Víðistaðakirkja

 

25 ára vígsluafmæli

Þann 28. febrúar nk. verða liðin 25 ár frá vígslu Víðistaðakirkju. Í tilefni þess verða hátíðarhöld á sunnudaginn kemur þann 3. mars sem hefjast á guðsþjónustu kl. 14:00.

Biskup Íslands, frú Agnes M. Sigurðardóttir heimsækir söfnuðinn og prédikar við guðsþjónustuna. Altarisþjónustu annast sr. Sigurður H. Guðmundsson fyrrverandi sóknarprestur og Sr. Bragi J. Ingibergsson sóknarprestur.

Við guðsþjónustuna munu kórar kirkjunnar syngja ásamt Sigurði Skagfjörð einsöngvara og Guðrún Birgisdóttir leika á þverflautu. Að guðsþjónustu lokinni býður sóknarnefnd til veitinga í safnaðarheimili kirkjunnar. Sjá nánar.

Bragi J. Ingibergsson, 27/2 2013

Aðalsafnaðarfundur

Aðalsafnaðarfundur verður haldinn í safnaðarheimilinu sunnudaginn 10. mars nk. að guðsþjónustu lokinni eða um kl. 12:00. Á dagskrá verða venjuleg aðalfundarstörf.

 

Bragi J. Ingibergsson, 27/2 2013

Kvennakór Hafnarfjarðar á konudaginn

Kvennakór Hafnarfjarðar mun syngja við guðsþjónustu á sunnudaginn kemur, 24. febrúar kl. 11:00 -  og er það vel viðeigandi á konudaginn. Stjórnandi kórsins er Erna Guðmundsdóttir. Sjá nánar.

Bragi J. Ingibergsson, 20/2 2013

Hulda Björk á hádegistónleikum

Á hádegistónleikum næsta föstudag 22. febrúar kl. 12:00 mun Hulda Björk Garðarsdóttir sópransöngkona flytja fjölbreytt úrval sönglaga frá Íslandi og hinum Norðurlöndunum. Meðleikari hennar er Árni Heiðar Karlsson organisti kirkjunnar. Aðgangseyrir á tónleikana er kr. 1.500,-. Boðið verður upp á súpu og brauð í safnaðarheimilinu eftir tónleika.

Hulda Björk Garðarsdóttir hefur tekið virkan þátt í tónlistarlífinu á íslandi í á annan áratug. Hún nam við  Tónlistarskólann í Eyjarfirði, Söngskólann í Reykjavík, Hochschule der Künste í Berlín og lauk síðan námi sínu frá The Royal Academy of Music í London.

Hún hefur komið víða fram á tónleikum erlendis, verið gestasöngvari við óperuhús svo sem Norsku Óperuna í Osló, Malmö óperuna í Svíþjóð og Garsington í Englandi. Hún hefur haldið einsöngstónleika víða um landið, sungið ásamt Sinfóníuhljómsveit Norðurlands og komið fram ásamt Sinfóníuhljómsveit Íslands, nú síðast sem einsöngvari á árlegum Vínartónleikum þeirra nú í janúar.

Hulda Björk hefur sungið fjölda burðarhlutverka við Íslensku Óperuna. Á liðnu ári söng hún hlutverk Leonóru í Il Trovatore, einnig hlutverk Mimíar í La Bohéme og er nú tilnefnd til Íslensku Tónlistarverðlaunanna fyrir þau hlutverk.

Bragi J. Ingibergsson, 20/2 2013

Fjölskylduhátíð

Fjölskylduhátíð verður á sunnudaginn kemur þann 17. febrúar sem er 1. sunnudagur í föstu. Barna- og unglingakórinn syngur. Sjá nánar.

Bragi J. Ingibergsson, 13/2 2013

Helgihald 10. febrúar

Messa og sunnudagskóli á sunnudaginn kemur, 10. febrúar, kl. 11:00. Sjá nánar hér.

Bragi J. Ingibergsson, 7/2 2013

Helgihaldið sunnudaginn 3. febrúar

Guðsþjónusta og sunnudagaskóli kl. 11:00. Sjá nánar.

Bragi J. Ingibergsson, 30/1 2013

Pétur Ben í tónlistarguðsþjónustu

Í tónlistarguðsþjónustu á sunnudaginn kemur þann 27. jan. mun tónlistarmaðurinn Pétur Ben sjá um tónlistarflutninginn og sr. Kristín Þórunn Tómasdóttir héraðsprestur þjóna fyrir altari. Sunnudagaskólinn verður uppi á sama tíma. Sjá nánar…

Bragi J. Ingibergsson, 22/1 2013

Tríó Árna Heiðars á hádegistónleikum

Fyrstu hádegistónleikar ársins verða föstudaginn 25. jan. kl. 12:00. Þá mun Tríó Árna Heiðars leika frumsamda tónlist eftir Árni Heiðar Karlsson organista kirkjunnar. Meðleikarar hans eru: Þorgrímur Jónsson kontrabassi og Scott McLemore trommur.

Aðgangseyrir á tónleikana er kr. 1000,- og ef fólk vill gæða sér á gómsætri súpu á eftir kostar það 500,- til viðbótar. Allur ágóði rennur í orgelsjóð kirkjunnar.

 

Bragi J. Ingibergsson, 22/1 2013

Krílasálmanámskeið

Á undanförnum misserum hafa Krílasálmanámskeiðin vakið mikla lukku á meðal foreldra með ungabörn. Næsta námskeið hefst fimmtudaginn 14. febrúar nk. Um er að ræða 6 vikna námskeið sem fer fram einu sinni í viku, á fimmtudögum kl. 10:30 – 11:30. Námskeiðsgjald er kr. 3.000,-. Umsjón með námskeiðinu hafa Inga Harðardóttir og Elísabet Þórðardóttir. Nánar um námskeiðið.

Hægt er að skrá sig í síma 565-2050 eða senda póst á srbragi@vidistadakirkja.is.

Bragi J. Ingibergsson, 22/1 2013

Viðtalstímar sóknarprests: Alla virka daga nema mánudaga kl. 11.00 – 12.00 - og eftir samkomulagi.

Símar í Víðistaðakirkju:
Sóknarprestur: 565-2050
Kirkjuvörður: 565-2051
Organisti: 868-3110

Neyðarþjónusta presta
Vaktsími: 659 7133
Prestarnir í Hafnarfirði og Garðabæ hafa með sér samstarf um vaktsíma utan venjulegs skrifstofutíma. Hægt er að hringja í símann vegna aðkallandi málefna sem ekki þola bið fram á næsta dag.

Þriðjudagur

11:00 - 12:00 Viðtalstími sóknarprests
19.30 - 21.30 Æfing Kórs Víðistaðasóknar

Dagskrá ...