Víðistaðakirkja

 

Helga Þórdís Guðmundsdóttir, 22/8 2013

Hjólreiðamessa

Kirkjan er lifandi samfélag og tekur því stöðugum breytingum. Margskonar nýbreytni og endurskipulagning setur mark sitt á starf hennar. Sóknum landsins hefur til dæmis verið skipt upp í samstarfssvæði og eru Hafnarfjörður og Garðabær eitt slíkt svæði.

Nú er sumar gengið í garð og margir vilja njóta útvistar og tilbreytingar í lífinu. Þessi breyting á lífsháttunum hefur einnig áhrif á kirkjustarfið. Til að efla samstarf og kynni hafa prestarnir á svæðinu reglulega með sér fundi. Sýnilegur árangur af þessum fundum kemur fram í  “Hjólreiðamessu” næsta sunnudag þann 16. júní.

Hjólreiðamessan er gott tækifæri fyrir fjölskyldur að sameinast um nýbreytni. Allir sæmilega stálpaðir sem hafa aðgang að reiðhjóli geta tekið þátt í dagskránni um leið og notið er útivistar og hollrar hreyfingar. Gefst þá um leið tækifæri til að  skoða aðstæður í öðrum söfnuðum, en mikill menningarauki er að hinu fjölbreytta starfi safnaðanna.

Hjólreiðamessan hefst kl. 10.00 á tveimur stöðum, Ástjarnarkirkju í Hafnarfirði og Vídalínskirkju í Garðabæ. Garðbæingar mega líka hjóla suður á Velli og leggja upp frá Ástjarnarkirkju, en hóparnir hittast í Hafnarfjarðarkirkju og halda áfram þaðan.

Að þessu sinni er meiri áhersla lögð á hreyfingu og útivist heldur en helgihaldið og verður því staldrað stutt við í kirkjunum. Einn messuliður og sálmur eru á dagskrá í hverri kirkju eins og sjá má í auglýsingunni hér í Fjarðarpóstinum.

Einnig er velkomið að koma inn í hjólahópinn þar sem hentar, en allir eru hvattir til að nota hjálma og fara með fullri varúð í umferðinni. Ætti þetta að verða góður undirbúningur fyrir hátíðahöld þjóðhátíðardagsins.

Sjá dagskrá með tímasetningum hér fyrir neðan:

Bragi J. Ingibergsson, 13/6 2013

Helgistund 9. júní

Helgistund á sumarkvöld verður kl. 20:00 næstkomandi sunnudag 9. júní. Þá mun Kór Víðistaðasóknar syngja undir stjórn Árna Heiðars Karlssonar organista. Sóknarprestur sr. Bragi J. Ingibergsson þjónar. sjá hér.

Bragi J. Ingibergsson, 5/6 2013

Helgistund á sumarkvöldi

Á sunnudaginn kemur þann 2. júní verður guðsþjónusta kl. 20:00 að kvöldi, s.k. helgistund á sumarkvöldi. Kór Víðistaðasóknar syngur undir stjórn Kára Allanssonar. Sjá nánar hér.

Bragi J. Ingibergsson, 30/5 2013

Einar Clausen syngur á hvítasunnudag

Við hátíðarguðsþjónustu kl. 11:00 á hvítasunnudag mun Einar Clausen tenósöngvari syngja einsöng veð meðleik organistans Árna Heiðars Karlssonar. Sjá nánar.

Bragi J. Ingibergsson, 15/5 2013

Sameiginleg messa í Hafnarfjarðarkirkju

Á Uppstigningardag, sem jafnframt er dagur eldri borgara, verður sameiginleg messa Víðistaðasóknar og Hafnarfjarðarsóknar í Hafnarfjarðarkirkju kl. 14:00.  Sjá nánar hér.

 

Bragi J. Ingibergsson, 7/5 2013

Grill og leikir á kirkjutorgi

Vorhátíð barna- og unglingastarfsins fer fram á sunnudaginn kemur og ehfst með blómamessu/fjölskylduhátíð í kirkjunni. Að henni lokinni verður grillað á kirkjutorginu og farið í leiki. Sjá nánar

Bragi J. Ingibergsson, 2/5 2013

Skráning í fermingu 2014

Nú eru hafnar skráningar fyrir fermingar vorið 2014. Send hafa verið út bréf til allra barna Víðistaðasóknar fæddum árið 2000 og sem skráð eru í Þjóðkirkjuna á Íslandi og/eða foreldrar þeirra. Tekið verður “formlega” á móti skráningum sunnudaginn 5. maí nk. eftir blómamessu sem hefst kl. 11:00 – en þó verður hægt að koma skráningum til skila hvenær sem er þar til fræðslan hefst með haustnámskeiði síðla sumars. Hægt er að nálgast skráningarformið hér.

Bragi J. Ingibergsson, 30/4 2013

Hádegistónleikar

Á föstudaginn kemur, 26. apríl, verða síðustu hádegistónleikarnir í röð vetrarins. Þá mun Halldór Víkingsson píanóleikari leika rómantísk verk eftir Johannes Brahms, Franz Schubert, Anatoly Konstantinovich Liadov og Sergei Rachmaninoff.

Tónleikarnir hefjast kl. 12:00 og er aðgangseyrir kr. 1.500,-. Boðið er upp á súpu og brauð í safnaðarheimilinu efti tónleikana.

Halldór Víkingsson er píanókennari við Tónlistarskóla Seltjarnarness.  Halldór er fæddur 1957 í Stykkishólmi, sonur Víkings Jóhannssonar organista og skólastjóra tónlistarskólans, og fékk þar fyrstu tilsögn í hljóðfæraleik. Hann lauk stúdentsprófi frá Menntaskólanum að Laugarvatni 1977, þar sem hann stundaði einnig píanónám hjá Lofti S. Loftssyni og Einari Markússyni í Tónlistarskóla Árnessýslu.

Halldór  var nemandi Halldórs Haraldssonar í píanóleik í Tónlistarskólanum í Reykjavík frá haustinu 1977, og útskrifaðist hann úr píanókennaradeild Tónlistarskólans í Reykjavík vorið 1982, en lagði einnig stund á þýsku, íslensku og almenn málvísindi við Háskóla Íslands. Hann sækir enn píanótíma til nafna síns. Hann hefur komið fram við ýmis tækifæri, bæði á píanó og túbu, sem var hans annað hljóðfæri í tónlistarskólanum. Hefur hann m.a. haldið píanóeinleikstónleika á kirkjulistahátíð Seltjarnarneskirkju, á norðurljósahátíðinni í Stykkishólmi, og á vetrardögum í Víðistaðakirkju.

Halldór hefur verið tíður gestur í Víðistaðakirkju sem upptökumaður, allt frá því kirkjan var tekin í notkun og ekki að fullu frágengin, enda segja gárungarnir að Óskar og Halldór séu elstu starfsmenn kirkjunnar.

 

Bragi J. Ingibergsson, 23/4 2013

Skátaguðsþjónusta á sumardaginn fyrsta

Á sumardaginn fyrsta verður skátaguðsþjónusta í kirkjunni kl. 13:00. Skátar munu sjá um tónlistarflutning og taka þátt í þjónustunni með sóknarpresti sr. Braga J. Ingibergssyni. Sjá nánar

Bragi J. Ingibergsson, 23/4 2013

Viðtalstímar sóknarprests: Alla virka daga nema mánudaga kl. 11.00 – 12.00 - og eftir samkomulagi.

Símar í Víðistaðakirkju:
Sóknarprestur: 565-2050
Kirkjuvörður: 565-2051
Organisti: 868-3110

Neyðarþjónusta presta
Vaktsími: 659 7133
Prestarnir í Hafnarfirði og Garðabæ hafa með sér samstarf um vaktsíma utan venjulegs skrifstofutíma. Hægt er að hringja í símann vegna aðkallandi málefna sem ekki þola bið fram á næsta dag.

Þriðjudagur

11:00 - 12:00 Viðtalstími sóknarprests
19.30 - 21.30 Æfing Kórs Víðistaðasóknar

Dagskrá ...