Sumarbúðir við Eiðavatn

 

Sumarbúðir við Eiðavatn 2015

Sumarbúðir kirkjunnar á Eiðum eiga sér langa sögu. Aðdráttarafl svæðisins er mikið og við vatnið er sannkölluð ævintýraveröld sem þar sem fjöldi barna og unglinga unir sér við leik og starf á hverju sumri. Margir hafa bundist vináttuböndum við Eiðavatn og eignast góðar minningar þaðan, enda vilja flestir koma aftur ár eftir ár.

Barna- og unglingaflokkar:

Í sumarbúðunum er boðið upp á ógleymanlega dvöl fyrir krakka fædda 2001 – 2008.

Flokkar fyrir 8 – 12 ára börn, 10 – 13 ára börn og fyrir 7 – 11 ára börn. Dagskrá hvers flokks er miðuð við þroska og getu barnanna.

Ævintýraflokkurinn er á sínum stað fyrir 12 – 14 ára unglinga sem vilja upplifa öðruvísi og spennandi sumarbúðaævintýri.

Mikið af alls konar skemmtilegri og þroskandi afþreyingu í boði:

  • Fáránleikar
  • Frjálsar íþróttir
  • Föndur
  • Kvöldvökur
  • Kirkja
  • Siglingar á vatninu

Opið hús 17. júní

Á þjóðhátíðardaginn 17. júní verður opið hús í Kirkjumiðstöð Austurlands þar sem 8 – 12 ára börn taka á móti gestum og gangandi ásamt starfsfólki sumarbúðanna. Boðið verður upp á léttar veitingar og þátttöku í leik og starfi krakkanna. Foreldrar og aðstandendur eru sérstaklega hvattir til að mæta og eiga ánægjulegan þjóðhátíðardag með börnunum.

Tafla:        Dags.           Aldur           Fæðingarár      verð     tilboðsverð til 1. maí

  1. flokkur       15. – 19. júní   8 – 12 ára        2003 – 2007    32.000             29.500
  2. flokkur       22. – 26. júní   12 – 14 ára      2001 – 2003    32.000             29.500
  3. flokkur       29. júní – 3. júlí 10 – 13 ára   2002 – 2004    32.000             29.500
  4. flokkur       6. – 10. júlí      7 – 11 ára        2004 – 2008    32.000             29.500

ATHUGIÐ: Óbreytt þátttökugjald frá því í fyrra. Afsláttur ef skráning er staðfest fyrir 1. maí.

Staðfestingargjald (óafturkræft) er 3.000 krónur og greitt við skráningu en dregst frá dvalargjaldi.

Systkinaafsláttur: 10%

Ganga þarf frá greiðslu fyrir dvölina eigi síðar en 10 dögum áður en flokkur hefst.

Markmið sumarbúðanna við Eiðavatn er að bjóða börnum og unglingum ógleymanlega sumardvöl þar sem kristin lífsgildi eru höfð að leiðarljósi.

Í sumarbúðunum starfar öflugur hópur leiðtoga með reynslu og þjálfun í barna- og æskulýðsstarfi. Allir starfsmenn sækja námskeið í skyndihjálp, brunavörnum o.fl. Lögð er áhersla á öryggi við bátsferðir.

Sumarbúðirnar eru í fallegu umhverfi við Eiðavatn, u.þ.b. 18 km frá Egilsstöðum. Þjóðkirkjan hefur starfrækt sumarbúðir á Eiðum á hverju sumri frá 1968, þar af frá 1992 í byggingu Kirkjumiðstöðvar Austurlands. Kirkjumiðstöðin er sjálfseignarstofnun á vegum safnaðanna á Austurlandi.

Innritun:

Innritun hefst 7. apríl í síma 892 3890. Einnig má senda tölvupóst á netfangið sumarbudir@kirkjan.is

Innritunarsími 892 3890

Sumarbúðasími 471 3890

Davíð Þór Jónsson, 9/4 2015 kl. 14.28

     

    Kirkjumiðstöð Austurlands, Pósthólf 196, 700 Egilsstaðir. Sími 471 3890, Gsm: 892 3890 · Kerfi RSS