Reykjavíkurprófastsdæmi vestra

Þann 27. janúar kl. 12.00 heldur Halvor Nordhaug biskup í Bergen erindi sem kallast “Ríkiskirkjan, þjóðkirkja og mannréttindi – vandi?” Fyrirlesturinn verður haldinn  í kapellu Háskólans í Aðalbyggingu og hefst kl. 12:00.  Þar fjallar  Halvor Norhaug um spurninguna hvort ríkiskirkjuskipan í Noregi brjóti í bága við trúfrelsi og hvort mögulegt sé a að halda fast við ríkiskirkju í fjölhyggjusamfélagi nútímans. Lesa áfram …

Málþing um samkirkjumál verður haldið í Seltjarnarneskirkju þriðjudaginn 24. janúar kl. 16.00-18.00.  Sr. María Ágústsdóttir, doktorsnemi, fjallar um samkirkjumál hérlendis og erlendis. Viðbrögð við erindi hennar veita  sr. Eric Guðmundsson, Aðventkirkjunni, sr. Jakob Rolland, Kaþólsku kirkjunni og Vörður Leví Traustason, forstöðumaður, Hvítasunnukirkjunni.  Stjórnandi er Steinunn A. Björnsdóttir.

Málþingið er hluti af alþjóðlegri samkirkjulegri bænaviku og er skipulagt af Samstarfsnefnd kristinna trúfélaga.

Stofnun dr. Sigurbjörns Einarssonar og Guðfræðistofnun Háskóla Íslands efna til málþings í fyrirlestrasal Þjóðminjasafnsins föstudaginn 20. janúar kl. 13 – 16. Yfirskrift málþingsins er: Trú og trúarbrögð á 21. öld.  Aðalfyrirlestur flytur dr. Hjalti Hugason, prófessor við Guðfræði- og trúarbragðafræðideild Háskóla Íslands. Heiti fyrirlestursins er „Trú og trúarstofnanir á 21. öldinni - áskoranir og möguleikar.“ Lesa áfram …

Alþjóðleg samkirkjuleg bænavika fyrir einingu kristninnar hefst á miðvikudaginn 18.janúar.  Þessa viku sameinast kristið fólk um allan heim í bæn fyrir einingu. Bænavikan er undirbúin af kirkjum sem tilheyra samkirkjulegum samtökum er nefnast Alkirkjuráðið (World Council of Churches) og kaþólsku kirkjunni.
Kirkjum á ákveðnu svæði heims er falið að undirbúa efnið og árið 2012 kemur það frá Póllandi þar sem fólk frá ýmsum kirkjudeildum mótmælenda, kaþólskum kirkjum og rétttrúnaðar, unnu að undirbúningi. Þemað er „Sigur Krists umbreytir okkur!“ og kemur úr I. Korintubréfi, 15:51-58 og vísar í sögu Póllands og orðræðu sigurs og ósigurs.
Upplýsingar um dagskrá, ritningarlestra og fleira má nálgast á vef bænavikunnar

Dagskrá bænavikunnar á höfuðborgarsvæðinu
Miðvikudagur 18. janúar:
Kl. 12.00  Bænastund í Friðrikskapellu, Hlíðarenda
Kl. 20.00  Samkoma í Kristskirkju, Landakoti

Fimmtudagur 19. janúar:
Kl. 18.00 Blessun vatnsins í Nauthólsvík
Kl. 20.00 Samkoma á Hjálpræðisher

 Föstudagur 20. janúar:
Kl. 20.00 Samkoma í Aðventkirkjunni, Ingólfsstræti.

Sunnudagur 22. janúar:
Kl. 11.00  Útvarpsguðsþjónusta í Seltjarnarneskirkju.

Þriðjudagur 24. janúar
Kl. 16.00 Málþing í Seltjarnarneskirkju:Samkirkjulegt starf heima og að heiman. María Ágústsdóttir doktorsnemi flytur erindi. Fulltrúar trúfélaga bregðast við.
Kaffi og umræður.
Málþinginu lýkur kl. 18.00

Miðvikudagur 25. janúar
Kl. 12.00  Bænastund í Friðrikskapellu, Hlíðarenda

Hjúkrunarheimilið Sóltún á 10 ára starfsafmæli um þessar mundir. Af því tilefni var hátíðarguðsþjónusta 8. janúar. Íbúar, starfsfólk og gestir fjölmenntu og tóku þátt í messunni með biskupi Íslands, prófasti og héraðspresti Reykjavíkurprófastsdæmis vestra auk djákna heimilisins Jóni Jóhannssyni. 
Sjá myndir frá athöfninni

Anna Birna Jensdóttir forstjóri Sóltún sagði frá því við þetta tækifæri að allt frá upphafi hefur verið trúarleg þjónusta á heimilinu sem hefur falið í sér helgihald, sálgæslu, samfylgd með íbúum, aðstandendum og starfsfólki. Lesa áfram …

Miðvikudaginn 11. janúar nk. verður kynningarfundur í Háteigskirkju  kl. 19.30 fyrir 12 spora námskeiðið,  Andlegt ferðalag -  með Vinum í bata.  Námskeiðið verður haldið í safnaðarheimili Háteigskirkju. Allir áhugasamir, utan sóknar sem innan, eru hvattir til að kynna sér málið og láta þetta ekki framhjá sér fara.
Það eru allir hjartanlega velkomnir og nánari upplýsingar má finna hér…

Síðustu tónleikar ársins hér á Íslandi verða að venju í Hallgrímskirkju á gamlársdag, 31. desember, kl. 17. Listvinafélag Hallgrímskirkju býður í 19. sinn upp á tónleika undir yfirskriftinni Hátíðahljómar við áramót. Þeim er ætlað að kalla fram hátíðleika sem hæfir þegar ár er kvatt og nýju ári heilsað. Á þeim undanförnu 18 árum sem Ásgeir, Eiríkur og Hörður hafa glatt tónleikagesti á gamlárskvöld með leik sínum hafa þeir tvisvar boðið einsöngvurum að koma fram með sér, þeim Sigrúnu Hjálmtýsdóttur og Kristni Sigmundssyni. Í tilefni af 30. afmælisári Listvinafélagsins bætast þeir Einar St. Jónsson trompetleikari og Eggert Pálsson nú í hópinn. Lesa áfram …

Fjölbreytt helgihald er í kirkjum prófastsdæmisins um og áramót. Aftansöngur er í kirkjum á gamlársdag kl. 18.   Nýtt ár hefst víðast hvar með hátíðarmessum klukkan 14.00.  Í Dómkirkjunni er Á nýársdag er hátíðarmessa kl. 11. Biskup Íslands , sr.Karl Sigurbjörnsson prédikar en Dómkirkjuprestar þjóna fyrir altari. Dómkórinn syngur undir stjórn Kára Þormars. Messunni er að venju útvarpað.  

Nánari upplýsingar um helgihald má nálgast á heimasíðum kirknanna:
Áskirkja, Bústaðakirkja, Dómkirkjan, Grensáskirkja, Hallgrímskirkja, Háteigskirkja, Langholtskirkja, Laugarneskirkja, Neskirkja, Seltjarnarneskirkja

Þann s.l. 19. desember afhenti Sigríður Dúna Kristmundsdóttir, fyrrum sendiherra Íslands í Noregi, Hjálparstarfi kirkjunnar styrk að upphæð 100.000 norskar krónur, eða rúmlega tvær milljónir íslenskra króna, frá íslenska söfnuðinum í Noregi.  Er styrknum ætlað að renna til hjálparstarfs kirkjunnar á Íslandi fyrir jólin og vilja Íslendingar í Noregi með því leggja löndum sínum heima lið. Með styrknum fylgja hlýjar jólakveðjur. Styrkurinn er veittur í nafni Ólafíusjóðs, sem starfar á vegum íslenska safnaðarins og er Sigríður Dúna formaður sjóðsstjórnar.  Lesa áfram …

Mótettukór Hallgrímskirkju hefur frá stofnun sinni árið 1982 glatt tugþúsundir Íslendinga á aðventunni, og skipa jólatónleikar hans veglegan sess í ríkulegu tónleikahaldi í Reykjavík. Á þessum þrítugustu jólatónleikum Mótettukórsins verður Þóra Einarsdóttir sópransöngkona gestasöngvari með kórnum. Haldnir verða tvennir tónleikar í Hallgrímskirkju, miðvikudaginn 28. desember kl. 20 og fimmtudaginn 29. desember kl. 20 Lesa áfram …