Þingvallakirkja

Messa er í Þingvallakirkju 26.júní kl. 14.00. Organisti Guðmundur Vilhjálmsson og prestur Kristján Valur Ingólfsson.

Að lokinni fimmtudagskvöldgöngu 23.júní þar sem Þórarinn Þórarinsson, arkitekt gerir grein fyrir kenningum sínum um þingstaðinn forna, býðst þeim sem vilja að ganga til kirkju og taka þátt í stuttum kvöldbænum. Bænirnar hefjast um kl. 21.45, eða í beinu framhaldi af göngunni, ef hún endar fyrr.

Tvö hús. Þau standa hlið við hlið. Tvö tákn um sögu sem er samofin í þúsund ár. Tvö hús. Dómkirkjan í Reykjavík og Alþingishúsið. Tvisvar á ári rifja þau upp sína formlegu tengingu þegar þau sem þjóna landi og lýð í þinghúsinu ganga fram fyrir altari Guðs, ásamt þjónum kirkjunnar: Við setningu Alþingis og 17.júní.

Lesa áfram í postillu Þjóðkirkjunnar …

„Til hamingju með daginn. Þetta er gleðidagur. Dagurinn 19. júní hefur verið tileinkaður hátíðis- og baráttudegi kvenna. Það var 19. júní árið 1915 sem Kristján konungur X skrifaði undir frumvarp frá Alþingi þess efnis að íslenskar konur skyldu hafa kosningarétt til Alþingis …“ sagði Svanhildur Blöndal í prédikun 19. júní.

Lesa áfram í postillu kirkjunnar …

Sunnudaginn 19. júní, þegar því er fagnað að 90 ár eru síðan konur fengju kosningarétt, og fagnað er 90 ára afmæli þjóðfánans, er messa í Þingvallakirkju kl. 14.00. Svanhildur Blöndal, guðfræðingur og hjúkrunarfræðingur og verðandi prestur, predikar. Kristján Valur Ingólfsson þjónar fyrir altari. Organisti er Guðmundur Vilhjálmsson.

Þjóðhátíðardagurinn 17.júní er ekki fastur messudagur í kirkjum og söfnuðum Þjóðkirkjunnar. Óhugsandi er þó að ekki sé guðsþjónusta í Þingvallakirkju þann dag, þó ekki væri nema af sögulegum ástæðum.

Guðsþjónusta verður í Þingvallakirkju 17.júní kl. 14.00. Kristján Valur Ingólfsson predikar og þjónar fyrir altari. Organisti er Guðmundur Vilhjálmsson.

„Allir þykjast vilja fylgja Jesú í upphafi en þegar á reynir finna menn alls konar afsakanir til að vera áfram heima – í sjálfu sér ekki slæmar ástæður en þegar stefnan er tekin á nýjan stað þá eru allar úrtölur og hjáleiðir ógildar. Þá þýðir ekkert að horfa til baka …“ sagði Pétur Pétursson í prédikun á Sjómannadaginn.

Lesa áfram í postillu kirkjunnar …

Fimmtudaginn 16.júní kl. 21.45 verða kvöldbænir í Þingvallakirkju. Þessi bænagjörð er tilboð til þeirra sem hafa tekið þátt í kvöldgöngu á Þingvöllum og vilja ljúka heimsókn sinni með því að ganga til kirkju til bæna. Í kvöld annast Árni Svanur Danielsson, guðfræðingur, kvöldbænirnar.

Lesa áfram …

Líkt og verið hefur undanfarin ár skipuleggur Þjóðgarðurinn kvöldgöngur á fimmtudagskvöldi. Á þessum kvöldum verður kirkjan opin og um það bil sem göngunni lýkur verða kvöldbænir með einföldu sniði í kirkjunni fyrir þau sem myndu vilja ljúka kvöldinu með kirkjugöngu. Áætlað er að kvöldbænirnar hefjist um kl. 21.45. Þær taka um það bil tíu mínútur. Fyrstu kvöldbænirnar verða fimmtudagskvöldið 9.júní n.k. og síðan hvert fimmtudagskvöld til júlíloka.

Sunnudaginn 5.júní, sem er sjómannadagur er messa í Þingvallakirkju kl. 14.00. Dr. Pétur Pétursson prófessor í kennimannlegri guðfræði við guðfræðideild Háskóla Íslands predikar, en Kristján Valur Ingólfsson þjónar fyrir altari. Organisti er Guðmundur Vilhjálmsson.