Þú finnur kirkjuna einnig á   fr yt Tw fb

Þjóðkirkjan

biðjandi boðandi þjónandi

Solveig Lára Guðmundsdóttir

Solveig Lára GuðmundsdóttirSóknarprestur á Möðruvöllum í Hörgárdal
http://solveiglara.net
Kynningarbæklingur Solveigar Láru

Helstu áherslur

  • Umhyggja fyrir prestum , sóknarnefndum og starfsfólki kirkjunnar í stiftinu
  • Efling Hólastaðar
  • Lifandi upplifun af sögu staðarins með tónlist, myndlist og bókmenntum.
  • Kyrrðardagar, fræðsla, námskeið

Fjölskylduhagir, menntun og störf

Solveig Lára lauk embættisprófi í guðfræði árið 1983 og hefur stundað framhaldsnám í kristinni íhugun og sálgæslu í Þýskalandi og í þjónandi forystu og leiðtogaþjálfunar fyrir konur á vegum Lúterska heimssambandsins. Hún vígðist sem aðstoðarprestur í Bústaðaprestakalli árið 1983, varð sóknarprestur á Seltjarnarnesi 1986 og sóknarprestur á Möðruvöllum í Hörgárdal árið 2000. Hún hefur skrifað bækurnar Augliti til auglitis, sem eru kristnar íhuganir handa konum og Aðgát skal höfð í nærveru sálar, sem er um lífsreynslu og úrvinnslu tilfinninga.

Solveig Lára er gift sr. sr. Gylfa Jónssyni og eiga þau  fjögur börn og tvö barnabörn.

Nokkur orð

Ég gef kost á mér til vígslubiskupsembættisins á Hólum í Hjaltadal vegna þess að ég hef fengið köllun frá Guði til að víkka út þá þjónustu sem ég hef ynnt af hendi innan kirkjunnar s.l. 30 ár.
Ég fékk ung að árum köllun til prestsþjónustu á höfuðborgarsvæðinu þar sem ég þjónaði í 17 ár og síðan í sveit s.l. 12 ár.
Ég finn að sú mikla reynsla sem ég hef af sálgsæslu muni nýtast mér vel til starfsins eins og mér finnst það þjóna kirkjunni best.
Nú eru mikil tímamót í kirkjunni þar sem þrír nýir biskupar eru að taka við á skömmum tíma.  Einnig er það kirkjusögulegur stórviðburður að fyrsta konan skuli nú hljóta biskupsvígslu og tel ég afar mikilvægt að hún sé vígð til biskups Íslands.  Vil ég óska sr. Agnesi hjartanlega til hamingju með kjörið og óska henni allrar Guðs blessunar.
Verði ég kjörinn vígslubiskup á Hólum mun ég fyrst og fremst leitast við að hlúa að starfsfólki kirkjunnar og fjölskyldum þeirra svo og sóknarnefndum  og því góða starfi sem unnið er í söfnuðum landsins.  Á Hólum er unnið mikið menningarstarf og mun reynsla mín af menningar- og fræðslustarfinu sem ég hef komið að hér á Möðruvöllum undan farin ár nýtast mér vel til að koma að því starfi.
Vígslubiskupsstarfið hefur hingað til mótast mjög af þeim sem þjónar starfinu hverju sinni þar sem starfinu eru enn ekki markaðar nákvæmar skorður.  Sé ég fram til þess að í framtíðinni mótist biskupsþjónustan í landinu mjög af því fólki sem nú tekur við.  Þar finnst mér eðlilegt að ákveðin verkefni sem unnin eru á Biskupsstofu flytjist að einhverju marki til stólanna í Skálholti og á Hólum þannig að starfið eflist og styrkist.

Comments are closed.