffiilminn leggja frá því og taka á móti gestum og gangandi. Húsnæðið mun án efa efla og styrkja menningarlíf á staðnum sem og að efla samstöðu og kærleika með okkur manneskjunum sem hér störfum og búum. Vill sóknarnefnd koma á framfæri þökkum til allra sem hafa stutt húsnæðið með gjöfum, vinnu og ekki hvað síst hvatningarorðum um ágæti þess sem unnið er að og byggt upp.

Guðsþjónusta sunnudag 25. september kl. 14:00
Sr. Birgir Thomsen þjónar fyrir altari og prédikar
Ester Ólafsdóttir organisti leiðir almennan safnaðarsöng
Meðhjálparar eru þau Ólafía Erla Guðmundsdóttir, Eyþór Jóhannsson og Erla Thomsen
Kaffihúsið Græna kannan er opið milli kl. 14 og 17
Verið öll hjartanlega velkomin að Sólheimum

Húsblessun á nýjum hluta Safnaðarheimilis Oddasóknar á Hellu kl. 20:00
Kirkjór Odda- og Þykkvabæjarkirkna syngur undir stjórn Árna Heiðars Karlssonar.

Húsnæðið verður til sýnis að athöfn lokinni.

Guðsþjónsta verður sunnudaginn 18. september kl. 11. Settur sóknarprestur þjónar fyrir altari.