Fræðslufebrúar í Vídalínskirkju – Trú og tónlist

25. janúar 2019

Fræðslufebrúar í Vídalínskirkju – Trú og tónlist

Vídalínskirkja.jpg - mynd

Í febrúar verða fjögur fræðslukvöld í Vídalínskirkju um tengsl trú og tónlistar. Á hverju kvöldi verða fluttir tveir fyrirlestrar. Sá fyrri fjallar um rit eða hugtak úr Biblíunni en sá síðari um tónskáld eða tónverk sem byggir á stefum úr Biblíunni. Á kvöldunum verður síðan flutt tónlist af úrvals tónlistarfólki. Síðasta kvöldið verður aðeins öðruvísi en þau fyrri þar sem Sigurður Flosason og Aðalsteinn Ásberg Sigurðsson fjalla um sálma sem þeir hafa samið og Kór Vídalínskirkju undir stjórn Jóhanns Baldvinssonar mun flytja þá.

Dagskrá

5. febrúar Bob og Job

Sr. Sigfinnur Þorleifsson fjallar um Jobsbók. Bókin fjallar um hinn réttláta Job sem lendir í þrengingum. Hvernig bregst hann við þjáningunni og erfiðleikunum?

Sr. Hennning Emil Magnússon fjallar um hvernig Dylan notar Jobsbók á plötunni Time out of Mind til að takast á við eigin sorg.

Systkinin Fríða og Smári Guðmundsbörn flytja eigin útsetningar af tveimur lögum Dylans af þessari ágætu plötu.

 

12. febrúar Messías

Dr. Arnfríður Guðmundsdóttir fjallar um messíasarhugtakið. Hvað er á bak við hugmyndina um Messías?

Margrét Bóasdóttir fjallar um hið slitgóða tónverk Handels. Hlín Pétursdóttir Behrens sópransöngkona og Peter Máté píanóleikari flytja tvær aríur úr verkinu.

 

19. febrúar Bono og Davíðssálmar

Dr. Gunnlaugur A. Jónsson fjallar um Davíðssálma. Þeir hafa lifað í gegnum aldirnar í helgihaldi kirkjunnar og menningarsögunni.

Dr. Gunnar J. Gunnarsson fjallar um hvernig Davíðssálmar hafa öðlast framhaldslíf í textum Bono úr U2.

 

26. febrúar

Sigurður Flosason tónskáld og Aðalsteinn Ásberg Sigurðsson skáld fjalla um sálma sína. Kór Vídalínskirkju undir stjórn Jóhanns Baldvinssonar mun flytja sálma eftir þá. Skemmtileg blanda af tónlist og tali.

 

Aðgangur er ókeypis og öllum heimill

  • Frétt

Starfsfólk Árbæjarkirkju.jpg - mynd
15
feb

Árbæjarkirkja verður græn

Starfsfólk Árbæjarkirkju tók á móti viðurkenningarskjali um græna kirkju.
Frá fundi prófasts með prestum og djáknum.JPG - mynd
15
feb

Mikilvægi þess að hittast

Prófastar kalla gjarnan presta og djákna saman til að fund og fara yfir stöðu mála.
Neskirkja 22.jpg - mynd
14
feb

Bannfæring

Á þremur fræðslukvöldum í Neskirkju, 14., 21. og 28. ferbrúar kl. 20.00 verður rætt um bannfæringar og útskúfun í margbreytilegum samfélögum