Reykjavíkurprófastsdæmi vestra

Héraðsfundur Reykjavíkurprófastsdæmis vestra verður haldinn miðvikudaginn 23. maí kl. 18 í Seltjarnarneskirkju.  Á héraðsfundi eiga sæti þjónandi prestar og djáknar í prófastsdæminu, formenn sóknarnefnda og safnaðarfulltrúar ásamt kirkjuþingsmönnum. Tveir fulltrúar frá hverri sókn sem og þjónandi prestar og djáknar hafa atkvæðisrétt. Starfsfólki sókna og prófastsdæmisins og öllu áhugafólki innan þjóðkirkjunnar um kirkjuleg málefni er heimilt að mæta á héraðsfundi með málfrelsi og tillögurétt.

Á dagskrá eru venjuleg aðalfundarstörf. Hefst fundurinn með helgistund í kirkjunni. Einnig er á dagskrá kynning á gerð frumvarps til nýrra þjóðkirkjulaga og kynnig á nefndarskýrslu til innanríkisráðherra um sóknargjöld.

Hinn almenni bænadagur er að venju haldinn 5. sunnudag eftir páska, sem nú er hinn 13. maí. Á hinum almenna bænadegi er löng hefð fyrir því að söfnuðir landsins sameinist um eitt fyrirbænarefni.

Að þessu sinni er yfirskrift bænadagsins: „Biðjum fyrir kirkju og þjóð á krossgötum.“
Í bréfi til safnaða þjóðkirkjunnar segir biskup Íslands:
Bið ég presta og söfnuði þjóðkirkjunnar að sameinast um þetta bænaefni og lyfta fram starfi og þjónustu kirkjunnar í nærsamfélaginu og ábyrgð alls safnaðarfólks á því að kirkja og kristni viðhaldist í landinu. Þegar þrengir að í fjármálum safnaðanna hefur verið  treyst á vilja fólks og samtakamátt til að sýna það í verki að því þyki nokkurs til um að sóknarkirkjuna og þá iðkun og orð sem þar er til boða.
Lesa áfram á vef þjóðkirkjunnar

Fimmtudaginn 10. maí kl. 20.00 verður samvera í Hjallakirkju í Kópavogi fyrir messuþjóna í Reykjavíkurprófastsdæmunum og þau sem vilja kynna sér þessa þjónustu.  Þar verða flutt tvö stutt erindi um hlutverk messuþjóna.  Sr. Íris Kristjánsdóttir mun segja frá þjónustu messuþjóna í Kanada og sr. Jón Dalbú Hróbjartsson fjallar um almennu kirkjubænina.  Þá munu nokkrir messuþjónar segja frá reynslu sinni af því að taka þátt í messuhóp og síðan verður boðið upp á veitingar í safnaðarheimili kirkjunnar.  
Einnig mun Agnes M. Sigurðardóttir nýkjörin biskup ávarpa hátíðina. Lesa áfram …

Á leikamannastefnu þjóðkirkjunnar 2012 sem var haldin í safnaðarheimili Keflavíkurkirkju 13. – 14. apríl  var m.a. kynning á öflugu sjálfboðaliðastarfi.  Ragnheiður Ásta Magnúsdóttir, formaður sóknarnefndar Keflavíkurkirkju og kirkjuþingsfulltrúi, annaðist kynninguna sem vakti mikla athygli fulltrúa á stefnunni.  Sjá nánar hér
Á stefnunni voru samþykktar ályktanir varðandi leiðréttingu á sóknargjöldum og að í nýrri eða endurskoðaðri stjórnarskrá verði ákvæði um evangelísk-lúterska þjóðkirkju.

Dómkirkjusöfnuðurinn heldur aðalsafnaðarfund sunnudaginn 22.apríl að lokinni morgunmessu sem hefst kl. 11. Fundurinn fer fram í safnaðarheimilinu að Lækjargötu 14a. Fundarefni eru venjubundin aðalfundarstörf.

Um þessar mundir halda söfnuðir prófastsdæmisins sína aðalsafnaðarfundi.  Aðalsafnaðarfundur Grensássóknar verður haldinn mánudaginn 16. apríl kl. 17:30, í safnaðarheimili Grensáskirkju.  Dagskrá fundarins eru venjuleg aðalfundarstörf.

Biblían og menningin er yfirskrift listahátíðar í Seltjarnarneskirkju dagana 14.-28. apríl. Fjölbreytileiki einkennir hátíðina.  Boðið verður upp á tónleika,  fyrirlestra, ljóðalestur og myndlistarsýningu ásamt dagskrá fyrir börn og unglinga bæði inni og úti.

Sjá dagskrá hátíðarinnar

Laugardaginn 24. mars var opnuð sýningin PRENTLIST OG PASSÍUSÁLMAR í forkirkju Hallgrímskirkju.  Á sýningunni eru ljósmyndir af völdum titilsíðum Passíusálmanna gegnum tíðina.  Jafnframt býðst gestum að hlýða á hljóðrit af söng gömlu Passíusálmalaganna, sem starfsmenn Árnastofnunar tóku upp á árabilinu 1960-1975. Myndirnar af titilsíðum sálmanna sýna bæði þróun prentlistar og breytingar sem verða á bókatitlum frá 17. öld og til nútímans. Ennfremur birta myndirnar brot úr útgáfusögu Passíusálmanna. Sýningin er samstarf Listvinafélags Hallgrímskirkju, Stofnunar Árna Magnússonar í íslenskum fræðum og Landsbókasafns Íslands - Háskólabókasafns.  Umsjón með sýningunni hefur Þórunn Sigurðardóttir bókmenntafræðingur.

Miðvikudaginn 28. mars útskrifast 19 ungmenni úr  Farskóla leiðtogaefna og 6 ungmenni af Grunnnámskeiði og er þetta er lokapunkturinn á farsælu starfi Farskólans og Grunnnámskeiðsins í vetur á Reykjavíkursvæðinu.  Útskriftin fer fram í Digraneskirkju og  bjóða leiðtogaefnin fjölskyldum sínum og leiðtogum til kvöldmessu  og kaffi að henni lokinni, í safnaðarheimili Digraneskirkju. Lesa áfram …

Miðvikudaginn 21.mars verður haldið í Breiðholtskirkju á vegum Starfs-og leikmannaskóla kirkjunnar og Reykjavíkurprófastsdæma  námskeiðið „Að starfa í kirkjunni – Ábyrgð leikmannsins.“
Grunnurinn að þjónustu allra, jafnt vígðra sem óvígðra er skírnin. Ábyrgð leikmannsins í þjónustunni er því heilög skírn. Á námskeiðinu verður fjallað um hin fjölbreyttu verkefni, margskonar skyldur og viðamiklu þjónustu safnaðarfólks á grunni skírnarinnar. Lesa áfram …