Kirkjuþing samþykkir aðgerðaáætlun um eineltis- og ofbeldismál

04. mars 2019

Kirkjuþing samþykkir aðgerðaáætlun um eineltis- og ofbeldismál

þjóðkirkjan lógó.png - myndþjóðkirkjan lógó.png - mynd

Kirkjuþing samþykkti um helgina tillögu að starfsreglum um aðgerðir gegn einelti, kynferðislegri áreitni, kyndbundinni áreitni, ofbeldi og um meðferð kynferðisbrota innan þjóðkirkjunnar samhljóða.

Vigfús Bjarni Albertsson, mannauðsstjóri Biskupsstofu, sat í nefnd sem síðan á síðasta ári hefur unnið að gerð tillögunnar. Í stað Fagráðs um meðferð kynferðisbrota, verður skipað teymi þriggja fagaðila sem eru hvorki starfsfólk né vígðir þjónar kirkjunnar, né sinna trúnaðarstörfum innan kirkjunnar, svo sem sitji í sóknarnefndum. Í fagráðinu sátu auk sálfræðings og lögfræðings einn prestur.

 „Þetta munu vera sérfræðingar á sínu sviði og munu hafa tilheyrandi menntun til þess að fjalla um slík mál,“ segir Vigfús.

Vigfús segir að breytingin sé gerð til auka og tryggja enn frekar fagleg vinnubrögð í kringum málefni þolenda.

„Við viljum að þolendur geti verið vissir um að þeir geti leitað til óháðra fagaðila hvenær sem er í fullum trúnaði. Eineltis og ofbeldismál eru grafalvarleg og það er nauðsynlegt að allt sé gert til að tryggja hag þolenda.“

Ráðið verður í stöðurnar á næstu mánuðum.

  • Frétt

Salóme R. Gunnarsdóttir
17

Hálfmaraþon milli kirkna

Frá Ísafjarðarkirkju til Súðavíkurkirkju
Jónína Ólafsdóttir
16

Nýr prestur á Dalvík

Jónína Ólafsdóttir guðfræðingur hefur verið settur prestur í Dalvíkurprestakalli.