Sameiginlegur predikunarundirbúningur presta í prófastsdæminu hefur verið vikulega að vetri til. Fimmtudaginn 8. september hefst predikunarundirbúningurinn að nýju eftir sumarfrí. Aðsetur er í Neskirkju enn sem fyrr. Rjúkandi verður á könnunni fyrir presta og djákna kl. 9:15 en innlegg og umræða frá kl. 9:30 - 10. Fyrsta innlegg hefur sr. Bára Friðriksdóttir. Allir prestar og djáknar eru velkomnir.
Bára Friðriksdóttir, 5/9 2005
Kirkjulistahátíð í Hallgrímskirkju hefst laugardaginn 20. ágúst kl. 16 með glæsilegri setningarhátíð. Þar verður menningarveisla í heilaviku þar sem listir og mennig með trúarlegum tengslum fá að njóta sín. Hæst ber flutningur Matteusarpassíunnar eftir Bach. Nánar um kirkjulistahátíðina er að finna á www.hallgrimskirkja.is
Bára Friðriksdóttir, 18/8 2005
Sr. María Ágústsdóttir héraðsprestur er komin í veikindaleyfi sem varir fram að fæðingarorlofi í október n.k. Sr. Bára Friðriksdóttir leysir hana af. Viðtalstímar hennar á skrifstofu eru mánud. til fimmtud. frá kl. 13-14, og netfangið er bara@hallgrimskirkja.is.
Bára Friðriksdóttir, 16/8 2005
Prestastefna 2005 hófst með messugjörð í Dómkirkjunni í Reykjavík. Samkvæmt hefð gengu prestar og djáknar fylktu liði til kirkju, en krossberi helgigöngunnar að þessu sinni var Magnea Sverrisdóttir, djákni í Hallgrímskirkju.
María Ágústsdóttir, 27/6 2005
Í samstarfi Leikmannaskólans, Fræðslusviðs Biskupsstofu og Reykjavíkurprófastsdæma verður haldið námskeið fyrir fólk í sóknarnefndum laugardaginn 27. ágúst n.k. í Grensáskirkju. Námskeiðið er haldið í tengslum við Innandyra námskeið fyrir starfsfólk kirkjunnar. Fyrri hluti námskeiðsins er sameiginlegur með starfsfólki í barna-og æskulýðsstarfi kirkjunnar en eftir hádegi er boðið upp á námskeiðið Að starfa í sóknarnefnd.
María Ágústsdóttir, 22/6 2005
Barnadagskrá Kirkjudaganna, sem haldnir eru á Skólavörðuholtinu dagana 24. og 25. júní nk., er á vegum Reykjavíkurprófastsdæmis vestra. Það eru þau djáknarnir Magnea Sverrisdóttir, Hallgrímskirkju og Halldór Elías Guðmundsson, Grensáskirkju, ásamt guðfræðingnum Hans Guðberg Alfreðssyni, Dómkirkjunni, sem hafa veg og vanda af dagskránni.
María Ágústsdóttir, 13/6 2005
Kirkjudagar verða haldnir á Skólavörðuholtinu dagana 24.-25. júní nk. Óskað er eftir að fulltrúar mæti frá hverju prestakalli um landið allt og er tekið við skráningu á netfangið hanna.sampsted@biskup.is eða - fyrir Reykjavíkurprófastsdæmi vestra - hjá Margréti Bragadóttur í síma 510 1000.
María Ágústsdóttir, 8/6 2005
Miðvikudaginn 1. júní tekur sr. María Ágústsdóttir við starfi héraðsprests í Reykjavíkurprófastsdæmi vestra að nýju eftir árs fæðingarorlof.
María Ágústsdóttir, 1/6 2005
Mánudaginn 31. maí var þess minnst að 60 ár eru liðin frá því að Geirþrúður Hildur Bernhöft útskrifaðist með embættispróf úr guðfræðideild Háskóla Íslands, fyrst kvenna.
Bára Friðriksdóttir, 1/6 2005
Bjarni Karlsson, sóknarprestur í Laugarneskirkju, hlaut á dögunum viðurkenningu Heimilis og skóla fyrir öflugt barna- og fjölskyldustarf í Laugarneshverfi.
Bára Friðriksdóttir, 30/5 2005
Vefir sókna
Áskirkja
Bústaðakirkja
Dómkirkjan
Grensáskirkja
Hallgrímskirkja
Háteigskirkja
Langholtskirkja
Laugarneskirkja
Neskirkja
Seltjarnarneskirkja
Söfnuðir erlendis
Svíþjóð
Noregur
Kaupmannahöfn
London
Aðrir vefir
Reykjavíkurprófastsdæmi eystra
Fjölskylduþjónusta kirkjunnar
Fangaprestur Þjóðkirkjunnar
Skálholt
Kyrrðarstund í Laugarneskirkju kl. 12
Hversdagsmessa í Grensáskirkju kl. 18.15
Taizé-messa í Háteigskirkju kl. 20
Kvöldkirkjan í Dómkirkjunni kl. 20
Hallgrímskirkju, Skólavörðuholti, 101 Reykjavík. Sími 510 1030 , fax 510 1001 · Kerfi 
