Þingvallakirkja

Í kvöld 28.júlí er síðasta kvöldganga á fimmtudagskvöldi á Þingvöllum. Sverrir Jakobsson sagnfræðingur fjallar um heimsmynd Íslendinga 1100-1400. Þegar göngu lýkur eru kvöldbænir í Þingvallakirkju í umsjón sr. Halldórs Reynissonar.

Sunnudaginn 31.júlí verður ekki barna - og fjölskyldumessa eins og fyrirhugað hafði verið (og fram kemur á heimasíðu þjóðgarðsins). Sú messa hefur verið færð til 7.ágúst, þegar messað verður undir berum himni í Skógarkoti. Messan 31.júlí verður með venjulegu sniði, en góðum gestum. Furugerðiskórinn, sem er kór eldri borgara, syngur í messunni undir stjórn Ingunnar Guðmundsdóttur.

Lesa áfram …

Göngumessan síðastliðin sunnudag tókst í alla staði vel. Veðrið var yndislegt og góð þátttaka. Um 70 manns, eldri og yngri, tóku þátt í messunni. Glæsivagnar Fornbílaklúbbsins settu líka svip á staðinn er þeir óku til og frá messu.

Sunnudaginn 24.júlí verður sú nýbreytni í messuhaldi Þingvallakirkju að haldin verður svokölluð göngumessa. Messan er í samvinnu við Fornbílaklúbb Íslands sem heimsækir Þingvelli þennan dag. Messan hefst við fánastöngina á bílastæðinu framan við Hótel Valhöll.kl.14.

Lesa áfram …

Að lokinni kvöldgöngu þar sem frú Vigdís Finnbogadóttir fjallar um þjóðargersemina Þingvelli verða kvöldbænir í Þingvallakirkju fyrir þau sem vilja staðnæmast þar áður en þau halda heim. Bænirnar hefjast um kl. 21.45 og standa í tíu mínútur.

Sunnudaginn 17.júlí er haldin Skálholtshátíð. Af því tilefni er messan í Þingvallakirkju kl.11, en ekki kl. 14 eins og venja er. Þannig geta kirkjugestir einnig sótt Skálholt heim og hlýtt hátíðamessu þar kl. 14. Í ÞIngvallakirkju predikar ljóðskáldið Hjörtur Pálsson, cand.mag, sem er langt kominn með nám til kandidatsprófs í guðfræði við Guðfræðideild Háskóla Íslands. Kristján Valur Ingólfsson þjónar fyrir altari. Organisti er Guðmundur Vilhjálmsson.

Að lokinni göngu á fimmtudagskvöldi þar sem Björn Bjarnason, formaður Þingvallanefndar segir frá störfum nefndarinnar, verða kvöldbænir í Þingvallakirkju. Bænirnar hefjast um kl. 21.45 og standa í 10 mín.

Fimmtudagskvöldið 7.júlí verða kvöldbænir í Þingvallakirkju. Bænirnar eru í framhaldi af fimmtudagsgöngu í Þjóðgarðinum og hefjast kl. 21.45. Kvöldbænirnar taka um það bil tíu mínútur.

Á sunnudaginn 10.júlí verður messa kl. 14.00. Prestur er séra Pálmi Matthíasson. Fermdir verða tveir drengir Emil Örn Ólafsson og Stefán Viktorsson. Organisti er Guðmundur Vilhjálmsson.

Messa er í Þingvallakirkju 26.júní kl. 14.00. Organisti Guðmundur Vilhjálmsson og prestur Kristján Valur Ingólfsson.

Að lokinni fimmtudagskvöldgöngu 23.júní þar sem Þórarinn Þórarinsson, arkitekt gerir grein fyrir kenningum sínum um þingstaðinn forna, býðst þeim sem vilja að ganga til kirkju og taka þátt í stuttum kvöldbænum. Bænirnar hefjast um kl. 21.45, eða í beinu framhaldi af göngunni, ef hún endar fyrr.