Konur sem postular og prestar: Fyrstu, síðustu og næstu 100 árin

14. janúar 2020

Konur sem postular og prestar: Fyrstu, síðustu og næstu 100 árin

Á síðasta ári var kona númer eitt hundrað vígð sem prestur innan íslensku þjóðkirkjunnar. Af því tilefni efnir Guðfræðistofnun Háskóla Íslands til málþings um prestvígslu kvenna í fyrirlestrasal Þjóðminjasafnsins 17. janúar næstkomandi kl. 13:30–16.

Á málþinginu munu fjórir prófessorar við Guðfræði- og trúarbragðafræðideild HÍ leitast við að svara m.a. eftirfarandi spurningum:

    Hver eru helstu rökin með og á móti prestvígslu kvenna?

    Hvers vegna tók það svona langan tíma að vígja fyrstu konuna á Íslandi?

    Hvernig er staðan í stærstu kirkjudeild heims, rómversk-kaþólsku kirkjunni?

    Hefur prestvígsla kvenna breytt þjónustu kirkjunnar?

    Hver er gagnsemi þess að greina á milli kynferðis og kyngervis?

Dagskrá:

    Rúnar M. Þorsteinsson, „Postulinn Júnía á fyrstu öld og kaþólskir kvenprestar á þeirri tuttugustu og fyrstu.“

    Arnfríður Guðmundsdóttir, „Fyrir og eftir prestvígslu kvenna. Löng og ströng leið kvenna til vígðrar þjónustu í evangelísk lútherskri kirkju     á Íslandi.“

Hlé: kaffiveitingar

    Hjalti Hugason - „1974 og hvað svo? Brot úr sögu prestastéttar.“

    Sólveig Anna Bóasdóttir - „Kynferði, kyngervi, kynjalíkön og fleira kynlegt.

Hugleiðingar um mikilvægi kynferðisflokkunar nú sem fyrr!“

Málþingsstjóri: Sr. Aldís Rut Gísladóttir.

Málþingið er opið öllum. Boðið verður upp á veitingar í hléi.

  • Erindi

HM 2018 - Ísland - Argentína í Moskvu 16. júní. Þjóðsöngur Íslands leikinn - textinn er sálmur, lofsöngur. Mynd: Pétur Hreinsson.
20
jan.

Spennandi málþing: Trú og íþróttir

„Ég tigna boltann og lít til hans sem væri hann Guð.“
Sr. Petrína Mjöll fyrir altari, Þórey Dögg og Arngerður lásu ritningarlestra
19
jan.

Kirkjan að störfum: Eldri borgarar og nýtt ár

...blandaður hópur í kirkjunni
Morgunkaffi í Seltjarnarneskirkju
16
jan.

Kirkja og samfélag

...kirkjan rækti nærsamfélagið