Sálgæsludagurinn er nauðsynlegur

22. október 2019

Sálgæsludagurinn er nauðsynlegur

Rósa Kristjánsdóttir, deildarstjóri sálgæslu djákna og presta

Undanfarin ár hefur verið haldinn sérstakur dagur á Landspítalanum sem hefur verið tileinkaður sálgæslu.

Sálgæsludagurinn í ár fer fram í Hringsal Barnaspítala á morgun, miðvikudaginn 23. október og stendur yfir frá kl. 13.15 – 16.00.

Veg og vanda af honum hefur sálgæsluteymi spítalans haft en fyrir því fer Rósa Kristjánsdóttir, djákni - hún er deildarstjóri sálgæslu djákna og presta.

„Allir eru velkomnir til að hlýða á dagskrána og taka þátt í henni,“ segir Rósa þegar kirkjan.is spyr hana út í sálgæsludaginn. „Og fólk hefur verið ánægt með þetta framtak okkar enda nauðsynlegt að taka einn dag frá til að huga að einstaka þáttum sálgæslunnar.“

Dagskrá sálgæsludagsins beinir sjónum sínum að þessu sinni að sálgæslu og fíkn: Hinar mörgu birtingamyndir fíknar.

„Fíknin getur birst á öllum deildum sjúkrahússins,“ segir Rósa, „hjá manneskju í sjálfsvígshugleiðingum vegna fíkniefnavanda og hjá annarri sem hefur slasast því að hún vissi ekki í þennan heim eða annan vegna neyslu – þannig mætti lengi telja.“ Vandinn er víðtækur að sögn hennar og því er reynt á þessum sálgæsludegi að skoða hann út frá sjónarhóli fjölskyldunnar, einstaklingsins og starfsfólksins.

Stöðugildi djákna og presta við Landspítala-háskólasjúkrahús eru 6.8, að sögn Rósu. Sálgæsluteymið sinnir vaktavinnu, en allir eru á vakt frá 8-16.00. Síðan er skipst á helgar- og næturvöktum. Þau í teyminu reyna að vera sýnileg inni á deildum og þá sinna þau ýmsum teymisfundum.

Rósa Kristjánsdóttir setur sálgæsludaginn formlega kl. 13.15.

Þessi erindi verða flutt og um þau fara líka fram umræður:

„Sorg og þjáning fjölskyldunnar í fíknisjúkdómum“, sr. Eysteinn Orri Gunnarsson, sjúkrahúsprestur,
kl. 13.25-13.45.

„Fólk með fíknisjúkdóm finnur líka til“, Sigríður Zoëga, PhD., sérfræðingur í hjúkrun á Landspítala,
kl. 13.45-14.05.

„Fíkn og sálgæsla á vefrænum deildum“, sr. Díana Ósk Óskarsdóttir, sjúkrahúsprestur,
kl. 14.30-14.50.

„Að annast fólk með sögu um fíknisjúkdóma“, Sigurður Örn Hektorsson, yfirlæknir fíknigeðdeildar,
kl. 14.50-15.10.

Eftir fyrirspurnir og umræður flytur Lára Sif Lárusdóttir, áfengis- og vímuefnaráðgjafi Teigi, lokaorð.

Fundarstjórn er í höndum sr. Vigfúsar Bjarna Albertssonar, sjúkrahúsprests.

Sálgæsludagurinn fer fram í húsakynnum Barnaspítala Hringsins en
þar er þetta listaverk að finna utan dyra.
  • Forvarnir

  • Fræðsla

  • Frétt

  • Fundur

  • Menning

  • Samfélag

  • Viðburður

  • Fræðsla

  • Menning

  • Samfélag

Siglufjarðarkirkja - bekkir verða vel setnir í dag þegar nýja hljóðkerfið verður tekið í notkun
31
maí

Vegleg gjöf

Tvöföld hátíð
Hvítasunnudagur.jpg - mynd
31
maí

Gleðilegan hvítasunnudag!

Hvítasunnan er auk páska og jóla ein af sameiginlegum höfuðhátíðum kristinnar kirkju. Hátíðin markaði upphaflega lok páskatímans sem stóð í 50 daga, en varð síðar að sjálfstæðum minningardegi um það sem kallað er...
Lágafellskirkja - á morgun verða þar þrjár fermingarguðsþjónustur
30
maí

Helgihald tekur kipp

Allt er að koma til baka