Biskup vísiteraði Hólmsheiðarfangelsið

22. mars 2019

Biskup vísiteraði Hólmsheiðarfangelsið

Biskup Íslands, frú Agnes M. Sigurðardóttir, vísiteraði Hólmsheiðarfangelsið í Reykjavík í vikunni. Með í för var prófastur Reykjavíkurprófastsdæmis vestra, sr. Helga Soffía Konráðsdóttir, sr. Þorvaldur Víðisson, biskupsritari, Elías Þórsson, verkefnastjóri samskiptamála á Biskupsstofu og fangaprestur þjóðkirkjunnar, sr. Hreinn S. Hákonarson.

Forstjóri Fangelsismálastofnunar ríkisins, Páll E. Winkel, og Halldór Valur Pálsson, forstöðumaður Hólmsheiðarfangelsisins, tóku á móti biskupi og fylgdarliði hennar.

Starfsemi fangelsisins var kynnt ítarlega fyrir biskupi og föruneyti hennar. Fangelsið var skoðað og farið inn á kvennadeild en þar afplána nú um stundir alls átta konur. Heimsóknaraðstaða var einnig skoðuð sem og stjórnstöð fangelsisins. Störf fangavarða voru kynnt fyrir hópnum.

Í vísiteringunni var rætt var um stöðu fangelsismála og þjónustu kirkjunnar. Fangaprestur mun láta af embætti 1. maí n.k.

Þá var helgistund í fangelsinu sem fangaprestur stýrði. Prófasturinn lék á gítar og leiddi söng. Biskup prédikaði. Rúmlega tuttugu fangar sóttu stundina. Í lok hennar var boðið upp á gos, vínarbrauð og kleinur. Biskup ræddi við fanga og tóku þeir henni ljómandi vel.

Þessi heimsókn tókst ákaflega vel og móttökur fangelsismálastjóra og forstöðumanns fangelsisins voru framúrskarandi í einu og öllu. Fyrir þær er þakkað.

  • Frétt

Birta í gegnum kirkjuskráargat

Skráargat á kirkjuhurð

08. mar. 2021
...margt um að vera
Fremri röð frá vinstri: sr. Bjarni Þór Bjarnason, sr, Sigurður Már Hannesson, sr. Agnes M. Sigurðardóttir, Margrét Lilja Vilmundardóttir, dr. Sigurvin Lárus Jónsson. Aftari röð: sr. Pétur Ragnhildarson, Rakel Brynjólfsdóttir, sr. Einar Eyjólfsson, Einar Sveinbjörnsson, og sr. Sveinn Valgeirsson.

Prestsvígsla í morgun

07. mar. 2021
...Fríkirkjan og skólahreyfingin
Altaristafla Grindavíkurkirkju - mósaíkmynd eftir eldri töflu sem Ásgrímur Jónsson málaði og hana má sjá í safnaðarheimilinu

Kirkjan í Grindavík

06. mar. 2021
...þegar jörð nötrar