Gróska og gleði í Breiðholtskirkju

24. september 2019

Gróska og gleði í Breiðholtskirkju

Steinunn Þorbergsdóttir, djákni, sett inn í embætti

Síðast liðinn sunnudag var mikil hátíð og gleði í Breiðholtskirkju.

Steinunn Þorbergsdóttir, djákni, var sett inn í embætti í Breiðholtssókn og Alþjóðlega söfnuðinum í Breiðholtskirkju. Hún var vígð til djáknaþjónustu fyrir um viku í Dómkirkjunni.

Það voru þeir sr. Magnús Björn Björnsson, sóknarprestur, og sr. Toshiki Toma, prestur innflytjenda, sem settu hana inn í embættið og buðu hana velkomna til starfa í fjarveru sr. Gísla Jónassonar, prófasts. 

Steinunn kemur til með að þjóna í Breiðholtssókn, í barnastarfi og meðal eldri borgara, en einnig í barnastarfi í Alþjóðlega söfnuðinum í Breiðholtskirkju.

Vígsla hennar er staðfesting þess að gróska er í starfi beggja safnaðanna sem eiga heimili í Breiðholtskirkju.

Með vaxandi fjölda flóttafólks sem leitar hælis hér á landi og fær landvistarleyfi bætast æ fleiri börn í hópinn. Foreldrarnir hafa flestir tekið kristna trú, en orðið að flýja heimaland sitt vegna aðstæðna þar.

Steinunn Þorbergsdóttir, djákni, mun hafa sunnudagaskóla fyrir börnin á sama tíma og hinir fullorðnu sækja guðsþjónustu í kirkjunni. Djáknaþjónusta verður æ mikilvægari í starfi þjóðkirkjunnar.

Eftir innsetningarmessu var boðið til veislu þar sem vígslu Steinunnar var fagnað innilega. Það var svo önnur veisla eftir messu hjá Alþjóðlega söfnuðinum. Þar ríkti og mikil gleði yfir því að Steinunn væri komin til starfa og var henni færður blómvöndur.

Það er gróska og gleði í söfnuðunum í Breiðholtskirkju.

Sjá nánar um starfið í Breiðholtskirkju á heimsíðu safnaðarins hér.


  • Alþjóðastarf

  • Barnastarf

  • Frétt

  • Kærleiksþjónusta

  • Menning

  • Messa

  • Sálgæsla

  • Samfélag

  • Trúin

  • Menning

  • Samfélag

Skotlandsfarar á leið til Iona
16
okt.

Kirkjufólk til Skotlands

...allir glaðir og endurnærðir
Gleði og ánægja sveif yfir vötnum
16
okt.

Haustnámskeið Vestfjörðum

... árangurinn lætur ekki á sér standa
jogvan friðriksson.jpg - mynd
12
okt.

Biskup Færeyja predikar í Árbæjarkirkju

Jógvan Friðriksson, Færeyjabiskup, predikar í messu Árbæjarkirkju n.k. sunnudag. Hann mun fjalla um áskoranir og hlutverk kirkjunnar í umhverfisverndarmálum.