Laugardaginn 24. febrúar, kl 16:00 verður glatt á hjalla í Langholtskirkju. Barna og unglingakórar kirkjunnar blása til fjölskyldutónleika þar sem flutt verða ýmis þekkt lög, íslensk og erlendi. Einnig verða frumflutt barnalög eftir Auði Guðjóhnsen sem stýrir Krúttakórnum við kirkjuna. Listafélagið hvetur fjölskyldur til að fjölmenna á tónleikana.

Ásamt kórum kirkjunnar koma einnig fram systkinin Ragnheiður og Haukur Gröndal ásamt hljómsveit.

Flytjendur:
Gradualekór Langholtskirkju, stjórnandi Þorvaldur Örn Davíðsson
Graduale Futuri, stjórnandi Rósa Jóhannesdóttir
Graduale Liberi, stjórnandi Sunna Karen Einarsdóttir

Aðgangseyrir er 2.500 krónur fyrir 18 ára og eldri.

Allur ágóði tónleikanna rennur beint til barnakóra Langholtskirkju og er ætlað að styðja og efla enn frekar blómlegt kórastarf kirkjunnar.