Suðurland

Að loknum héraðsfundi Suðurprófastsdæmis sem haldinn var laugardaginn 13. mars sl. voru eftirtaldir kosnir fulltrúar í nefndir á vegum prófastsdæmisins.

Héraðsnefnd Suðurprófastsdæmis:
Halldóra J Þorvarðardóttir Fellsmúla 1 851
Eiríkur Jóhannsson Hruna 845
Magnús Kristinsson Búhamri 11 900

Varamenn í héraðsnefnd:
Haraldur M Kristjánsson Ránarbraut 7 870
Margrét Jónsdóttir Syðri-Velli 1 801

Fulltrúarráð Hjálparstarfs kirkjunnar:
Aðalmaður: Hafsteinn Stefánsson Túni 2 801 Villingaholtssókn

Varamaður: Örn Arnarson Hólabraut 3 780 Hafnarsókn

Fulltrúar á leikmannastefnu:
Aðalmenn: Þórunn Ragnarsdóttir, Reiðholti 851 Árbæjarsókn
Guðný Guðnadóttir, Ránarbraut 13 870 Víkursókn
Garðar Hannesson, Heiðarbrún 31 810 Hveragerðissókn

Varamenn: Gunnlaugur Þröstur Höskuldsson Miðtúni 16 780 Hafnarsókn
Sigríður Kristjánsdóttir Brimhólabraut 19 900 Ofanleitissókn
Ellen Huldís Ólafsdóttir Reykjabraut 11 815 Hjallasókn

Endurskoðendur héraðssjóðs: Kristófer Arnfjörð Tómasson Miðengi 8 800 Selfosssókn
Magðalena Karlotta Jónsdóttir Drangshlíðardal 861 Eyvindarhólasókn

Endurskoðandi til vara: Böðvar Pálsson Búrfelli 3 801 Mosfellssókn

Að afloknum héraðsfundi, sem haldinn verður laugardaginn 13. mars 2010 í Árhúsum á Hellu, verður kjördæmisfundur leikmanna vegna kirkjuþingskosninga 2010.

Í vor verður kosið til kirkjuþings til fjögurra ára. Fulltrúar á kirkjuþingi eru 29, 17 leikmenn og 12 vígðir menn, þ.e.djáknar og prestar. Kosningarnar verða rafrænar og verða auglýstar sérstaklega.

Um kosningu leikmanna gildir, að þjóðkirkjufólk sem uppfyllir skilyrði til að vera í sóknarnefnd í kjördæmi sínu, er kjörgengt til kjörs á kirkjuþing, enda tilnefni sóknarnefnd viðkomandi á sérstökum kjördæmisfundi fulltrúa allra sóknarnefnda kjördæmisins. Kjördæmisfundur ákveður endanlegar tilnefningar til kjörs í viðkomandi kjördæmi.

Til að geta boðið sig fram til kjörs við kirkjuþing 2010 þarf auk þess að uppfylla eftirtalin skilyrði:

Að hafa hlotið skírn og vera skráður í þjóðkirkjuna þann 1. febrúar 2010.
Að hafa náð sextán ára aldri þann 1. febrúar 2010.
Að hafa átt lögheimili í viðkomandi sókn þann 1. desember 2009.
Þeir einir eru í kjöri sem tilnefndir hafa verið af kjördæmisfundi. Kjörstjórn við kirkjuþingskjör boðar þessa kjördæmisfundi sérstaklega, en þeim skal vera lokið eigi síðar en 15. mars 2010. Kosning fer fram í framhaldi af því.

Þeir sem hafa áhuga á að verða tilnefndir til kjörs á kjördæmisfundi þurfa að hafa samband við sóknarnefnd sína fyrir 1. mars 2010. Sóknarnefnd er heimilt en ekki skylt að verða við þeim tilmælum.

Auk þeirra sem kunna að hafa boðið hafa sig fram við sóknarnefnd getur sóknarnefnd í hverju kjördæmi tilnefnt kjörgenga menn til kjörs til kirkjuþings og skilar fulltrúi sóknarinnar á kjördæmisfundi þeim tilnefningum inn á fundinn.

Sjá nánar á: Kosningar til kirkjuþings 2010 á vef þingsins

Halldóra Þorvarðardóttir, prófastur

Héraðsfundur Suðurprófastsdæmis árið 2010 verður haldinn í Árhúsum á Hellu, laugardaginn 13. mars nk. og hefst kl. 11.00.

Á héraðsfund mæta þjónandi prestar í prófastsdæminu, tveir sóknarnefndarmenn, þar af annar formaður og kirkjuþingsmenn.  Auk þeirra eiga rétt á setu á fundinum aðrir sóknarnefndarmenn og  starfsmenn kirknanna með málfrelsi og tillögurétt.  Eru formenn vinsamlegast beðnir um að boða
öðrum fundinn innan sinnar sóknarnefndar.

Halldóra Þorvarðardóttir, prófastur

Frá 30. nóvember 2009 eru prófastsdæmin þrjú á Suðurlandi sameinuð í eitt prófastsdæmi sem nefnd er Suðurprófastsdæmi. Sr. Halldóra Þorvarðardóttir hefur verið settur prófastur frá 1. janúar 2010 til 1. mars 2010 en fyrir þann tíma á tilnefning til biskups að hafa farið fram. Í kjölfarið verður haldinn héraðsfundur og ný héraðsnefnd valin.

Biskup Íslands hefur kallað séra Axel Árnason Njarðvík, sóknarprest í Stóra-Núpsprestakalli, til að vera héraðsprestur í Suðurprófastsdæmi frá og með 1. janúar 2010. Frá sama tíma kemur til framkvæmda sameining Hrunaprestakalls og Stóra-Núpsprestakalls.

Suðurprófastsdæmi varð til við sameiningu Árnes-, Rangárvalla- og Skaftafellsprófastsdæmis, sem samþykkt var á kirkjuþingi í nóvember síðastliðinn. Mikil þörf er á héraðspresti í hinu nýja og víðfeðma Suðurprófastsdæmi. Er honum ætlað að vera prófasti til stuðnings og aðstoðar, annast skipulagningu og umsjón fræðsluverkefna á vegum prófastsdæmisins og Biskupsstofu og veita afleysingaþjónustu.

Héraðsprestur mun einnig sinna tilteknum verkefnum samkvæmt nánari ákvörðun biskups, svo sem vegna vefþjónustu kirkjunnar og á sviði upplýsingatækni. Séra Axel Árnason Njarðvík hefur verið frumkvöðull í vefmálum kirkjunnar og hefur beitt sér fyrir þróun rafrænnar skýrslugerða presta.

Fimmtudaginn 10. desember verður aðventustund í Þykkvabæjarkirkju kl. 20:00.                                           

Þar mun Kirkjukór Odda- og Þykkvabæjarkirkna syngja ásamt Barnakór Odda- og Þykkvabæjarkirkna.            Stúlkur úr Þykkvabænum lesa ljós og barnakórinn flytur hluta úr jóladagskrá sinni frá sl. sunnudegi.               Það er gaman að geta þess að sunnudaginn 6. desember flutti Barnkór Odda- og Þykkvabæjarkirkna aðvetnudagskrá í Safnaðarheimili Oddasóknar á Hellu, það voru leikriti og ljóð sem flutt voru og sungnir aðventusöngvar.  Var bekkurinn þétt setinn og að dagskrá lokinni var boðið upp á piparkökur og kakó.  Þær stóðu sig vel stelpurnar í barnakórnum og eiga hrós skilið fyrir dugnað á æfingum og góða frammistöðu.

            Nýtur þú þess að eiga sunnudag sem hvíldardag,einu sinni í viku?  Ef  svo er, þá  óska ég þér til hamingju, en ef svo er ekki bið ég þig að hugleiða,  hvað þú gætir

verið að fara á mis við.

            ”Hvíldardagurinn varð til mannsins vegna, og eigi maðurinn vegna hvíldardagsins”, sagði Jésús. (Mk 2,27) Hversvegna? Vegna þess að við verðum að eiga þennan dag fyrir heimiliokkar og fjölskyldu, eiga daginn til að tala saman, þakka og njóta, hrósa, byggja upp, hlúa að ást og kærleika og gleðjast yfir því sem áunnist hefur. Ef hvíldardagurinn verður nánast árið um kring, annasamasti dagur vikunnar, þar sem stefnt er á heimsóknir eða móttöku gesta eða keypta skemmtun eða að það ógerða á að vinnast einmitt þann dag, þá er hætt við að við týnum okkur sjálfum og því dýrmætasta sem Drottinn gefur, að geta átt kærleikssamfélag við okkar nánustu.

            Aðrir dagar vikunnar eru í önnum lífsbaráttunnar og venjunar. Samtölin verða með líkum hætti með áminningartón og jafnvel stundum stríðni og þegar árin verða fleiri og fjölskyldan þekkir betur hrynjanda daganna, fækkar samtölum og því nána sem tengist snertingu og hlýju. Það er næstum eins og útvarpið, sjónvarpið, dagblöðin og fréttirnar taki við með kaldan samtalsgrundvöll á heimilinu.

            Í þessu umhverfi er lítill tími fyrir kirkjugöngu á sunnudegi, ef til vill á stórhátíðum, en næstum alltaf til að fylgja vini eða sveitunga við leiðarlok. Á þeirri stundu minnumst við hins liðna og horfumst í augu við það sem verður í lífi okkar sjálfra.

            Jésús kallaði á tollheimtumanninn við tollbúðina, sem hafði að ævistarfi að hugsa um og telja peninga. Við Íslendingar vorum í þessum fjötrum peningahyggju, sem nú hefur mætt okkur með óvægnum hætti til uppgjörs. Getur verið að kall Drottins til Levi Alfeussonar hljómi til þín: Fylg þú mér. Og ef þú heyrir gætir þú fylgt honum á ferð hans með lærisveinunum um sáðlönd á hvíldardegi við að tína upp fullþroskuð öx.

            Gætir þú verið á þessari ferð með honum á lífsleið þinni, nema því aðeins að þú hafir sinnt ræktun, gefið áburð og sáð? Hann kallar þig til fylgdar og ábyrgðar gagnvart þínum nánustu, að þú hlúir að með kærleika, tínir síðan öxin og njótir uppskeru af því sem þú hefur vel gert.

            Við getum því aðeins notið hvíldar að við höfum starfað vel og gert okkar besta. Við verðum  að kunna að gefa okkur hvíldarardag, því sá dagur var okkur gefinn, fyrir okkur, en við urðum ekki til fyrir hann.

                                                            Halldór Gunnarsson

Stjórnarnefnd  Voðmúlastaðakapellu kom saman 25. september í kapellunni og samþykkti að festa kaup á nýju orgeli og bjóða jafnframt gamla orgelið til sölu og leita eftir stuðningi velunnara kapellunnar til kaupanna.

 Formaður Kapellunefndar Guðlaugur Jónsson, gaf ekki kost á sér til áframhaldandi stjórnarsetu, en hann hefur verið formaður nefndarinnar í um 30 ár. Var honum þökkuð fórnfús störf og umhyggja fyrir kapellunni.

Guðlaug Guðlaugsdóttir, Voðmúlastöðum var kjörin formaður, en auk hennar sitja í nefndinni, Pétur Guðmundsson, Sigmar Ólafsson, Viðar Marmundsson og sóknarprestur.

Sr. Halldór Gunnarsson

Messað verður í prestakallinu sem hér segir

6. desembar kl. 14 Fjölskylduguðþjónusta í  Eyvindarhólakirkju.

24. desember kl 21 á aðfangadagskvöld  í Eyvindarhólakirkju.

25. desember kl 13 á jóladag í  Stóra-Dalskirkju

25. desember kl 20.30 á jóladagskveldi í Krosskirkju.

25. desember kl 22 á jóladagssíðkveldi í Akureyjarkirkju.

27. desember kl 14 í Akureyjarkirkju. Fjölskylduguðþjónusta.

31. desember kl 14 á gamlársdag í Ásólfsskálakirkju.

Sr. Halldór Gunnarsson

Komin dagsetning á námskeið fyrir sóknarnefndarfólk í prófastsdæmunum þremur á Suðurlandi um hinar margvíslegu skyldur og reglur sem gilda um kirkjustarfið og hlutverk þeirra sem þar starfa og leggja sitt af mörkum. 
Námskeiðið verður í boði fyrir alla í prófastsdæmunum þremur á Suðurlandi. 
Námskeiðið verður haldið fimmtudaginn 19. nóvember n.k. í safnaðarheimilinu á Selfossi og hefst kl. 17:00 boðið verður upp á léttan málsverð kl.19 og reiknað er með að verði lokið í kringum 21:00. 
Eins og flestum er ljóst þá eru margvísleg mál er okkur varða til afgreiðslu á kirkjuþingi svo það verður fróðlegt fyrir að heyra starfsfólk biskupsstofu skýra fyrir okkur niðurstöðu þeirra mála. 
Ég vona auðvitað að sem flestir sjái sér fært að mæta en sérstaklega væri þó gaman að sjá þau sem eru nýliðar í sóknarnefndum. Komið endilega með allar ykkar spurningar og dembið þeim yfir þá sem eiga að hafa svörin. 
Leiðbeinendur á þessu námskeði verða sr. Halldór Reynisson og Anna Guðmunda Yngvarsdóttir lögfræðingur á biskupsstofu.