Sumarbúðir við Eiðavatn

 

Sumarbúðir við Eiðavatn 2018

Sumarbúðir kirkjunnar á Eiðum eiga sér langa sögu. Aðdráttarafl svæðisins er mikið og við vatnið er sannkölluð ævintýraveröld sem þar sem fjöldi barna og unglinga unir sér við leik og starf á hverju sumri. Margir hafa bundist vináttuböndum við Eiðavatn og eignast góðar minningar þaðan, enda vilja flestir koma aftur ár eftir ár.

Barna- og unglingaflokkar:

Í sumarbúðunum er boðið upp á ógleymanlega dvöl fyrir krakka fædda 2004 – 2011.

Flokkar fyrir 7 – 10 ára börn og 8 – 12 ára börn. Dagskrá hvers flokks er miðuð við þroska og getu barnanna.

Ævintýraflokkurinn er á sínum stað fyrir 11 – 14 ára unglinga sem vilja upplifa öðruvísi og spennandi sumarbúðaævintýri.

Mikið af alls konar skemmtilegri og þroskandi afþreyingu í boði:

  • Fáránleikar
  • Frjálsar íþróttir
  • Föndur
  • Kvöldvökur
  • Kirkja
  • Siglingar á vatninu

 Flokkatafla:

Dags. Aldur Fæðingarár Verð Tilboð fyrir 1. maí Annað
1. fl. 4-8. júní 7-10 ára 2008-2011 36.000 32.000
2. fl. 11.-15úní 8-12 ára 2006-2010 36.000 32.000
3. fl. 18.-22. júní 11-14 ára 2004-2007 36.000 32.000 Ævintýraflokkur!

 

ATHUGIÐ:  Afsláttur ef skráning er staðfest fyrir 1. maí.

Systkinaafsláttur: 10%

Ganga þarf frá greiðslu fyrir dvölina eigi síðar en 10 dögum áður en flokkur hefst.

Markmið sumarbúðanna við Eiðavatn er að bjóða börnum og unglingum ógleymanlega sumardvöl þar sem kristin lífsgildi eru höfð að leiðarljósi.

Í sumarbúðunum starfar öflugur hópur leiðtoga með reynslu og þjálfun í barna- og æskulýðsstarfi. Allir starfsmenn sækja námskeið í skyndihjálp, brunavörnum o.fl. Lögð er áhersla á öryggi við bátsferðir.

Sumarbúðirnar eru í fallegu umhverfi við Eiðavatn, u.þ.b. 18 km frá Egilsstöðum. Þjóðkirkjan hefur starfrækt sumarbúðir á Eiðum á hverju sumri frá 1968, þar af frá 1992 í byggingu Kirkjumiðstöðvar Austurlands. Kirkjumiðstöðin er sjálfseignarstofnun á vegum safnaðanna á Austurlandi.

Innritun:

Innritun fer fram með því að senda tölvupóst á netfangið sumarbudir@kirkjan.is. Ef frekari upplýsinga er óskað má hringja í síma 892 3890

Upplýsingasími er: 892 3890

Sumarbúðasími 471 3890

aegir.sv, 17/4 2018

Kirkjumiðstöð Austurlands við Eiðavatn

Netfang: sumarbudir@kirkjan.is
Sími í sumarbúðum: 471-3890
Innritunarsími: 892-3890

 

Kirkjumiðstöð Austurlands, Pósthólf 196, 700 Egilsstaðir. Sími 471 3890, Gsm: 892 3890 · Kerfi RSS