Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Samkirkjumál

Verksvið

Þjóðkirkjan tekur þátt í samkirkjulegu (ekumenisku) starfi bæði erlendis og á Íslandi. Þjóðkirkjan er aðili að ýmsum heildarsamtökum kirkna og kirknstofnunum. Þjóðkirkjan er stofnaðili Lútherska heimssambandsins (1947); Alkirkjuráðsins (1948); Norræna samkirkjuráðsins (1949); Kirknasambands Evrópu (1964) og Porvoo-kirknasambandsins (1995).

Samkirkjunefnd

Biskup Íslands er yfirmaður samkirkjumála þjóðkirkjunnar. Honum til stuðnings er Samkirkjunefnd þjóðkirkjunnar, sem starfar samkvæmt starfsreglum nr. 1006/2005 frá Kirkjuþing, Starfsreglur um Samkirkjunefnd Þjóðkirkjunnar nr. 1006/2005.

Samstarfsnefnd kristinna trúfélaga

Þjóðkirkjan er aðili að Samstarfsnefnd kristinna trúfélaga, sem er samvinnuvettvangur kristinna kirkna og kirkjulegra hreyfinga á Íslandi. Aðild að þessari nefnd eiga: Aðventistar, Fríkirkjan Vegurinn, Hvítasunnukirkjan, Hjálpræðisherinn, Íslenska Kristkirkjan, Kaþólska kirkjan, Óháði söfnuðurinn, Betanía og Þjóðkirkjan. Fulltrúar þjóðkirkjunnar eru: María Ágústsdóttir og Irma Sjöfn Óskarsdóttir.

Upplýsingar um samkirkjumál

Á annál samkirkjumála má finna upplýsingar og skýrslur um samkirkjulegt starf.

Porvoo-samþykktin

Hægt er að lesa Porvoo-samþykktina hér á vefnum.

Charta Oecumenica

Hægt er að lesa Charta oecumenica í íslenskri þýðingu á vefnum

Helstu verkefni

Samskipti við erlendar kirkjur, þátttaka í samkirkjulegu starfi.

Vísanir