Sálmafossinn streymir

24. ágúst 2019

Sálmafossinn streymir

Sálmafossinn - gestir boðnir velkomnir

Hallgrímskirkja var troðfull þegar sálmafossinn tók að streyma kl. 15.00 í dag.

Það er samfelld dagskrá í kirkjunni til kl. 21.00 í kvöld.

Hörður Áskelsson er listrænn stjórnandi dagskrárinnar og skipuleggur hana. Prestarnir sr. Irma Sjöfn Óskarsdóttir og dr. Sigurður Árni Þórðarson kynna. Inga Rósa Ingólfsdóttir er framkvæmdastjóri og tók á móti tíðindamanni kirkjan.is í forkirkju þar sem hún afhenti gestum prógrammið.

Dagskráin er afar fjölbreytt. Mótettukórinn, Scola cantorum, kirkjukór Akraness, kammerkórinn Hljómeyki og Dómkórinn, svo eitthvað sé nefnt, syngja. Sálmaspuni ómar og valin orgelverk verða leikin á Klais-orgel kirkjunnar.

Sérstaklega skal bent á Det Unge Vokalensemble frá kóngsins Kaupmannahöfn sem flytur meðal annars danska og íslenska kórtónlist. Þessi kór verður svo með tónleika annað kvöld í Háteigskirkju kl. 20.00. Aðgangur er ókeypis.

Fjöldi manns kemur að þessum tónleikum, og segja má að þar sé á ferð snilldarfólk á sínu sviði.

Enginn má láta þennan sálmafoss fram hjá sér fara.

Aðgangur er ókeypis og fólk getur farið og komið að vild.

Framkvæmdastjóri Sálmafossins, Inga Rós Ingólfsdóttir, afhenti prógrammið


  • Frétt

  • Menning

  • Samfélag

  • Tónlist

  • Viðburður

  • Menning

  • Samfélag

Sr. Helga og Ingunn mannauðsstjóri handsala samninginn eftir undirritun - söguleg stund í dag á Biskupsstofu, Katrínartúni 4
22
jan.

Tímamót

Fyrsti ráðningarsamningurinn undirritaður
Reykjavík á votum vetrardegi í janúar
22
jan.

Kirkjan og dagsetur fyrir heimilislausar konur

Boðið yrði upp á heita máltíð í hádeginu
Listafólkið stillti sér að sjálfsögðu upp fyrir myndatöku
22
jan.

Ellefu hlutu styrk

...tónskáld og textahöfundar sem semja kirkjuleg verk