Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Fjölskyldustefna

„Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Þú skalt elska náunga þinn eins og sjálfan þig.“ (Matt. 22.37-39)

II. Forsendur

Kristin trú byggir á þeirri forsendu að góður Guð gefi lífinu tilgang og sérhver einstaklingur sé dýrmætur sem sköpun Guðs.
Kristin kirkja metur gildi fjölskyldu og heimilis umfram flest annað í lífi manneskjunnar.

Kristin trú hefur ekki algildar reglur um fjölskyldulíf, en byggir á grunni fagnaðarerindis Jesú Krists.

Heilsteypt fjölskyldulíf hvílir fyrst og fremst á kærleika en jafnframt á réttlæti og öðrum siðgildum, svo sem virðingu og tryggð.

Kristin trú bendir á breiskleika mannsins og bresti sem ávallt koma fram í mannlegu samfélagi, í fjölskyldulífi og á heimilum.

Þjóðkirkjan lítur svo á:

  1. Að fjölskyldan hafi það hlutverk að leggja grunn að heilbrigði einstaklings til líkama og sálar, ábyrgri samfélagsþátttöku og mannúðlegu samfélagi.
  2. Að meðal hlutverka fjölskyldunnar sé að ala upp börn og koma þeim til manns, geta af sér nýja kynslóð, miðla menningu, gildismati og góðum siðum áfram til næstu kynslóðar.
  3. Að fjölskyldan sé mikilvægasta eining náinna tengsla þar sem manneskjan á að fá tækifæri til að þroskast og dafna, ekki síst börnin.
  4. Að fjölskyldan sé mikilvægasti vettvangur trúaruppeldis. Þar á að kenna börnum að tjá sig, elska og biðja, þiggja og veita.
  5. Að í fjölskyldunni sé einstaklingurinn viðurkenndur og elskaður jafnt í styrkleika sínum og veikleika.
  6. Að fjölskyldan einkennist af gagnkvæmum skuldbindingum fólks um varanlega umhyggju og kærleika.
  7. Að fjölskyldan sé grunneining samfélagsins og hvorugt þrífist án hins.
  8. Að fjölskyldunni beri fullur stuðningur samfélagsins til að gegna hlutverki sínu .

III. Markmið

Þjóðkirkjan vill:

  1. Vera bandamaður fjölskyldunnar, ekki síst barna og þeirra sem minna mega sín.
  2. Efla kærleika, réttlæti, tryggð, gagnkvæma virðingu og traust innan fjölskyldunnar.
  3. Styðja trúarlíf innan fjölskyldunnar.
  4. Stuðla að því að sérhver einstaklingur og fjölskylda finni til ábyrgðar á lífi annarra og samfélaginu öllu.

IV. Leiðir

Megináhersla verður lögð á eftirtalin verkefni:

  1. Samtöl við brúðhjón og pör um hjónaband, staðfesta samvist og fjölskyldulíf.
  2. Námskeið fyrir fólk í hjónabandi, staðfestri samvist eða sambúð.
  3. Skírnarviðtöl hjá presti.
  4. Foreldramorgnar.
  5. Barnastarf, sunnudagaskólastarf, með áherslu á uppeldi og fjölskylduhefðir.
  6. Átaksverkefnið “Verndum bernskuna”.
  7. Ávallt sé minnt á mikilvægi hvíldardagsins fyrir fjölskyldulíf.
  8. Fermingarfræðslu og samstarf við foreldra.
  9. Fullorðinsfræðslu eins og námskeið Leikmannaskólans.
  10. Sálgæslu hjá prestum og djáknum almennt í safnaðarstarfi og í sorg og áföllum.
  11. Viðtöl og ráðgjöf hjá Fjölskylduþjónustu kirkjunnar.
  12. Hjálparstarf kirkjunnar – stuðningi við fjölskyldur í neyð.
  13. Útgáfu bóka og annars fræðsluefnis á vegum Skálholtsútgáfunnar.
  14. Útgáfu kynningarbæklings um þjónustu kirkjunnar við fjölskyldur.
  15. Starfsmannastefna og starfsmannahald kirkjunnar verði til skoðunar í ljósi þessarar stefnu.