Sumarbúðir við Eiðavatn

 

Sumarbúðastarfið við Eiðavatn að hefjast 2013

Kvöldvökur – Bátar – Leikir – Nýir vinir – Föndur – Fótbolti – Brennó – Perlur – Sprell – Útivist – Sull í vatninu – Sögurnar um Jesú – Hrikalega góður matur – og margt, margt fleira…

Þetta er meðal þess sem börn og unglingar sem dvelja í sumarbúðunum við Eiðavatn á næstu vikum fá að upplifa, en nú þegar sólin er farin að skína og skólabækurnar að lokast í bili hefst senn sumarbúðastarfið í Kirkjumiðstöð Austurlands.

Þjóðkirkjan hefur rekið sumarbúðir á Eiðum frá árinu 1968, fyrst í Barnaskólahúsinu, en Kirkjumiðstöðin við Eiðavatn var vígð árið 1991 og hefur sumarbúðastarfið farið fram þar á hverju sumri eftir það.

Að þessu sinni verður boðið upp á fjóra dvalarflokka:

1. flokkur 4.-7. júní 4 dagar 12-14 ára 1999-2001 24.500 Ævintýraflokkur – Laus pláss
2. flokkur 10.-14. júní 5 dagar 8-12 ára 2001-2005 29.500 Fullbókað – Biðlisti!
3. flokkur 18.-21. júní 4 dagar 7-9 ára 2004-2006 24.500 Laus pláss
4. flokkur 23.-28. júní 6 dagar 10-13 ára 2000-2003 34.000 Leiklistarflokkur – Laus pláss

Leiklistarflokkurinn er nýbreytni í sumar, þar sem hluta dagsins verður varið í að æfa leikrit eða búa til stuttmynd, en að sjálfsögðu eru öll hin ævintýrin úr sumarbúðunum á sínum stað

Sumarbúðastjóri ársins er Hjalti Jón Sverrisson, guðfræðingur og tónlistarmaður úr Fellabæ, og með honum starfa öflugir, austfirskir leiðtogar sem allir fá fræðslu í upphafi sumars, m.a. um skyndihjálp og brunavarnir.

Hægt er að skrá þátttakendur í þá flokka, þar sem enn eru laus pláss, með því að hringja í síma 892-3890 eða í tölvupósti: kirkjumidstod.austurlands@kirkjan.is.

 

Þorgeir Arason, 30/5 2013 kl. 15.57

     

    Kirkjumiðstöð Austurlands, Pósthólf 196, 700 Egilsstaðir. Sími 471 3890, Gsm: 892 3890 · Kerfi RSS